TANZANIA YAPIGIWA MFANO, KUKABILI MAAFA, MATUMIZI SAFI YA NISHATI YA KUPIKIA YATAJWA

NA. MWANDISHI WETU- WINDHOEK

Serikali ya Tanzania imeendelea kuonesha umahiri wake katika masuala ya menejimenti ya maafa nchini kwa kuzingatia mifumo sahihi ya kukabiliana na maafa na matumizi ya teknolojia ya kisasa pamoja na miongozo, kanuni na sheria mbalimbali zinazoongoza katika uratibu wa maafa hayo.

Hayo yameelezwa na Naibu Waziri Ofisi ya Waziri Mkuu anayeshughulikia masuala ya Sera, Bunge na Uratibu Mheshimiwa Ummy Nderiananga wakati akiongea na waandishi wa habari mara baada ya kuhitimishwa kwa Mkutano wa Nane wa Ngazi ya Viongozi  kuhusu masuala ya kupunguza athari za maafa pamoja na Kikao cha Tisa cha Jukwaa la Kanda la Afrika la Kupunguza Athari za Maafa na vilivyofanyika jijini Windhoek nchini Namibia   kwa muda wa  siku nne kuanzia Oktoba 21 hadi 24 2024.

Mhe.Nderiananga ameeleza kuwa, uwekezaji mkubwa umefanywa na Serikali ya Tanzania hususan katika kuhakikisha teknolojia inavusha Taifa katika kukabili maafa ambapo Serikali ilianzisha Kituo cha Ufuatiliaji wa Mwenendo wa Majanga  katika Kituo cha Taifa cha Operesheni na Mawasiliano ya Dharura nchini Tanzania ambacho kimeifanya nchi  kuwa mahiri katika masuala ya menejimenti ya maafa hususan katika kuzuia, kupunguza kujiandaa na kukabili maafa pindi yanapotokea.

Katika hatua nyingine Mhe.Nderiananga amezungumzia kuhusu mkakati wa miaka kumi wa Nishati safi ya Kupikia ambao utekelezaji wake umeanza mwaka 2024 hadi 2034,  ameeleza kuwa unalenga kuhifadhi mazingira, kulinda afya kwa kuzuia matumizi ya kuni na mkaa ili kuepuka athari za mabadiliko ya tabia nchi.

“Suala ya mabadiliko ya tabia nchi linaathiriwa na ukataji wa miti inayopelekea uharibifu mkubwa wa mazingira na kuchagiza ukosefu wa mvua za kutosha, uwepo wa ukame unaoathiri uzalishaji wa chakula, tunampongeza Mheshimiwa Rais Dkt. Samia Suluhu Hassan kwa kuzindua mkakati huo,”alisema

Amesema moja ya mikakati ambayo Tanzania imejiwekea ni kuhakikisha zaidi ya asilimia 80 ya Watanzania wanatumia nishati safi ya kupikia ifikapo 2034.

"....Kama nchi tumejipanga kuhakikisha Taasisi za Serikali na Mashirika binafsi yanawekeza ipasavyo katika matumizi ya nishati safi kwa maslahi mapana ya mazingira safi na salama, Afya zetu na Afrika kwa ujumla " amesisitiza Mhe.Nderiananga

Kufuatia hatua huyo Mhe.Nderianga ametoa  wito kwa Mataifa mbalimbali duniani kufuata nyayo za Tanzania kwa kuhakikisha zinaweka mikakati madhubuti ya muda mfupi na mrefu ya Nishati safi ya Kupikia ili kuifanya Dunia kuwe mahali safi na salama pa kuishi.

Awali akifungua mkutano huo Naibu Waziri Mkuu na Waziri wa Kazi na Uchukuzi Nchini Namibia Mhe. John Mutorwa amesema mikutano hiyo imefanikiwa kwa kiasi kikubwa ambapo awamu hii imefanyika nchini Namibia na kuwakutanisha wadau zaidi ya elfu moja wa  maafa kwa nchi za Afrika  wakiwemo wataalamu kutoka  katika ngazi za kitaifa, Serikali za mitaa, Mashirika ya Umoja wa Kitaifa na Kimataifa, Asasi za Kiraia, sekta binafsi, taasisi za elimu na utafiti na wanahabari, na hii imetajwa kuwa ni mafanikio makubwa kwa bara la Afrika.

“Tunashukuru kwa namna nchi zilivyojitokeza kushiriki mikutano hii muhimu katika kuhakikisha masuala ya maafa yanakabiliwa na kuwa na Afrika stahimilivu katika maafa, tunawashukuru sana Mawaziri mlioweza kushiriki mikutano hii, nasi tumepata heshima kama nchi, na tunaahidi kuendelea kuimarisha mashirikiano yetu kama Bara la Afrika,”alisema Mhe. Mutorwa

Aidha, alitoa rai kwa kila nchi kuona umuhimu wa kujipanga kukabili maafa bila kujali utofauti na hali za Mataifa ya Afrika, lengo kuyafikia na kuyaishi malengo na kuwa tayari kusimamia masuala haya.

“Maafa si jambo la kulifurahia, yanapaswa kupewa mwitikio mkubwa na mikakati yenye mashiko na inayotekelezeka lengo ni kulinda jamii zetu na kuweza kuifanya Dunia sehemu salama ya kuishi,hili litafanikiwa tukiendelea kushikamana kwa umoja wetu wa Afrika” alisisitiza

Share:

Read More

TANZANIA YARIDHISHWA NA USHIRIKIANO ULIOPO NA NCHI YA NAMIBIA

  NA. MWANDISHI WETU – WINDHOEK NAMIBIA

Tanzania itaendelea kuimarisha misingi ya uhusiano wa diplomasia baina yake na nchi ya Namibia katika kuimarisha mahusiano yaliyopo katika nyanja mbalimbali huku mchango wa Tanzania katika uhuru wa Namibia ukitajwa.

Hayo yamesemwa na Naibu Waziri Ofisi ya Waziri Mkuu anayeshughulikia masuala ya Sera, Bunge na Uratibu Mheshimiwa Ummy Nderiananga mapema 24 Oktoba, 2024 alipotembelea Ofisi za Ubalozi wa Tanzania nchini Namibia, ambapo aliambatana na watendaji wa ofisi hiyo kwa lengo la kushiki Mkutano wa Nane wa Ngazi ya Viongozi (High Level Meeting) kuhusu masuala ya kupunguza athari za maafa pamoja na Kikao cha Tisa cha Jukwaa la Kanda la Afrika la Kupunguza Athari za Maafa na vitakavyofanyika Windhoek nchini Namibia. Mikutano hiyo itafanyika kuanzia tarehe 21 hadi 24 Oktoba, 2024.

Mhe. Ummy ameeleza kuwa hatua hiyo imefikiwa kutokana na uongozi makini, na mahiri wa Mhe. Dkt. Samia Suluhu Hassan Rais wa Jamhuri ya Muungano wa Tanzania kwa namna anavyojipambanua kidiplomasia na kuhakikisha mahusiano ya Taifa na nchi nyingine unakuwa wenye manufaa na kuiletea nchi heshima katika nyanja mbalimbali.

“Hakika Tanzania imeendelea kuwa kitovu cha amani na utulivu, hii imetokana na uongozi mahiri wa Mhe.Rais Dkt. Samia kwa miongozo na maelekezo yake katika kuhakikisha nchi inaendelea kujipatia maendeleo,”amesema Mhe. Ummy

Aidha, katika mazungumzo na mwenyeji wake ambaye ni Afisa Mambo ya Nje Mkuu na Kaimu Balozi wa Tanzania nchini Namibia Bw. Elias Tamba ameeleza kuwa, nchi ya Tanzania itaendelea kushirikiana na Namibia katika masuala mbalimbali kwa kuzingatia urafiki uliopo baina ya Mataifa hayo mawili toka kipindi ya Uhuru wa Namibia ambapo Tanzania inakumbukwa kwa mchango wake.

Bw. Tamba ameishukuru Serikali kwa namna inavyoendelea kuhakikisha inaimarisha mahusiano ya kidiplomasia baina yake na Namibia huku akizitaja fursa za kimaendeleo kwa taifa hilo ikiwemo masuala ya kibiashara.

Ujumbe wa Tanzania nchini Namibia umeongozwa na Naibu Waziri Ofisi ya Waziri anayeshughulikia masuala ya Sera, Bunge na Uratibu Mhe. Ummy Nderiananga akiwa ameambatana na Timu yake  kutoka Ofisi ya Waziri Mkuu akiwemo Katibu Mkuu wa Ofisi hiyo,  Dkt.Jim Yonazi, Mkurugenzi wa Idara ya Menejimenti ya Maafa Ofisi hiyo Brig. Jenerali Hosea Ndagala, Mkurugenzi wa Tathmini na Ufuatiliaji Ofisi ya Waziri Mkuu Bw. Charles Msangi, Msaidizi wa Katibu Mkuu wa ofisi hiyo pamoja na Bw. January Kitunsi.

Share:

Read More

𝗡𝗔𝗜𝗕𝗨 𝗪𝗔𝗭𝗜𝗥𝗜 𝗔𝗜𝗧𝗔𝗞𝗔 𝗲-𝗚𝗔 𝗞𝗨𝗜𝗠𝗔𝗥𝗜𝗦𝗛𝗔 𝗨𝗦𝗛𝗜𝗥𝗜𝗞𝗜𝗔𝗡𝗢 𝗡𝗔 𝗦𝗘𝗞𝗧𝗔 𝗕𝗜𝗡𝗔𝗙𝗦𝗜

Na Mwandishi wetu ,eGA

NAIBU Waziri Ofisi ya Rais, Menejimenti ya Utumishi wa Umma na Utawala Bora Deus Sangu  ameitaka Mamlaka ya Serikali Mtandao (e-GA) kuimarisha ushirikiano na sekta binafsi, ili kuongeza wigo wa ajira kwa vijana wabunifu kwenye eneo la TEHAMA.

 Sangu ametoa rai hiyo hivi karibuni, wakati akifunga programu ya awamu ya sita ya mafunzo kwa vitendo (practical training) kwa mwaka wa fedha 2024/2025, inayoendeshwa na e-GA kupitia Kituo chake cha Utafiti, Ubunifu na Uendelezaji wa Serikali Mtandao (e-GovRIDC) jijini Dodoma.

"Naipongeza e-GA kwa kazi nzuri mnayofanya ya kukuza vipaji na kuongeza uwezo kwa vijana katika matumizi ya TEHAMA, lakini pia nawashauri kuimarisha ushirikiano na sekta binafsi ili kutoa fursa kwa wanafunzi wanaoshiriki mafunzo kwa vitendo pamoja na mafunzo kazini katika kituo hiki kupata fursa za ajira ", alisema Mhe. Sangu. 

Amesema kuwa, ushirikiano kati ya e-GA na sekta binafsi utaongeza tija katika kukuza na kuimarisha tasnia ya TEHAMA, na hivyo kuongeza fursa za ajira kwa vijana na hatimaye kupunguza changamoto ya ajira kwa taifa.

Itakumbukwa kuwa hivi karibuni, baadhi ya taasisi binafsi zikiwemo Benki na Kampuni za Simu za Mkononi, zilitembelea kituo hicho na kuonesha nia ya kusaini Mkataba wa Makubaliano ya ushirikiano (MOU) katika masuala ya elimu, utafiti, na ubunifu wa TEHAMA, ikiwa ni hatua inayolenga kuimarisha ushirikiano kati ya e-GA na taasisi hizo.

“Nimetembelea miradi ‘projects’ mbalimbali zinazoendelea katika kituo hiki na nimeona kazi kubwa ambayo e-GA mnaifanya ya kuwaandaa vijana wetu, ili waweze kuendana na mabadiliko ya teknolojia mpya zinazoibukia kama vile Akili Mnemba ‘Artificial Intelligence- AI’, ‘Machine Learning, ‘Blockchain’ na Sarafu ya Kidijitali ‘Digital Currency’ na nimeona jinsi vijana wetu walivyo na uwezo mkubwa katika maeneo hayo”, amesema Sangu. 

Aidha, ameipongeza e-GA kwa kuwa mstari wa mbele katika kuhakikisha vijana wanajifunza teknolojia mpya zinazoibuka duniani, ili waweze kufanya bunifu mbalimbali za TEHAMA ikiwa ni pamoja na kutengeneza mifumo ya kielektroniki kupitia teknolojia hizo itakayosaidia kuongeza ufanisi wa utendaji kazi Serikalini na utoaji wa huduma kwa wananchi.

“Mafunzo haya mnayoyatoa yanawasaidia wanafunzi kuongeza ujuzi na uzoefu katika kuzielewa teknolojia mpya ili kuchochea maendeleo na mageuzi makubwa ya Serikali ya kidigitali, na hivyo kuwa na kizazi chenye ujuzi wa kutosha kuhusu TEHAMA na hatimaye kushiriki katika kuijenga Serikali ya Kidijitali”, alifafanua Mhe. Sangu. 

                                                                                                                                

Alibainisha kuwa, Serikali itaendelea kuweka mazingira wezeshi na kuijengea uwezo Mamlaka ya Serikali Mtandao (e-GA), ili kuhakikisha matumizi ya TEHAMA Serikalini yanazidi kuimarika sambamba na kuandaa vijana mahiri katika TEHAMA ili washiriki katika ujenzi wa Serikali ya Kidijitali.

Naye Mkurugenzi Mkuu wa e-GA Mhandisi Benedict Ndomba, aliahidi kuendeleza na kuimarisha ushirikiano na sekta binafsi, pamoja na kuwajengea uwezo vijana katika TEHAMA ili kutoa fursa kwa vijana kuonesha uwezo wao katika TEHAMA na kuweza kushindana katika soko la ajira duniani. 

“e-GA itaendeleza ushirikiano na sekta binafsi pamoja na Vyuo Vikuu mbalimbali ili kuwajengea uwezo vijana katika eneo la TEHAMA, lakini pia kuwawezesha kushindana katika soko la ajira duniani na kwa kufanya hivyo, tutakuwa tumesaidia kupunguza changamoto ya ajira nchini”, alisisitiza Ndomba.

Akizuzungumza kwa niaba ya wanafunzi walioshiriki program hiyo, Bw. Philemon Mbunda ambaye pia ni mwanafunzi wa mwaka wa tatu kutoka Chuo Kikuu cha Dodoma (UDOM), ameishukuru  e-GA kwa kupata fursa ya kushiriki katika programu hiyo ambayo imewasaidia kuongeza ujuzi na uzoefu katika kuzifahamu teknolojia mpya zinazoibukia.

“Tumekuwa hapa kwa muda wa wiki kumi na tumejifunza mambo mengi kuhusu teknolojia zinazoibukia na namna tunavyoweza kuzitumia katika kubuni mifumo mbalimbali itakayoleta tija kwa taifa letu, tunaahidi kuwa mabalozi wazuri na kuhakikisha elimu tuliyoipata hapa tunaiendeleza kwa vitendo”, alisema Bw. Philemon.

Mamlaka ya Serikali Mtandao (e-GA), huendesha programu ya mafunzo kwa vitendo kila mwaka ambapo, huchukua vijana kutoka vyuo mbalimbali ndani na nje ya nchi ili kuwajengea uwezo katika TEHAMA na kuweza kushindana katika soko la ajira, ambapo kwa mwaka wa fedha 2024/2025 wanafunzi 65 kutoka Vyuo Vikuu 12 walishiriki programu hiyo kwa muda wa wiki 10.

Share:

Read More

Wakulima sasa kutambuliwa kibiashara

      Na Joyce Kasiki,DODOMA

WAKALA  wa Usajili wa Biashara na Leseni (BRELA) umejipanga kuanza kuwasajili Wakulima kwa kuwapa nembo ambayo itawatambulisha kibiashara.

Afisa Usajili wa BRELA Gabriel Giranangay ameyasema hayo  katika  maonesho ya Wakulima (88) wakati akizungumza na waandishi wa habari kwenye banda la Wakala huo.

Amesema BRELA inawasaidia wakulima kusajili biashara zao rasmi ili kuwa na usajili wa kampuni, ushirika, au biashara ndogo ndogo zinazohusiana na kilimo na hivyo kufanya biashara kwa ufanisi zaidi.

Aidha amesema usajili wa alama za Biashara  ni muhimu kwa wakulima kulinda jina la bidhaa zao .

Gabriel amesema BRELA hutoa huduma hizo ili kuhakikisha biashara za kilimo zinakubalika kisheria ikiwa ni pamoja na kutoa huduma za ushauri kuhusu jinsi ya kufuata taratibu za kisheria katika biashara ya kilimo, ikiwa ni pamoja na kanuni za usajili, sheria za biashara, na masharti ya leseni.

"Kwa hiyo mchango wa BRELA ni kuhakikisha inachangia katika kuhakikisha kuwa wakulima wanapata huduma zinazohitajika ili kuendesha shughuli zao za kilimo kwa njia rasmi na kisheria, " amesema

Amesema lengo la BRELA ni kurahisisha mchakato wa usajili, kutoa huduma za leseni, na kuhakikisha kuwa biashara zinakubaliana na sheria na taratibu za nchi.

Aidha amesema huduma kuu zinazotolewa na BRELA ni pamoja na Usajili wa Kampuni,Kusajili kampuni, mashirika, na ushirika ikiwa ni pamoja na kutoa mwongozo na ushauri kuhusu sheria za biashara na taratibu za kisheria.

Xxxxx

Share:

Read More

Watakaofanya ununuzi nje ya Mfumo wa NeST kufungwa jela

Na Mwandishi Wetu

WATUMISHI wa Serikali watakaofanya ununuzi wa Umma nje ya Mfumo wa NeST watakuwa wamefanya kosa la jinai, na kukabiliwa na adhabu ya kifungo jela pamoja na kulipa faini, kwa mujibu wa Sheria ya Ununuzi wa Umma ya Mwaka 2023.

Akizungumza kwenye kipindi maalum cha Tenda Radio, Mkurugenzi wa Huduma za Sheria wa Mamlaka ya Udhibiti wa Ununuzi wa Umma (PPRA), Wakili Paul Kadushi, amewataka viongozi wa taasisi za serikali na watumishi kwa ujumla kuzingatia matakwa ya sheria hiyo iliyoanza kutumika Juni 17, 2024 na kanuni zake ambazo zimeanza kutumika Julai 1, 2024.

Kadushi amefafanua kuwa sheria iliyofutwa haikuweka ulazima wa kutumia mfumo wa kielektroniki kufanya ununuzi, hatua iliyosababisha taasisi nyingi kufanya ununuzi nje ya mfumo. 

“Lakini kwa sheria hii mpya [Sheria ya Ununuzi wa Umma ya Mwaka 2023] sasa imeweka sharti la lazima kwa taasisi nunuzi zote kutumia mfumo wa kielektroniki katika kufanya ununuzi,” Wakili Kadushi aliiambia Tenda Radio.

Share:

Read More

Kanda ya Kati wakiwa na kampeni ya Sako kwa Bako

Na Joyce Kasiki,Dodoma

Afisa Mkuu wa Biashara wa Kampuni ya Mtandao wa Tigo Tanzania Isaac Nchunda amesema kampuni hiyo ni moja ya mitandao inayokua kwa kasi na hivyo kurahisisha maisha ya watanzania .

Akizungumza katukanofusi za Tigo jijini Dodoma na waandishi wa habari leo Agosti Mosi,2024 Nchunda amesema katika kuhakikisha kampuni ya Tigo inaendelea kurahisisha maisha ,imepeleka kampeni ya SakoKwaBako ambayo sasa ina miezi miwili tangu ianzishwe.

"Leo tigo ipo kanda ya kati na tumewaletea kampeni ya SakoKwaBako  ambayo sasa ina miezi miwili, ikiwa Kanda ya kati Dodoma Makao Makuu ya nchi na ni siku nzuri ambayo usafiri wa reli ya mwendokasi (SGR) imezinduliwa ,tigo ndiyo mtandao bora zaidi Tanzania kwa sababu tuna teknolojia ya karne ya hivi sasa ya 4G na 5G ,

"Na hapa Dodoma tunayo 5G hivyo tunatoa huduma nzuri kwa wateja wanaotumia mtandao wa Tigo ambapo wanafurahia huduma yenye kasi zaidi ya 5G."amesema Isaac

Amesema SakoKwaBako inatoa bonasi kwa kila mteja  anayenunua bando la tigo anapata MB na dakika za bure.

Amewaasa wananchi wajiunge zaidi na mtandao huo ili wanaufaike na ofa hizo ambapo pia ameizungumzia kampeni yao kupitia simu aina ya ZTE A34 ambapo amesema hiyo ni simu ya kisasa na inapatika kwa unafuu zaidi.

"Simu hii inauzwa shilingi  180,000 lakini pia inatolewa kwa mkopo ambapo mteja atatanguliza kiwango cha awali cha sh.35,000 na atalipa sh.650 kwa siku hadi mteja atakapomaliza deni lake na wakati huo huo anaendelea kutumia simu yake kabla hata ya kumaliza deni lake."amesisitiza

Akizungumzia kuhusu huduma za tigo kwa ujumla amesema, kampuni hiyo inahudumia wateja zaidi ya milioni 21 huku akisema hiyo ni kwa sababu ya ubora wa huduma zake.

"Takwimu hizo ni kwa mujibu wa Mamlaka ya Mawasiliano nchini (TCRA) na kwamba Tigo ndiyo mtandao unaokua kwa kasi zaidi nchini. "Amesema

Awali Mkurugenzi wa Kampuni ya Tigo Kanda ya Kati Said Iddy amesema kufuatia umuhimu wa uwepo wa Reli ya SGR ,wananchi wanapaswa kutumia mtandao wa Tigo kwa ajili ya kukata tiketi ya treni hiyo.

Amesema kampuni hiyo imefanya maboresho makubwa ya mtandao wake kwa ajili ya kuboresha mtandao na biashara kwa ujumla kwa kutumia mtandao wa tigo.

Pia amesema Tigo inashiriki maonesho ya wakulima na wafugaji (88 ) viwanja vya Nzuguni jijini Dodoma huku akiwasihi wananchi wote kutembelea banda la tigo kupata huduma mbalimbali zinazotolewa na kampuni hiyo.

Share:

Read More

Mkongo wa Taifa unavyorahisisha mawasiliano nchi nzima

Mkurugenzi wa T-Pesa Lulu Mkudde akizungumza na waandishi wa habari (hawapo pichani)  kwenye maoneaho ya 48 ya Kimataifa ya Biashara jijini Dar Es Salaam .

Na Joyce Kasiki Dar Es Salaam 

SHIRIKA la Mawasiliano nchini (TTCL) limesema ,hadi sasa limesambaza mkongo wa Taifa katika mikoa yote nchini huku zaidi ya wilaya 98 nazo zikiwa zimefikiwa na mkongo huo ambao unarahisisha mawasiliano na kuleta matokeo chanya kwenye shughuli za kiuchumi

Hayo yamesemwa leo Julai 12 na Mkurugenzi Mtendaji wa TTCL Pesa Lulu Mkudde wakati akizungumza na waandishi wa habari kwenye maonesho ya 48 ya  Kimataifa ya Biashara (Sabasaba) kuhusu shughuli zinazofanywa na shirika hilo.

Amesema juhudi hizo zote zinalenga katika upatikanaji wa huduma za elimu ,afya na maendeleo kwa ujumla yanatekelezeka kidigitali katika maeneo yote nchini .

Amewahakikishia wananchi kwamba TTCL itahakikisha huduma za mawasiliano zinakuwa nzuri ili kuwapa fursa wananchi kupata huduma mbalimbali  lakini nao kujiingizia kipato kupitia mtandao bora wa TTCL kwa gharama nafuu.

Kwa mujibu wa Mkudde Mkongo wa Taifa ni moja ya miradi ya kimkakati inayofanywa na TTCL huku akiitaja miradi mingine kuwa ni  kutoa mafunzo mbalimbali , kituo mahiri cha kutunza kumbukumbu.

Kuhusu ushiriki wao kwenye maonesho hayo amesema,katika kuunga mkono kauli mbiu ya maonesho ya mwaka huu isemayo Tanzania ni mahalo sahihi pa uwekezaji Mkkude amesema, wanatumia fursa hiyo kufungua milango kwa wawekezaji na wafanyabiashara kufanya kazi zao kidigitali na kuleta matokeo chanya.

Vile vile amesema katika maonesho hayo TTCL  limekuja na huduma ya mtandao (WiFI  T-Cafe ) ambayo imelenga  kuwaondolea adha wafanyabiashara, waandishi  wa habari na wataalam wa masuala ya ushauri na yeyote anayetaka kufanya kazi nje ya ofisi yake ,na kupata huduma hiyo bure.

Pia amezungumzia huduma ya 'fiber nyumbani kwako' inayopatikana kwa gharama nafuu ambapo amesema elomu ya huduma imetolewa kipindi chote cha maonesho.

"Na tayari tumepokea maombi mapya mengi ,wanaohitaji huduma ambayo imekuja kuleta mapinduzi ya kuisha haraka kwa vifufushi vya kawaida, ambapo sasa shirika limeleta huduma hii ambayo inamwezesha mteja kutumia internent ambayo haina ukomo.

Amewasihi wananchi ambao bado hawajaomba nafasi hiyo kutumia tovuti  www.ttcl.co.tz kisha taarifa zao zitachukuliwa na kuanza mchakato wa kuwafungia huduma hiyo .

Katika hatua nyingine amesema shirika katika huduma yake ya T-Pesa wamekuja na huduma ya akaunti ambayo inamwezesha mteja kufungua akaunti ya TTCL Pesa bila kuwa na hitaji la sim card.

Share:

Read More