Simbachawene ataja vipaumbele vinavyotarajiwa kutekelezwa na ofisi yake 2022/23

WAZIRI wa Nchi ,Ofisi ya Waziri Mkuu,Sera,Bunge na Uratibu George Simbachawene

 

NA JOYCE KASIKI,DODOMA

WAZIRI wa Nchi,Ofisi ya Waziri Mkuu,Sera,Bunge na Uratibu George Simbachawene ametaja vipaumbele vinavyotarajiwa kutekelezwa na ofisi yake kwa mwaka wa fedha wa 2022/23 ikiwemo mapambano dhidi ya biashara ya dawa za kulevya.

Vile vile amesema ofisi yake inatarajia kuwasilisha Bungeni Muswada wa Sheria mpya ya Menejimenti ya Maafa ya Mwaka 2021.

Simbacghwene ameyasema hayo leo wakati akizungumza na waandishi wa habari ofisini kwake kuhusu utekelezaji wa bajeti ya ofisi hiyo baada ya kupitishwa na Bunge katika mwaka wa fedha wa 2022/23.

Ametaja vipaumbele vingine ni Mapambano dhidi ya ugonjwa wa Ukimwi , kujenga uwezo wa kuzuia,kujiandaa na kukabaliana na Maafa kwa Kamati za maafa za ngazi ya mikoa,Halmashauri na serikali za mitaa pamoja na wadau wengine.

Ofisi ya Waziri Mkuu iliidhinishiwa na Bunge kiasi cha shilingi bilioni 101 ili iweze kutekeleza majukumu yake katika mwaka wa fedha wa 2022/23.

Kwa mujibu wa Waziri huyo ,Serikali inakwenda kukamilisha mapitio ya sera ya menejimenti ya Maafa ya Mwaka 2004 kwa ajili ya kuboresha mfumo wa uratibu na usimamizi wa maafa nchini pamoja na kuboresha mifumo ya usimamizi wa menejimenti ya Maafa.

Kuhusu mapambano dhidi ya biashara ya dawa za kulevya amesema katika Mwaka wa Fedha wa 2022/23 Mamlaka ya Kupambana na Kudhibiti Dawa za kulevya imeidhinishiwa shilingi  Bilion 11.9 kwa ajili ya kutekeleza majukumu yake ukilinganisha na kiasi cha shilingi Bilion 8.5 kilichoidhinishwa mwaka 2021/22 sawa na ongezeko la asilimia 28.8.

Amesema ongezeko la  bajeti hiyo litaendelea kuimarisha udhibiti wa biashara na matumizi ya Dawa za kulevya nchini.

Kuhusu mapambano dhidi ya UKIMWI amesema, Tume ya Kudhibiti Ukimwi Tanzania imeidhinishiwa na Bunge shilingi Bilion 14.9 ambapo sh billion 2.9 ni kwa ajili ya matumizi ya kawaida huku shilingibillion 12 ni kwa ajili ya utekelezaji wa miradi ya maendeleo ukilinganisha na bajeti ya shilingi  billion 4.3 iliyotengwa mwaka 2021/22 ambapo ni sawa na ongezeko la asilimia 71.2.

kwa mujibu wa Waziri huyo shughuli zitakazotekelezwa kwa mwaka wa fedha 2022/23 ni pamoja na kuratibu upatikanaji wa huduma za VVU na Ukimwi kwenye mikoa ya kipaumbele ikiwemo  Iringa,Kagera,Katavi,Mbeya,Mwanza,Njombe,Pwani,Ruvuma,Shinyanga,Dodoma,Geita,Tabora na Songwe kwa ajili ya kuweka kipaumbele katika kuzuia maambukizi ya VVU kwa vijana wa miaka 15-24.

Aidha kuhusu kukuza Demokrasia nchini amesema,Serikali imekuwa ikifanya jitihada mbalimbali zenye lengo la kukuza demokrasia nchini,ambapo alisema katika hilo ili kukamilisha ujenzi wa jingo la Makao Makuu ya Ofisi ya Msajili wa Vyama vya siasa jijini Dodoma ambapo kiasi cha sh billion 20.4.

Amesema ili kutekeleza shughuli hizo serikali imeitengea shilingi bilioni 21.9 ofisi ya Msajili wa Vyama vya Siasa ili iweze kutekeleza majukumu yake na kuongeza kuwa imeitengea Tume ya Taifa ya uchaguzi sh bilioni
10 kwa ajili ya kutekeleza majukumu yake.

Share:

Read More

Rais Samia mgeni rasmi Siku ya Mashujaa

NA JOYCE KASIKI,DODOMA

RAIS Samia Suluhu Hassan anatarajiwa kuwa mgeni rasmi kwenye sherehe za maadhimish ya siku ya Mashujaa inayotarajiwa kufanyika Kitaifa mkoani Dodoma.

Akizungumza leo na waandishi wa habari jijini Dodoma wakati akikagua maandalizi ya shughuli hiyo kwenye  Uwanja wa Mashujaa ,Mkuu wa mkoa wa Dodoma amesema sherehe hizo ambazo hufanyika Julai 25 kila mwaka ,zitaanza mapema asubuhi siku hiyo.

Mtaka ametumia nafasi hiyo kuwakaribisha wananchi wote wa mkoa wa Dodoma na wanaoishgi katika mikoa ya jirani kushiriki katika maadhimisho hayo ili kuwaenzi mashujaa hapa nchini.

“Viongozi wa mkoa wa Dodoma tumetembelea eneo hili na tumeona maandalizi yapo vizuri na tumeridhika na tunawaongeza sana kamati ya maandalizi  kwa kufanikisha jambo hilo.”amesema Mtaka

Akizungumzi kuhusu changamoto za eneo hilo kuwa katika mazingira yasiyoridhisha,Mtaka amesema,amepata taarifa kwamba eneo hilo ni la jiji huku akiwahakikishia wananchi na Taifa kwa ujumla kwamba kama mkoa utahakikisha eneo hilo linakuwa safi na lenye kuvutia wakati wote.

“Tumesikiliza changamoto za mnara hali  ilivyokuwa  kabla mpaka eneo kufanyiwa ukarabati, nimeongea na Mkurugenzi  wa maadhimisho kwamba ni nani mmiliki wa eneo ili tujue nani mtunzaji..,nimeambiwa  mmiliki wa eneo hili ni jiji ,ingawa inaonekana hakukuwa na  tafsri sahihi ya umiliki ,lakini sasa nimejua kwamba eneo hili la mashujaa linatuhusu mkoa na jiji,

“Hivyo kwetu sisi mnara wa kumbukumbu za mashujaa ndani ya jiji la Dodoma tutautuza lakini tunatamani eneo kuwa linatembelewa na kuwa eneo la kuvutiwa watu,kwa hiyo ofisi ya mkoa,Ofisi ya Jiji na Ofisi ya maadhimisho tutakutana tukubaline tuone namna gani eno hili litatunzwa vizuri.”amesema Mataka

Amesema,eneo hilo linapaswa kuwa  moja ya alama za mkoa wa Dodoma ambapo watu wataenda kupumzika na hata kupiga picha kwa wanaopenda kufanya hivyo.

 “Kwa hiyo tupo tayari kuhakikisha kwamba ,eneo hili la Mashujaa linakuwa ni eneo hai kama ambavyo meneo kama haya huko Duniani yanatumika ,kwetu sisi mnara wa kumbukumbu ya mashujaa wetu tutautunza lakini tunatamani liwe ni eneo ambalo litatembelewa,liwe ni eneo ambalo litakuwa ni moja ya alama za mkoa wa Dodoma na kuvutia watu,

“Kwa hiyo ofisi ya mkoa ,ya jiji la Dodoma na Ofisi ya Maadhimisho tutakutaa tukubaliane  namna ya kulitunza vizuri eneo hilo,kama kuna haja ya kuweka migahawa midogo,au kutengeneza eneo la kupiga picha lakini tunachukulia kwamba litakuwa ni moja ya alama za mkoa huu,unakuwa mnara wa kuvutia na wakati wote waone wana utambulisho ndani ya mkoa wetu.”amesisitiza Mkuu huyo wa mkoa

Amesema , kwa mwakani changamoto zote zilizojitokeza mwaka huu zitafanyiwa kazi ili eneo libebe hadhi na heshima ya mashujaa .

Awali Mkurugenzi wa Maadhimiho hayo Bathlomeo Jungu amesema ,hali ya uwanja haikuwa nzuri na hivyo kwa maelekezo ya viongozi  walianza shughuli ya marekebisho ya uwanja kwa kutoa nyasi na kumwaga changarawe.

“Eneo la mnara lilikuwa siyo zuri,lilikuwa chafu na lilikuwa limechoka ,lakini tumewapa kazi SUMA JKT na wanaendelea na marekebisho mbalimbali na wanakarabati Mwenge wa juu ya mnara ili kuhakikisha mazingira yote katika eneo hilo yanakaa vizuri tayari kwa maadhimisho.”amesema Jungu
 

Share:

Read More

Ukosefu elimu ya Malezi na Makuzi ya wato chanzo cha matukio ya ukatili

Waziri wa Maendeleo ya Jamii,Jinsia,Wanawake na Makundi Maalum Dkt.Dorothy Gwajima

        JOYCE KASIKI,DODOMA

 WAZIRI wa Maendeleo ya Jamii,Jinsia,Wanawake na Makundi Dkt.Dorothy Gwajima amesema,matukio mengi ya ukatili yanayojitokeza hivi sasa hapa nchini  huenda ni kutokana na jamii kukosa elimu sahihi ya malezi na makuzi walipokuwa watoto.

 Akifungua mafunzo ya Sayansi ya Malezi ,Makuzi na Maendeleo ya awali ya mtoto (SECD)  jijini Dodoma yaliyokutanisha washiriki 79 kutoka mikoa mbalimbali hapa nchini Dkt.Gwajima amesema kupitia mafunzo hayo sasa yaende kubadilisha jamii katika vizazi vijavyo.

“Hivi sasa upo ukatili mwingi kwenye jamii kutokana na sababu mbalimbali pia ni sehemu na yatokanayo na jinsi gani ambavyo tuliwalea watoto wetu katika hatua za awali ikibidi tangu walipokuwa tumboni mpaka wanazaliwa.”amesema Dkt.Gwajima na kuongeza kuwa

 “Tunaambiwa kitaalam kuwa katika hatua ambzo ubongo wa mtoto unakua kwa asilimia 70 ni kwenye miaka ya awali.”

Amesema,kutokana na mafunzo hayo ya kuwajengea uwezo makundi mbalimbali juu ya sayansi ya malezi na makuzi ya awali ya mtoto nchi inakuja kuwa na kizazi ambacho hakina changamoto zinazoonekana hivi sasa zikiwemo za matukio ya ukatili.

Dkt.Gwajima amesema,hatua ambazo hazikuchukuliwa katika malezi na makuzi ya watoto katika vipindi vya huko vinasababisha nchi kuchukua muda mwingi na gharama katika kupambana na matukio ya ukatili ambayo kwa namna ama nyingine inarudisha nyuma amendeleo ya nchi.

“Changamoto hizi tunazoziona sasa hivi na tunachukua muda mwingi sana kupambana nazo, ambazo kwa namna moja ama nyingine zinarudisha maendeleo nyuma,ni dhahiri hatua za malezi na makuiz zinazoanza kuchukuliwa hivi sasa ikiwa ni pamoja na utekelezaji wa Programu Jumuishi ya Taifa ya Malezi,Makuzi na Maendeleo ya Awali ya Mtoto,zitaifanya nchi kuwa na kizazi ambacho kikiambiwa hiki siyo kitaelewa kwa urahisi pasipo kutumia nguvu nyingi sana.”

 

Waandishi wa habari vinara wa masuala ya Malezi ,Makuiz na Maendeleo ya Awali ya Mtoto wakiwa katika picha ya pamoja na Waziri wa Maendeleo ya Jamii,Jinsia,Wanawake na Makundi Maalum Dkt.Doropthy Gwajima

  

Waziri huyo ameushukuru Mtandao wa Malezi na Makuzi ya Watoto (TECDEN),Shirika lisilo la Kiserikali la Malezi,Makuzi na Maendeleo ya Awali ya Mtoto (CIC) Umoja wa Klabu za Waandishi wa Habari Nchini (UTPC)  kupitia utekelezaji wao wa mradi wa ‘Mtoto Kwanza’ na kufanikisha kuwezesha wadau wengi kukutana na kupata mafunzo ya malezi na makuzi ya watoto wadogo kwa ajili ya kwenda kutoa elimu hiyo kwa jamii.

Vile viule ameishukuru Taasisi ya Agha Khan Development Network kwa kushiriki tangu uzinduzi wa Programu na mpaka sasa wameendelea katika utekelezaji wake.

“Serikali inatambua kwamba mafunzo haya ni fursa kubwa ya kipekee ya kuelekea kwenye kundi kubwa la wataalam watakaokuwa na ujuzi wa kutosha kwenye PJT MMMAM ,

“Ni imani yangu kubwa baada ya mafunzo haya tutapata watendaji wengi zaidi katika ngazi mbalimbali wenye utaalam wa sayansi ya malezi makuzi na maendeleo ya awali ya mtoto watakaoenda kuelimisha jamii ili ijue kwamba akikosea malezi katika umri wa awali anaweza kumpata mtoto ambaye siyo matarajio yake.”amesisitiza

Aidha Dkt.Gwajima amesema kupitia mafunzo hayo ushirikiano wa serikali na wadau wengine katika utekeleaji wa programu ya MMMAM utaimarika.

Vile vile amewapongeza waandishi vinara kwa kutoa machapisho zaidi ya 400 tangu programu hiyo ilipozinduliwa mwezi Disemba mwaka jana yenye lengo la kuelimisha jamii kuhusu suala zima la malezi na makuzi ya watoto wadogo huku akisema kupitia mafunzo hayo waandishi wataenda kuchapisha machapisho mengi zaidi na yenye ubora zaidi utakaoamsha ari ya wananchi katika malezi ya watoto wao.

“Kwa hiyo tutakuwa tunafuatilia na pengine mnaposema ‘score card’ hii iwepo hadi kwa wanahabari ilituwapate wanahabari wazuri wanaofanya vizuri na tuweze kushindanishwa na nchi nyingine katika uzalishaji wa habari nzuri,lakini hata waziri anapoenda safari zake anaweza kuwachukua hawa akaenda nao kwa sababu wanaweza kuandika habari nzuri zaidi kutokana na kazi wanayoifanya hapa.”amesisitiza Waziri Gwajima

Ametoa rai kwa Wataalam wa maendeleo ya Jamii,Ustawiwa Jamii  na NGOs kuhakikisha baada ya mafunzo hayo,wanafuatilia juu ya sayansi ya malezi na makuzi ya maendeleo ya awali ya mtoto ipasavyo kwenye maeneo yeo ya kazi.

Pia amewataka kuwa mabalozi wa kuhakikisha jamii inayowazunguka inapata uelewa wa malezi na makuzi ya watoto wadogo ikiwa ni pmoja na kuhakikisha watoto wanapata  lishe ya kutosha,ujifunzaji wa awali,uchangamshi,malezi yenye mwitikio na ulinzi na usalama wa mtoto ili watoto waweze kukua vizuri na kufikia utimilifu wao.

“Twendeni tukaeleze jamii kwamba katika umri huu wa kuanzia 0 mpaka miaka 8 ni muhimu kuwekeza kwa mtoto kwani ndipo ubongo wake unapokuwa kwa asilimia 70-80,zungumza na mtoto kipindi hicho ambapo ubongo wake unakua kwa kasi ,tukiyaweka mambo haya vizuri wanandishi wa habari watatusaidia kuyafikisha kwa wananchi.”

 

Aidha amesema,matukio ya ukatili kwa watoto yamezidi huku akisema zaidi ya watoto 11,000 wamekatiliwa,huku akisema,yakiachwa matukio ya kubakwa na kulawitiwa pia watoto wamekuwa wakifinywa na kupigwa vibao kupita kiasi na kuitaka jamii kuacha mara moja vitendo hivyo dhidi ya watoto.

Awali Mkurugenzi wa Mtandao wa Malezi na Makuzi ya watoto (TECDEN) Mwajuma Rwebangila aliiomba Serikali iendelee kuwaongoza katika katika utekelezaji wa PJT MMMAM hadi katika ngazi za mikoa na Halmashauri.

Naye Mkurugenzi wa Children in Crossfire (CIC) Craig Ferla,amesema kutokana na uzinduzi wa Programu ya MMMAM ,Tanzania imekuwa ni miongoni mwa nchi chache ambazo zimefikia hatua hiyo kwenye masuala ya MMMAM.

Amesema, CiC kwa kushirikiana na wadau wa masuala ya MMMAM na TECDEN wapo tayari kuhakikisha utekelezaji wa Programu hiyo unafanyika kwa ufanisi mkubwa na kufikia ndoto zilizokuwepo wakati wa uaandaaji wa Programu hiyo.

Kwa upande wake Joyce Marangu kutoka Agha Khan University amesema,Mafunzo hayo ya Sayansi ya Malezi,Makuzi na Maendeleo ya Awali ya Mtoto (SECD) yanajumuisha katika ukuaji wa ubongo,kukabiliana na umahiri ,ikolojia ya utotoni,kuwasialiana na kujifunza na afya ya ukuaji.

Naye Victor Maleko kutoka UTPC ambao ni washirika katika utekelezaji wa Mtoto Kwanza unaowakilishwa na kutekelezwa na waandishi wa habari 26 nchi nzima. 

“Waaandishi hawa walichaguliwa mahususi ,wana moyo wa kujituma na wakati Programu ya MMMAM inazinduliwa sisi tulikuwa tumeshaanza kufanya kazi hii ya kuhabarisha umma kwa ajili ya kuwekeza kwenye masuala ya malezi na makuzi na mandeleo ya awali ya mtoto Tanzania nzima tangu mwaka 2019 ,

“Na mpaka siku Programu ya MMMAM inazinduliwa story zaidi 1000 zilikuwa zimeshaandikwa Tanzania nzima ,ni juhudi za waadnishi hawa vinara wa masuala ya malezi na makuzi ya watoto,na tangu kuzinduliwa kwa PJT MMMAM mpaka sasa tayari habari zaidi ya 400 zimeshaandikwa.

Kwa upande wake mwakilishi wa washiriki wa mafunzo hayo Afisa Ustawi wa Jamii mkoa wa Lindi Gaudence Nyamwihura amesema kwa kupitia mafunzo hayo watakwenda kuwa mabalozi wazuri wa kutoa elimu kwa jamii inazowazunguka.

 

Share:

Read More