e-GA kujenga Serikali ya kidigiti katika kipindi cha miaka 10 ijayo

Mkurugenzi Mkuu wa Mamlaka ya Serikali Mtandao (eGA), Mhandisi Benedct Ndomba akizungumzia kuhusu utekelezaji wa shughuli za Taasisi hiyo jijini Dodoma.

NA JOYCE KASIKI,DODOMA

MKURUGENZI Mkuu wa Mamlaka ya Serikali Mtandao (e-GA) Mhandisi Benedict Ndomba amesema Mamlaka hiyo itaendelea kutekeleza azma ya Rais  Dkt. Samia Suluhu Hassan ya  kuhakikisha inaijenga Serikali ya Kidijiti.

Mhandisi Ndomba ameyasema hayo jijini hapa wakati akizungumza na waandishi wa habari  kuhusu utekelezaji pamoja na mafanikio ya Mamlaka hiyo.

“Katika kuhakikisha tunaijenga Serikali ya Kidijiti, Katika kipindi cha miaka 10 ijayo, Mamlaka  itaandaa na kutekeleza mikakati madhubuti ili kuimarisha zaidi utekelezaji wa jitihada za Serikali Mtandao kwa kuwa na Sehemu moja ambayo huduma mtandao zote zitakuwa zinapatikana. “alisema Mhandisi Ndomba

Pia alisema,ni lazima kuwa na uwezo wa kutumia teknolojia mpya zinazoibuka, hasa zile za akili bandia, sarafu za kidijiti  na teknolojia za kifedha, ili kuwezesha maboresho ya kiutendaji katika Taasisi za Umma na utoaji wa huduma kwa Umma.

Kwa mujibu wa Mkurugenzi pia ni lazima kuwa na vijana wa kitanzania wenye uwezo mkubwa wa ubunifu katika utekelezaji wa jitihada  za Serikali mtandao na uzalishaji wa vifaa na miundombinu ya TEHAMA,Mifumo na miundombinu ya Serikali mtandao iliyo bora na imara zaidi.

Alisema,ili kufikia yote hayo katika kipindi kijacho, Mamlaka imepanga kushughulikia maeneo ya  kipaumbele ambayo ni pamoja na kuendelea kusimamia utekelezaji wa Sheria, Kanuni na Miongozo ya Serikali  Mtandao kwa Taasisi zote za umma.

Ambapo itapitia na kukagua miradi  na Mifumo ya TEHAMA ya kimkakati, kisekta na kitaasisi ili kuhakikisha kuwa  imetengenezwa na inatumika kwa kufuata Sheria, Kanuni, Viwango na Miongozo  iliyopo na kushauri maeneo ya kuboresha na kufuatilia utekelezaji wake.

Ametaja maeneo mengine ya kipaumbele kuwa ni            kupitia na kutathmini hali ya usalama wa Mifumo na Miundombinu ya Serikali  Mtandao na kuzishauri Taasisi za Umma katika maeneo ya kuboresha, pamoja na  kufuatilia utekelezaji wake ili kuhakikisha kuwa Mifumo na Miundombinu ya TEHAMA  inafanya kazi wakati wote kwa ufanisi na usalama.

Kwa mujibu wa Mhandisi Ndomba ili kufikia azma hiyo pia katika kipindi hicho e-GA itaendelea kuunganisha Mifumo ya Taasisi za Umma kwenye Mfumo wa Serikali wa  kubadilishana Taarifa,kuendeleza shughuli za tafiti na ubunifu katika matumizi ya teknolojia mpya za  TEHAMA ili kuibua huduma mpya kwa umma na kuwezesha matumizi sahihi ya  teknolojia mpya zinazoibuka.

“Kujenga mifumo tumizi ya Kisekta kwa kushirikiana na Sekta husika, ili kupunguza  wingi wa mifumo na kuboresha utendaji ndani ya sekta na kuiwezesha  kubadilishana Taarifa na mifumo ya sekta nyingine pale inapohitajika na kupanua uwezo wa Mtandao wa Mawasiliano Serikalini na  kuufikisha katika Wilaya zote nchini ili kurahisisha utekelezaji wa jitihada za serikali  mtandao na kuwafikishia huduma wananchi wote popote walipo.

Share:

Read More

Vitabu 16 vyenye maudhui yenye upotoshaji watoto vyapigwa marufuku,Serikali yatoa onyo kwa shule zitakazobainika kuvitumia

NA JOYCE KASIKI,DODOMA

SERIKALI imepiga marufuku vitabu 16 kutumika mashuleni kutokana na vitabu hivyo kukinzana na mila , desturi na tamaduni za kitanzania .

Aidha imesema,kwa shule ambayo itabainika kuendelea kutumia vitabu hivyo mara baada ya katazo la Serikali itachukuliwa hatua mbalimbali za kinidhamu na kisheria ikiwemo kufutiwa usajili wake.

 Akizungumza na waandishi wa habari kuhusu kufutwa kwa vitabu hivyo Waziri wa Elimu,Sayansi na Teknolojia Profesa Adolf Mkenda amesema, uwepo wake pia unahatarisha  malezi bora ya watoto.

Amevitaja vitabu vilivyopigwa marufuku kutumika mashuleni ni pamoja na Diary of Wimpy Kid,Dairy of Wimpy Kid-Rodrick Rules,Diary of Wimpy Kid- The last Straw,Diary ofi Wimpy Kid –The Ugly Truth na Diary of Wimpy Kid-Cabn Fever.

Vitabu vingine vilivyopigwa marufuku hiyo ni Diary of Wimpy Kid –The Third Wheel,Diary of Wimpy Kid –Hard Luck,Diary of Wimpy Kid-The long Haul,Diary of Wimpy Kid –Old SchoolDiary of Wimpy Kid-Double Down na Diary of Wimpy Kid-The Gateway.

Kwa mujibu wa Profesa Mkenda ,pia vitabu vya Diary of Wimpy Kid-Diper Overlode,Is for TANSGENDER(you know best who you are),Is for LGBTQIA (find the word that make you you na Sex Education a guid to life ,vyote vimepigwa marufuku.

“Hii ni orodha ya kwanza ,baada ya ukaguzi na kuhakikiwa kwamba vitabu hivi vinakiuka maudhui ya malezi mema ya mtanzania,ukaguzi unaendelea ,tunahimiza wazazi ,walimu ,wanafunzi na jamii kwa ujumla kwa ambaye atagundua kitabu kingine chochote kinachokiuka maudhui apige simu kwenye namba 0262160270 au 0737962965.”amesema Profesa Mkenda

Waziri huyo ametumia nafsi hiyo kuwahimiza wazazi kukagua mabegi ya watoto mara kwa mara ili kuhakikisha hawatumii vitabu hivyo.

Share:

Read More

Jitihada zifanyike kuhamasisha wanawake na wasichana kujiunga na masomo ya sayansi

NAIBU WAZIRI WA ELIMU,SAYANSI NA TEKNOLOJIA OMARY KIPANGA AKIZUNGUMZA WAKATI WA MAADHIMISH0 YA KIMATAIFA YA WASICHANA NA WANAWAKE 

NA JOYCE KASIKI,DODOMA

NAIBU waziri wa Elimu ,Sayansi na Teknolojia amewataka wazazi na jamii kwa ujumla kuweka jitihada za kuwahamsisha wasichana na wanawake kuingia katika masomo ya Sayansi ili wapende kusoma masomo ya sayansi ambayo yatawafanya kuwa wabunifu na hatimaye kuwa wenye tija kwa jamii na Taifa kwa ujumla.

Ameyasema hayo Februari 11,2023 katika maadhimisho ya siku ya Kimataifa ya Wasichana na wanawake ambayo yamelenga kuleta chachu kwa makundi hayo ili nchi iweze kuwa na wanasayansi,wahandisi na wabunifu katika nyanja mbalimbali.

“Suala la wanawake na wasichana ni mtambuka na hivyoyanahitaji ushiriki na mchango wa wadau wote bila kujali kama wapo katika sekta binafsi au sekta ya umma.”amesema Kipanga na kuongeza kuwa

“Sote tunatambua kuwa ujuzi uliojengwa katika misingi ya sayansi ,teknolojia ,uhandisi na Hisabati unachagiza ubunifu na ni muhimu katika kufanikisha utekelezaji wa mipango mbalimbali kwa Taifa.”

Kwa mujibu wa Kipanga maadhimisho hayo yana umuhimu wa kipekee kuhamasisha wanawake na wasichana kuunga mkono juhudi za serikali kuendeleza ubunifu wa kisayansi ambao ni nyenzo ya msingi katika kuleta maendeleo ya kiuchumi na kijamii hapa nchini.

Kauli mbiu ya maadhimisho ya mwaka huu ni ‘Buni ,onesha ,inua ,boresha na endeleza,ambayo inalenga kuhamsisha ushiriki wa wanawake na wasichana katika Sayansi,teknolojia na ubunifu.

Kwa upande wake Mkurugenzi wa Idara ya Sayansi ya Elimu,Teknolojia na Ubunifu Profesa Maulilio Kipanyula amesema,siku hiyo ilianza kuadhimishwa na Umoja wa Mataifa 2015 huku kwa hapa nchini ilianza kuadhimishwa mnamo 2021.

Kwa mujibu wa takwimu za UNESCO,ni asilimia 24 tu ya wasichana wote wanaoenda vyuo vikuu ndiyo wanaosoma masomo ya sayansi,teknlojia,uhandishi na hisabati .

Naye Rais wa Taasisi ya Wahandisi wanawake Mhandisi Ester Christopher amesema,katika chama cha wahandisi kina wanachama wapatao 4000 lakini wanawake ni 300 tu na kwamba kwenye Bodi ya Wahandisi ,wahandisi waliosajiliwa ni kama 30000 hivi lakini wahandisi wanawake ni 4000 tu sawa na asilimia kama 12 tu.

“Kwa  hiyo tunatakiwa kuweka jitihada za ziada ili kuweza kuhakikisha kwamba hilo ‘gap’tunaliziba  kwa kuwahamasisha wasichana kupenda masomo ya sayansi ambayo yatawapeleka kwenye masuala ya Sayansi,Uhandisi,teknlojia na hisabati na kuleta tija kwa Taifa hapo baadaye.” Amesema Mhandisi huyo 

Share:

Read More

Waandishi wa habari za mtandaoni wahimzwa kuzingatia maadili ya taaluma ya uandishi wa habari

MSEMAJI MKUU WA SERIKALI GERSON MSIGWA

 

NA JOYCE KASIKI,DODOMA

 

MSEMAJI Mkuu wa Serikali Gerson Msigwa maezindua Taasisi ya wanahabari wanaoandika habari za mtandaoni (TOMA) huku akilitaka kundi hilo kuandika kwa kuzingatia weledi na maadili yote ya taaluma hiyo lakini pia lijiendeleze kielimu.

Akizunguumza katika uzinduzi wa Taasisi hiyo,Msigwa amesema,wanahabari wa mtandaoni lazima wajitofautishe na watu wengine wanaotumia mitandao ambao hawana taaluma ya habari.

“Lazima tujitofautishe na watu wengine na tuonyeshe taaluma yetu ,nafasi tunayo,pia tujiendeleze kitaaluma ili tutengeneze maudhui bora katika vyombo vya habari vya mtandaoni.”amesema Msigwa

Amesema kwa upande wa Idara ya habari Melezo ipo tayari kushirikiana na TOMA katika kuhakikisha mazingira ya habari mtandaoni yanaboreka.

Ametumia nafasi hiyo kuwataka waandishi wa habari za mtandaoni wajiunge na TOMA ,lakini pia waandike habari zao kwa kuheshimu mipka ,sheria,kanuni na taratibu za nchi zilizopo kwa lengo la kutozua taharuki katika jamii .

“Sisi wenyewe ndiyo tunaotakiwa tulinde heshima yetu ili watu watuamini na wanedlee kutufuatilia kwenye mitandao kusoma taarifa tunaoweka huko.”amesisitiza Msigwa

Aidha amewaasa wanachama wote wa  TOMA kutotumika vibaya na watu wasiolitakia mema Taifa la Tanzania.

Share:

Read More