SWICA YAIINGIZIA SERIKALI DOLA ZA MAREKANI 2,773,000

Na. Beatus Maganja, Bungeni Dodoma 

Waziri wa Maliasili na Utalii Mhe. Angellah Jasmin Kairuki (Mb) amesema katika kuongeza mapato yatokanayo na shughuli za utalii, Wizara yake imefanikiwa kuanza utekelezaji wa Uwekezaji Mahiri kwenye Maeneo ya Wanyamapori (Special Wildlife Investment Concession Areas - SWICA) ambapo jumla ya Dola za Marekani 2,773,000 sawa na Shillingi bilioni 7.1 zimepatikana ikiwa ni ada ya vitalu zilizokusanywa tangu kusainiwa kwa mkataba tarehe 3 Januari, 2024.

 Ameyasema hayo leo Mei 31, 2024 Bungeni Dodoma akiwasilisha taarifa ya utekelezaji wa Mpango wa Bajeti ya Wizara ya Maliasili na Utalii kwa Mwaka wa Fedha 2024/2025.

Mhe Kairuki amesema kupitia Uwekezaji huo Wizara yake inategemea kuongeza mapato kufikia Dola za Marekani millioni 312 sawa na wastani wa Dola za Marekani millioni 15.5 kwa mwaka.

Akizungumzia suala la uvunaji wa wanyamapori na masharti ya Mkataba wa CITES, Mhe. Kairuki amesema Tanzania imefanikiwa kuingia katika kundi la kwanza (Category I) la nchi wanachama zenye Sheria zinazotekeleza Mkataba wa CITES kikamilifu hatua inayotajwa kuiwezesha Tanzania kufanya biashara ya uwindaji wa kitalii na mataifa ambayo masharti ya kupokea nyara kutoka kwenye nchi ambazo Sheria zake ziko katika kundi la kwanza

Katika kuhakikisha maeneo ya malikale yanaendelea kukidhi vigezo vya kimataifa na kuvutia watalii, Waziri Angellah Kairuki amesema Wizara ya Maliasili na Utalii imefanikiwa kupandisha hadhi Eneo la Magofu ya Kilwa Kisiwani na Songo Mnara, lenye hadhi ya Urithi wa Dunia kuwa miongoni mwa maeneo yenye mahusiano ya kisayansi kati ya binadamu na mazingira (Man and Biosphere Reserve).

Amesema hadhi hiyo imetolewa na UNESCO mwezi Julai, 2023 na hivyo kuongeza idadi ya maeneo yenye sifa hiyo kutoka 5 hadi 6  na hatua inayotajwa kuchochea shughuli za utalii wa malikale kwa kuongeza idadi ya watalii wa Kimataifa katika eneo la Magofu ya Kilwa Kisiwani na Songo Mnara hususani kupitia utalii wa meli.

Share:

Read More

Mashirika ya Ndege ya Kimataifa kutangaza vivutio vya utalii

Waziri wa Maliasili na Utalii Angellah Kairuki akisoma makadirio ya mapato na matumizi Bungeni jijini Dodoma

Na Joyce Kasiki,Dodoma

WAZIRI wa Maliasili na Utalii Angellah Kairuki amesema,mashirika ya ndege ya Kimataifa ya Qatar Airways, Emirates na Turkish Airlines yanaenda  kutangaza vivutio vya utalii vivanvyopatikana nchini Tanzania.

Aidha amesema, Wizara itaendelea kutangaza utalii ndani na nje ya Nchi kupitia matangazo katika Ligi na Mashindano ya Michezo yenye wafuatiliaji wengi zaidi Duniani kwa lengo la kuongeza watalii nchini hadi kufikia watalii milioni tano.

Akizungumza leo Mei 31 mwaka huu Bungeni jijini Dodoma wakati akiwasilisha makadirio ya mapato na matumizi kwa mwaka wa fedha wa 2024/25 ambapo ametaja vipaumbele vya Wizara hiyo kuwa ni pamoja na Wizara kutumia  watu mashuhuri na wenye ushawishi, Mabalozi wa hiari wa utalii, vyombo vya habari vya Kimataifa vyenye ushawishi pamoja na mitandao ya kimataifa ya utalii kama vile TripAdvisor na Expedia Group, vyombo vya habari kama CNN.

Pia ametaja vipaumbele vingine kuwa ni Wizara kuweka mifumo maalum ya mawasiliano katika misitu ya hifadhi ya asili na mashamba ya miti ili kubaini matukio ya moto; na kutoa elimu ya uhifadhi pamoja na kupambana na kuzuia matukio ya moto. 

Akizungumza kuhusu mkutanonwa wadau wa nyuki Waziri huyo amesema,katika kuelekea mkutano wa wadau wa nyuki wa  Kimataifa  2027,  Wizara itaanza utekelezaji wa  Programu ya Nyuki kwa Vijana na Wanawake ili kuandaa wataalamu na wajasilisamali wa mazao yatokanayo na asali na mazao mengine ya nyuki” Alisema Mhe. Kairuki.

Aidha, Wizara itaandaa Miongozo na Taratibu za kutwaa na kuhamisha umiliki wa rasilimali za malikale kutoka kwa wamiliki kwenda kwa Wadau kwa ajili ya kuendeleza shughuli za uhifadhi na kuandaa Mkakati wa utekelezaji wa Sera ya Mambo ya Kale ya Mwaka 2008.

Kairuki amesema kuwa wizara itahuisha h muda wa kulipa Ada ya Leseni ya Biashara za utalii na kuwa katika kipindi cha miezi 12 kuanzia siku ya mwisho ambayo wakala wa biashara za utalii amelipia leseni yake badala ya utaratibu wa sasa.

"Wizara kwa mwaka ujao wa fedha itapunguza Ada ya  Leseni ya Biashara za utalii  kwa wakala wa kupandisha watalii mlimani (mountain climbing), kufuta tozo kwa waongoza watalii wenye leseni hai kila wanapoingia hifadhini."amesema Kairuki na kuongeza kuwa

"Wadau watalipa  Ada ya  Leseni ya Biashara za utalii kwa kutumia shilingi ya Tanzania badala ya Dola za Marekani pamoja na kuongeza muda wa Leseni ya Biashara za utalii kwa Waongoza watalii ambapo kwa sasa  itadumu kwa kipindi cha miaka mitatu badala ya mwaka mmoja wa sasa."

Share:

Read More

TAFORI yafanya Tafiti 5 kuongeza tija katika viwanda vya mazao ya misitu Nchini

Waziri wa Maliasili na Utalii Angellah Kairuki

Na Joyce Kasiki,Dodoma

SERIKALI imesema,Taasisi ya Utafiti wa Misitu Tanzania (TAFORI)   imefanya jumla ya tafiti 17 zikiwemo tafiti tano za kimkakati ambapo Tafiti  zilizofanyika ni pamoja na tathmini ya rasilimali za misitu kwa ajili ya kuongeza tija katika viwanda vya mazao ya misitu Nchini.

 Waziri wa Maliasili na Utalii Angellah Kairuki ameyasema hayo Bungeni jijini Dodoma leo 31 mwaka huu wakati akiwasilisha makadirio ya mapato na matumizi ya Wizara hiyo kwa mwaka 2024/26.

Amesema tathmini hiyo imefanyika katika Mikoa ya Kanda za Magharibi, Kati, Nyanda za Juu Kusini na Ziwa ambapo imebainika kuwepo kwa viwanda takriban 940 vya msingi (viwanda vinavyopokea malighafi moja kwa moja kutoka msituni) vyenye mahitaji ya malighafi za mita za ujazo 7,473,826. 

"Tathmini imebaini kuwa malighafi zinazopatikana kwa sasa ni mita za ujazo 3,772,239 sawa na asilimia 50 ya mahitaji huku akisema pia tathimini hiyo  imebaini uwepo wa takriban hekta 266,457.98 zilizopandwa miti kwa ajili ya kutoa malighafi kwenye viwanda vya misitu vilivyopo Nchini. "Amesema Kairuki

Amesema,upungufu wa malighafi uliopo unaonesha kuwa uwekezaji kwenye viwanda vya misitu ni mkubwa kuliko kasi ya upandaji miti. 

Ametumia nafasi hiyo kutoa  rai kwa wananchi kuchangamkia fursa hiyo iliyopo kwa kuanzisha mashamba ya miti katika maeneo yao.

Kwa mujibu wa Kairuki,TAFORI pia imefanya tathmini ya idadi ya miti, hali ya masoko na mchango 

wa miti jamii ya Mkurungu ,Msandali (Osyris lanceolate), na Msekeseke ambayo ina mahitaji makubwa sokoni.

 Amesema tathmini hiyo imefanyika katika Mikoa ya Tabora, Katavi, Kigoma, Songwe, Lindi, Ruvuma, 

Dodoma, Manyara, Arusha, Tanga na Iringa ambapo matokeo ya utafiti huu yameonesha kuwa miti hii inapatikanakatika maeneo husika na hupatikana kwa viwango tofauti kati ya jamii moja na nyingine katika misitu iliyohifadhiwa.

Kairuki amesema mahitaji ya miti jamii ya Mkurungu 

kwenye soko la kimataifa kwa Mwaka ni takriban mita za ujazo 188,440 ambapo Tanzania inachangia asilimia 7.4 sawa na mita za ujazo 13,883. 

"Kwa kutambua umuhimu wa aina hii ya miti, Wizara imeweka mkakati wa kuhakikisha kuwa inaendelea 

kuhifadhiwa na kuimarisha upatikanaji wake kwa 

miaka mingi ijayo,

"Miongoni mwa mikakati iliyopo ni pamoja na kukusanya mbegu za miti hiyo na kuanzisha vitalu vya miche kimkakati kwa jamii hiyo ya miti na miti mingine ya asili katika vituo vya Morogoro, Babati, Mlele na Rondo."amesema Kairuki

 

Amesema,katika kuhakikisha kuwa changamoto zilizopo kwenye sekta ya ufugaji nyuki hasa zile zinazohusu uzalishaji wa asali zinapata 

ufumbuzi, TAFORI inaendelea na utafiti wa Miaka mitatu utakaokamilika Mwaka 2025 unaohusu maeneo yanayofaa kwa ufugaji nyuki katika kanda mbalimbali za kilimo-ikolojia; aina ya mizinga inayofaa kwenye kila kanda ya kilimo-ikolojia; na uwezo wa Nchi wa kuzalisha asali pamoja na sifa za asali zinazozalishwa. 

Vilevile amesema , utafiti unaangalia athari za spishi za mimea vamizi kwenye ufugaji wa nyuki; pamoja na kuandaa kalenda ya ufugaji nyuki kwa kila kanda ya kilimoikolojia.

 "Utafiti huu umeanza kufanyika katika wilaya za Kongwa, Chamwino, Manyoni, Sikonge, Kasulu, Mlele, Bukombe, Butiama, Itilima, Morogoro, Kibiti, Handeni, Pangani, Mtama, Tunduru, Mufindi, Njombe, Chunya, Siha, Same na Simanjiro,

 "Matokeo ya awali yanaonesha kuwa maeneo yanayofaa kwa ufugaji nyuki yametawaliwa na uoto wa Miombo, Migunga,Afromontane (uoto wa mlimani), Mikoko pamoja na uoto wa vichaka vya Itigi,na utafiti huu umesaidia kubaini maeneo yenye uwezo wa kutoa asali yenye sifa za kipekee."amesisitiza

Katika hatua nyingine Kairuki amesema,katika   kuhakikisha kuwa takwimu za misitu na ufugaji nyuki zinahifadhiwa na kupatikana kwa wakati, TAFORI imeboresha mfumo wa kieletroniki wa kuhifadhi na kutoa taarifa za misitu na nyuki kwa kuanzisha moduli inayotoa nafasi kwa wadau kuwasilisha taarifa za tafiti na miradi wanayotekeleza inayohusu Sekta za Misitu na Nyuki 

ambapo kwa sasa wadau wameanza kuitikia wito wa kuwasilisha takwimu. 

Aidha amesema , Taasisi ya TAFORI 

inaendelea na zoezi la kuhamasisha wadau kujiunga kwenye mfumo huu. Kwa upande mwingine, TAFORI imekamilisha ukusanyaji wa taarifa za mazao na 

huduma mbalimbali za misitu na nyuki kwa ajili ya kufanya tathmini ya mchango wa sekta ya misitu 

kwenye Pato la Taifa (GDP) kwa kutumia “Green Accounting’’.

Share:

Read More

Naibu Waziri azitaka taasisi za Umma kuzingatia sheria,kutumia NeSt

Na Mwandishi Wetu

Naibu Waziri wa Fedha, Hamad Chande, amewataka maafisa ununuzi wa taasisi za Serikali kuhakikisha wanatumia Mfumo wa Usimamizi wa Ununuzi wa Umma Kielektroniki (NeST) pekee kufanya ununuzi wa umma na kuhakikisha wanauelewa kuhusu moduli ya kuwasilisha malalamiko kupitia mfumo huo.

Maelekezo hayo ya Naibu Waziri ni msisitizo wa matakwa ya Sheria ya Ununuzi wa Umma ya mwaka 2023 itakayoanza kutumika rasmi Julai Mosi mwaka huu.

Chande ametoa maagizo hayo leo, Mei 29, 2024, jijini Dar es Salaam, wakati akifungua mafunzo ya moduli ya uwasilishaji wa malalamiko kupitia Mfumo wa NeST, yaliyoandaliwa na Mamlaka ya Rufani ya Zabuni za Umma (PPAA) kwa kushirikiana na Mamlaka ya Udhibiti wa Ununuzi wa Umma (PPRA) kwa watumishi wa mikoa ya Dar es Salaam, Tanga, Morogoro, na Pwani.

“PPAA kwa kushirikiana na PPRA hakikisheni kuwa mnatoa uelewa na mafunzo ya kutosha kuhusu moduli hii mpya ya kupokea na kushughulikia malalamiko ya wazabuni kwa njia ya kielektroniki ili kuisaidia Serikali kupata thamani halisi ya fedha zinazotumika katika miradi mbalimbali,” amesema Naibu Waziri Chande.

Awali, Katibu Mtendaji wa PPAA, Bw. James Sando, alisema kuwa kuanza kutumika kwa moduli ya kupokea malalamiko kupitia Mfumo wa NeST kutaongeza ufanisi na kupunguza muda wa kushughulikia malalamiko. Alisema hatua hiyo pia imetokana na mabadiliko yaliyowekwa kwenye Sheria ya Ununuzi wa Umma ya mwaka 2023.

Aidha, Meneja wa PPRA Kanda ya Pwani, Bi. Vicky Mollel, aliyemuwakilisha Mkurugenzi Mkuu wa mamlaka hiyo na kuwasilisha mada kuhusu ujenzi wa Mfumo wa NeST, alisema kuwa Serikali ya Awamu ya Sita inaendelea kuiwezesha mamlaka hiyo kujenga mfumo, na kwamba pamoja na moduli ya usajili, uendeshaji wa michakato na upokeaji wa malalamiko, inaendelea na ujenzi wa moduli ya mikataba (e-contract).

Aliwataka wazabuni na taasisi za Serikali kuendelea kuwasiliana na PPRA ili kupata huduma kwa haraka, ikiwa ni pamoja na kufika katika ofisi za Kanda ya Pwani zilizoko jengo la Hazina, jijini Dar es Salaam. Pia, wanapopata changamoto, wanaweza kuwasiliana na mamlaka hiyo kwa kutumia namba ya huduma kwa wateja ambayo ni 0736494948 na barua pepe support@nest.go.tz.

Share:

Read More

Ujenzi Mji wa Serikali Mtumba kukamilika 2025

       Na Mwandishi wetu- Dodoma

 

Serikali imesema hadi sasa watumishi wa umma 25,039 wamehamia Makao Makuu ya Nchi Jijini Dodoma pamoja na  Taasisi  65 ambapo inaendelea na  mpango kazi wa  ujenzi wa Awamu ya Pili wa majengo ya Ofisi za Wizara na Taasisi unaotarajiwa kukamilika  mwaka 2025.

Hayo yalisemwa leo tarehe 21 Mei, 2024 Bungeni Jijini Dodoma na Naibu Waziri  Ofisi ya Waziri Mkuu  anayeshughulikia masuala ya Sera, Bunge na Uratibu, Mhe.  Ummy Nderiananga wakati akijibu swali la msingi la Mbunge wa Bahi, Mhe. Keneth Nollo aliyehoji ni lini mpango wa  kuhamia Dodoma utakamilika na ni taasisi ngapi zimeshahamia mpaka sasa.

Mhe. Nderiananga alieleza kwamba Mpango wa kuhamisha Makao Makuu ya Serikali kutoka Dar es Salaam kwenda  Dodoma ulianza rasmi mwaka 2016.

“Hadi sasa, jumla ya watumishi 25,039 kutoka Serikali kuu, Bunge, Mahakama, Vyombo vya Ulinzi na Usalama, pamoja na Taasisi 65 wameshahamia  na wanaendelea kutekeleza majukumu yao wakiwa Dodoma. Pia Serikali  inatarajia kukamilisha mpango wake wa kuhamia Dodoma kwa kuzingatia Mpango kazi Maalum wa ujenzi wa Awamu ya Pili ya ujenzi wa ofisi hizo,”Alisema Mhe. Nderiananga.

Kuhusu ujenzi wa nyumba za watumishi alibainisha kuwa Serikali ilianza ujenzi wa makazi rasmi ya viongozi  kuanzia mwaka  2021/2022 kupitia Wakala wa Majengo  Tanzania (TBA) ambapo nyumba 20 zilijengwa wakati hadi kufikia  Mwezi Septemba mwaka 2023 nyumba za watumishi  150 ikiwemo nyumba ya Makamu wa Rais wa Jamhuri ya Muungano wa Tanzania.

“Kwa sasa tuko kwenye zoezi la kupanga eneo ambalo tumelitoa kwa ajili ya ujenzi wa nyumba za viongozi  wa Serikali na watumishi wa umma  tutakuwa na Ekari 4654 kati ya Mji wa Serikali Mtumba na Ikulu,”Alieleza Mhe. Nderiananga.

Aidha, aliwahakikishia Watanzania kwamba Serikali ya Awamu ya Sita inayoongozwa na Mheshimiwa Rais Dkt. Samia Suluhu Hassan inaendelea  na mpango wake wa kuendeleza Mji wa Serikali- Mtumba kama ilivyokusudiwa.

Share:

Read More

Wafanyakazi wa Takwimu Bara,Zanzibar wakutana

           Na Joyce Kasiki,Dodoma

NAIBU Waziri wa Fedha,Hamad Hassan Chande amewataka wafanyakazi wa Ofisi za Taifa za Takwimu  Bara na Zanzibar kufanya kazi kwa weledi,bidii na maarifa.

Aidha amewataka vijana na watumishi wote wa ofisi hizo mbili kutoridhika na elimu waliyonayo bali  wajiendeleze kimasomo kwa lengo la kuongeza ufanisi na tija.

Akifungua Mkutano wa wafanyakazi wa Ofisi za Takwimu za Taifa Tanzania Bara na Zanzibar ,Chande amesema kujienseleza kimasomo ni muhimu kwani kunaongeza ujuzi ambao unakuwa na tija kwa vijana na Taifa kwa ujumla.

"Sasa vijana hawa wanatakiwa wapewe hiyo fursa ya kwenda kujiendeleza kimasomo ,hii itawaongezea ufanisi na tija,lakini pia wanaofanya vizuri wapewe motisha."amesema Chande

Chande ametumia nafasi hiyo kutoa wito kwa  Taasisi nyingine zilizopo katika Wizara ya Fedha kuwa na vikao vinavyojumuisha wafanyakazi kutoka Zanzibar na Bara kwa ajili ya kuendelea kujenga umoja na upendo miongoni mwao lakini pia kudunisha Muungano.

pitisha vikao kama hivyo ambavyo vinahusisha Tanzania Bara na Visiwani.

Awali  Mtakwimu Mkuu wa Serikali,Dkt. Albina Chuwa amesema lengo la kikao hicho  kujadili mafanikio na changamoto katika Ofisi za takwimu Tanzania Bara na Zanzibar.

Anasema kikao hicho kimelenga kuwaunganisha pamoja wafanyakazi wa pande hizo mbili  ili kuondoa tofauti miongoni mwao.

Naye,Mwenyekiti wa Tughe Tawi la Takwimu Shagilu Shagilu amewataka wafanyakazi kutunza utu na uadilifu. 

Kwa upande wake Mtakwimu Mkuu wa Serikali ya Mapinduzi ya  Zanzibar, Salum Kassim Ally amesema mkutano huo ni adimu huku akiwasihi wafanyakazi kushiriki mkutano huo kikamilifu.

"Takwimu ni tasnia mtambuka ila bado tuna nafasi   ya kuzalisha takwimu zenye kiwango  cha Kitaifa na kimataifa."amesema 

Kamisaa wa Sensa Tanzania Bara, Anne Makinda amesema lazima wafanyakazi wa takwimu  wajitahidi kusoma ili wawe na ubora zaidi huku akiwataka kuwa na maadili na uaminifu.

Xxxxxxx

Share:

Read More

Wizara ya afya yaja na vipaumbele 10 utekelezaji wa bajeti 2024/2025

Na Joyce Kasiki,Dodoma

WAZIRI wa Afya Ummy Mwalimu amesema wizara hiyo imejiwekea vipaumbele 10 inavyotarajia kuvitekeleza  katika mwaka wa fedha wa 2024/2025 kwa lengo la kuboresha huduma za afya nchini.

Hayo yameelezwa leo Mei 13 ,2024 Bungeni Jijini Dodoma na Waziri wa Afya Ummy Mwalimu alipokuwa akiwasilisha hotuba ya mapato,makadirio ya matumizi kwa mwaka wa fedha 2024/25. 

Ametaja vipaumbele hivyo ni pamoja na Kuimarisha huduma za kinga dhidi ya magonjwa,Kuimarisha upatikanaji na ubora wa huduma za afya zinazotolewa na vituo vya kutolea huduma za afya kuanzia ngazi ya Zahanati hadi Taifa, Kuimarisha mifumo ya ugharamiaji wa huduma za afya nchini. 

Vipaumbele vingine ni  Kuimarisha huduma za afya ya uzazi, mama na mtoto ili kupunguza vifo vya wajawazito na watoto wachanga, Kuimarisha upatikanaji na uendelezaji wa wataalam katika Sekta ya Afya kwa fani za kati,ubingwa na ubingwa bobezi, Kuimarisha huduma za matibabu ya ubingwa na ubingwa bobezi nchini, 

Kuendeleza na kusimamia afua za Tiba Asili na Tiba Mbadala.

"Lakini pia Kuimarisha upatikanaji wa huduma za magonjwa ya kuambukiza, magonjwa

yasiyoambukiza na magonjwa ya mlipuko,Kuimarisha huduma za afya ya akili, huduma za utengamao hususan kwa watoto, wazee na watu wenye ulemavu na Kusimamia Tafiti na matumizi ya matokeo ya tafiti mbalimbali za afya,"alisema Waziri Ummy 

Kadhalika alisema kuwa Kwa mwaka 2024/25, Wizara imekadiria kutumia kiasi cha Shilingi 1,311,837,466,000 kutekeleza vipaumbele hivyo  kwa kutumia afua  89 katika Kuimarisha huduma za kinga dhidi ya magonjwa ambapo kiasi cha Shilingi 117,611,588,304.00 kimetengwa zitakazotekeleza afua mbalimbali.

Ametaja afua hizo ni pamoja na Kuendelea kuimarisha utekelezaji wa afua za chanjo kwa kuwafikia watoto  3,117,564 wenye umri chini ya miaka miwili (2), wasichana 871,429 wenye umri wa miaka tisa (9) na wajawazito 3,298,437 (Shilingi 115,369,238,904.00) na kutekeleza afua za lishe ikiwa ni pamoja na kuendelea kuhimiza unyonyeshaji na ulishaji sahihi wa watoto.

Alisema afua nyingine ni elimu ya lishe kwa jamii na kuimarisha Mpango wa kuongeza virutubishi kwenye vyakula ambapo ununuzi na usimikaji wa mashine 300 za kuongeza virutubishi (Dozifiers)utafanyika (Shilingi 1,607,700,000.00) na kimarisha utekelezaji wa afua za usafi na afya mazingira katika jamii, Mipakani, taasisi za umma na binafsi ikiwemo kutekeleza kampeni ya mtu ni afya awamu ya pili.

Huduma za afya ya uzazi ,mama na mtoto

Kuhusu eneo hilo Ummy alisema ,Wizara

imeendelea kuimarisha huduma za afya ya uzazi, mama na  mtoto katika vituo vya kutolea huduma za afya  nchini ili kufikia Malengo ya Maendeleo Endelevu 

(SDG 2030) ya kupunguza vifo vitokanavyo na  uzazi kufikia chini ya 70 kwa kila vizazi hai 

100,000, vifo vya watoto walio chini ya miaka 

mitano kufikia 25 kwa kila vizazi hai 1000 na vifo vya watoto wachanga kufikia 12 kwa kila vizazi hai 1000 ifikapo mwaka 2030.

Ummy alisema,katika mwaka 2023/24 Sekta ya Afya imefanya uimarishaji wa huduma mbalimbali zikiwemo huduma kabla ya ujauzito, huduma wakati wa uchungu na kujifungua, huduma baada 

ya kujifungua, huduma kwa watoto, afya ya uzazi  kwa vijana wa rika balehe, na huduma za masuala ya kijinsia.

Alisema,uwekezaji mkubwa ambao 

Serikali ya Awamu ya 6 imeufanya katika eneo hili ni pamoja na utekelezaji wa afua mbalimbali  vimechangia kwa kiasi kikubwa kupunguza vifo  vitokanavyo na uzazi kwa asilimia 80 kutoka 556  mwaka 2015/16 hadi 104 kwa kila vizazi hai  100,000, kupunguza vifo vya watoto walio chini  ya miaka mitano kutoka 67 mwaka 2015 hadi 43 kwa kila vizazi hai 1000, kupunguza vifo vya 

watoto wachanga kutoka 25 hadi 24 kwa kila  vizazi hai 1000 kwa mujibu wa utafiti wa TDHS ya  mwaka 2022. 

"Mwenendo huo wa kupungua kwa 

vifo vitokanavyo na uzazi na vile vya watoto chini  ya miaka mitano inaonesha kuwa nchi yetu ipo  kwenye mwelekeo mzuri katika kufikia malengo ya  kidunia ifikapo 2030. Hali ya vifo vitokanavyo na  uzazi kwa nchi za Afrika Mashariki na zile  zinazotuzunguka ni kama ifuatavyo; Uganda 189  (UDHS 2022), Burundi 494 (UN 2023), Kenya 530.

Kuzuia maambukizi ya VVU kutoka kwa mama kwenda kwa mtoto

Alisema ,Wizara imeendelea kupanua huduma za kuzuia maambukizi ya 

VVU kutoka kwa mama kwenda kwa mtoto

kwa kujumuisha huduma za kuzuia maambukizi ya  Kaswende na Virusi vya Homa ya Ini aina ‘B’ katika afua hizo. 

Lengo la kujumuisha huduma hizo 

pamoja ni kutumia rasilimali za kuzuia maambukizi  ya VVU kutokomeza maambukizi ya Kaswende na 

Virusi vya Homa ya Ini aina ‘B’ kwa watoto. 

Takwimu zinaonesha kwamba, jumla ya vituo  7,830 sawa na asilimia 96 ya vituo 8,164

vinavyotoa huduma za Afya ya Uzazi na Mtoto  viliweza kutoa huduma za kuzuia Maambukizi ya  VVU na Kaswende kutoka kwa mama kwenda kwa 

mtoto. 

Aidha alisema , jumla ya wajawazito 1,453,235  sawa na asilimia 97.4 ya wajawazito  1,492,931 waliohudhuria kliniki walipimwa VVU  katika kipindi cha Julai 2023 hadi Machi 2024  ikilinganishwa na Wajawazito 1,627,685 sawa na 

asilimia 98.9 ya wajawazito 1,645,417 waliopimwa  katika kipindi kama hicho mwaka 2022/23 Wajawazito 43,323 sawa na asilimia 2.98 ya  wajawazito wote walibainika kuwa na maambukizi  ya VVU kwa kipindi cha Julai 2023 hadi Machi 2024  ikilinganishwa na wajawazito 47,475 sawa na 

asilimia 2.85 waliobainika kuwa na maambukizi ya  VVU kwa kipindi kama hicho mwaka 2022/23.

Kwa mujibu wa Ummy katika kipindi cha Julai 2023  hadi Machi 2024, wajawazito 38,951 sawa na  asilimia 90 ya wajawazito waliobainika kuishi na  maambukizi ya VVU waliunganishwa na huduma za  matibabu ya dawa za kufubaza VVU (ARVs) 

ikilinganishwa na wajawazito 43,208 sawa na  asilimia 91 ya wajawazito 47,475 waliobainika  waliunganishwa na huduma za matibabu ya VVU  kwa kipindi kama hicho mwaka 2022/23. 

Aidha alisema utoaji wa huduma kwa  wajawazito unaenda sambamba na utoaji wa huduma kwa watoto ili kumkinga na  maambukizi ya VVU kutoka kwa mama ambapo katika kipindi cha Julai 2023 hadi Machi 2024, jumla ya watoto 27,808 sawa na asilimia 80 ya  watoto 34,998 waliozaliwa na akina mama  wanaoishi na maambukizi ya VVU walipimwa  vinasaba vya VVU katika umri wa miezi miwili  ikilinganishwa na watoto 31,021 sawa na asilimia 

79 ya watoto 42,788 waliopimwa vinasaba vya VVU.

Huduma za Lishe

Katika eneo hilo Ummy alisema Wizara imeendelea na utekelezaji wa Mpango Jumuishi wa pili wa Kitaifa 

wa Lishe 2021/22 – 2025/26 ambapo kupitia Mpango huo Wizara imetekeleza afua za lishe zilizothibitishwa kuwa na matokeo makubwa ili  kukabiliana na matatizo ya utapiamlo wa lishe duni na lishe ya kuzidi . 

Alisema,baadhi  ya afua hizo ni pamoja na; utoaji wa matone ya  vitamin A, dawa za kutibu minyoo ya tumbo, 

matibabu ya utapiamlo mkali kwa watoto, utoaji  wa vidonge vya madini chuma na foliki asidi kwa wajawazito, uongezwaji wa virutubishi vya madini na vitamini kwenye vyakula vinavyoliwa kwa wingi 

na wananchi ikiwemo unga wa ngano, unga wa mahindi, chumvi, mafuta ya kula, utoaji wa elimu ya lishe na uhamasishaji wa masuala ya ulaji unaofaa kwa kutumia vyakula vinavyopatikana kwenye maeneo yetu pamoja na kufanya mazoezi.

Alisema katika kuhakikisha jamii 

inazingatia masuala ya unyonyeshaji maziwa ya mama, Wizara imeendelea kusimamia utekelezaji  wa miongozo inayohimiza unyonyeshaji sahihi wa watoto ikiwemo mtoto kuanza kunyonyeshwa 

ndani ya saa moja baada ya kuzaliwa na 

unyonyeshaji wa watoto maziwa ya mama pekee  kwa miezi sita ya mwanzo. 

Ummy alisema Elimu ya  unyonyeshaji imeendelea kutolewa katika vituo vya kutolea huduma za afya, katika ngazi ya jamii na kupitia maadhimisho mbalimbali ikiwemo wiki ya unyonyeshaji ambapo kufuatia jitihada hizo, unyonyeshaji wa maziwa ya mama kwa watoto ndani ya saa moja baada ya kuzaliwa umeongezeka kutoka asilimia 59 kwa mwaka 2015 hadi asilimia 70 kwa mwaka 2022.

 Hali kadhalika alisema  hali ya unyonyeshaji wa  maziwa ya mama pekee kwa miezi sita imeimarika kutoka asilimia 58 ya mwaka 2015 hadi  asilimia 64 mwaka 2022. 

"Katika kipindi cha Julai 2023  hadi Machi 2024, Wizara imeendelea kuimarisha  afya na lishe ya watoto chini ya miaka 5 kwa  kuendelea kutekeleza Kampeni ya Kitaifa ya utoaji  wa matone ya Vitamini A kwa watoto walio  chini ya miaka mitano. Malengo ya kampeni  yalikuwa ni kutoa matone ya Vitamin A kwa watoto 9,460,369 wenye umri wa kati ya miezi 6 mpaka  miezi 59 nchi nzima. Jumla ya watoto  9,456,436 walipatiwa matone ya vitamin A ambayo ni sawa na asilimia 99 ya lengo."alisema Ummy

Alisema kuwa Kiwango cha utekelezaji kimeongezeka ikilinganishwa na watoto 9,052,340 waliofikiwa kipindi kama hicho 

mwaka 2022/23 huku akisema huduma ya utoaji wa matone ya Vitamini A kwa watoto chini umri wa miaka mitano hufanyika katika vituo vya kutolea huduma za afya kwa utaratibu wa kawaida ambapo mtoto akitimiza umri wa miezi sita  hupewa matone ya vitamini A na huendelea kupatiwa matone hayo kila baada ya miezi sita hadi atakapotimiza umri wa miaka mitano.

Share:

Read More