Zaid ya shilingi bilioni 11 zatumika ujenzi wa barabara migodini

 

MENEJA WA TARURA WIAYA YA RUANGWA M𝗞OANI LINDI 

       NA JOYCE  KASIKI ,RUANGWA

ZAIDI ya shilingi bilioni 11  zimetumika katika mwaka wa fedha 2021/2022 katika ujenzi wa barabara zinazoelekea katika maeneo mgodi Wilayani  Rwangwa mkoani Lindi.

Akizungumza na waandishi wa habari katika maonyesho ya madini yanayoendelea katika wilaya ya Rwangwa ,Meneja Tarura  Wilaya ya Rwangwa Mashaka Narubi amesema kuwa pia mwaka huo huo wa fedha 2021/2022 wamejenga barabara za lami maeneo  ya mji wa Rwangwa mjini ambazo zinaelekea maeneo yote ya migodi  ambapo zimegharimu shilingi bilioni 5.2.

Amesema lengo la ujenzi wa barabara hizo ni kurahisisha shughuli za uchimbaji wadini unaoendelea Wilayani humo ili ziweze kupitika katika kipindi chote cha mwaka.

"Kwenye mpango wetu wa mwaka 2021 mpaka mwaka 2023 tumejengaa jumla ya madaraja madogo 47 ambapo shilingi bilion 1.5 zilitumika katika ujenzi huo na nadaraja yotectuliyoyajenga maeneo ya vijijini ambapo kama fusa kwa wachimbaji wetu wa madini"amesema mashaka. 

"Mwaka huu wa fedha 2023/2024 tunakusudia kujenga barabara kilomita 110 kuelekea maeneo ya madini ambapo tunatarajia kutumia bilion 3.4 kwa ajili ya barabara katika maeneo ya madini"ameongeza.

Pia amesema Tarura Wilaya ya Rwangwa imejilita zaidi kuboresha barabara zinazoelekea kwenye maeneo yenye fursa ya madini ambapo wanaamini kwakufanya hivyo wawekezaji wa madini wajitokeza kwa wingi wilayani humo.

Mashaka ameongeza kuwa mbali na kujenga barabara hizo pia wana  mpango wakuongeza barabara nne ambazo ziraelekea kw4nye maeneo kwenye maeneo ya madini kwa kiwango cha lami kutoka Rwangwa kuelekea eneo la Nangurugai ambapo kuna mgodi wa grafact ambapo amesema amesema wameshaanza usanifu na mwezi wa kumi mwaka huu taanza ujenzi wake ambao itakuwa kilometa thelathini na moja.

 

Share:

Read More

Wawekezaji waitwa kujisajili TIC

 

   NA JOYCE KASIKI,RUANGWA

KITUO cha Uwekezaji Tanzania (TIC) kimewataka watanzania kote nchini  kuanzisha miradi mbalimbali ikiwemo ya kwenye sekta ya madini na kuisajili TIC  ili  kuzalisha ajira na kuongeza thamani Kwa lengo la kukuza uchumi na maendeleo ya nchi kwa ujumla.

Akizungumza kwenye kongamano la uwekezaji lililofanyika katika viwanja vya soko jipya  Kilimahewa wilayani Ruangwa katika Mkoa wa Lindi ambapo yanafanyika maonyesho ya madini Afisa Mwekezaji Mkuu wa TIC Girson Ntimba  amesema ipo haja Kwa watanzania kujitokeza na kuwekeza katika sekta hiyo.

"Kufanya hivyo kutaweza kuimarisha uchumi wa nchi na katika hilo tayari Serikali ya awamu ya sita chini ya Rais Dkt Samia Suluhu Hassan  imelifanyia kazi kupitia kituo hicho cha uwekezaji na wanahamasisha watu wawekeze miradi ya nyenye thamani."amesema na kuongeza kuwa

"Hapa niseme tu miradi yenye thamani ni kama kuzalisha vital ,Pete hereni na vitu mbalimbali  ambavyo vinaweza kutumika na tukapeleka nje Kwa ajili ya kupata fedha za nje, 

"Mheshimiwa  mgeni rasmi Waziri Dotto Biteko ,niseme kwamba sisi TIC  katika kuhamasisha wawekezaji wa ndani ,katika maonyesho haya tumeweza kupata wawekezaji wawili ambao ni Jitegemee ambao  tayari wamesajili mradi na hatua zingine zinaendelea ili kuweza kupata kibali."

Vile vile ametaja Kampuni   nyingine ni Elianje ambayo nayo ipo kwenye mchakato wa kusajili ili kuweza kupata cheti cha uwekezaji  

Amefafanua kuwa Kampuni inapopata  cheti cha  uwekezaji inapata msamaha wa Kodi ambao lengo lake ni  kuweza kutoa ajira. "Kwa hiyo Serikali inasamehe Kodi ambapo kwa Sasa hivi ili mwekezaji aweze kuweka mradi na kuzalisha ,kuajiri watu na kuongeza kipato Chao na mwekezaji apate faida na Serikali ipate faida ,na kuweza kupata mapato ili badae aweze kulipa Kodi ."

Ameongeza kuwa"Hivyo kusamehe Kodi  nikuleta na kuwezesha miradi kuajiri watu wengi ili watanzania wanufaike na miradi hiyo Kwa misingi hiyo kituo cha uwekezaji kitatoa cheti ambacho kitafanya upate msamaha wa Kodi wakati wa kuingiza vifaa bandarini Kwa ajili ya mradi wowote ,iwe utalii  au mradi wowote ambao unaongeza thamani na kuhakikisha unapata faida.

Ametumia fursa hiyo kuwataka wawekezaji   kufika kwenye ofisi za kituo cha uwekezaji TIC ili waweze kusajili miradi yao Ili wanufaike na uwepo wa TIC .

Share:

Read More

𝗖𝗕𝗪𝗦𝗢𝘀 𝗦𝗔𝗦𝗔 𝗞𝗨𝗧𝗨𝗠𝗜𝗔 𝗠𝗙𝗨𝗠𝗢 𝗪𝗔 𝗠𝗔𝗝𝗜𝗜𝗦

Na Mwandishi Wetu,e-GA

Vyombo vya Watumia Maji vya jamii (CBWSOs) vinavyosimamiwa na Wakala ya Maji na Usafi wa Mazingira Vijijini (RUWASA), vimetakiwa kutumia Mfumo wa pamoja wa Ankara za Maji (MAJIIS), ili kuongeza ufanisi katika utendaji kazi pamoja na kuimarisha utoaji wa huduma ya maji kwa wananchi.

Agizo hilo limetolewa hivi karibuni na Mkuu wa Wilaya ya Moshi Mhe. Kisare Makori, wakati akifunga mafunzo ya siku saba kwa Maafisa wa CBWSOs wa mkoa wa Kilimanjaro yaliyofanyika katika ukumbi wa Chuo cha USHIRIKA mjini Moshi .

 Amesema, Serikali imedhamiria kuimarisha matumizi ya TEHAMA katika taasisi za umma ili  kuhakikisha huduma zinawafikia wananchi kwa urahisi, haraka na kwa gharama nafuu mahali walipo.

“Serikali ya awamu ya sita inachukua jitihada mbalimbali katika kuhakikisha TEHAMA inarahisisha upatikanaji wa huduma kwa wananchi, ambapo kupitia Mamlaka ya Serikali Mtandao (e-GA) kwa kushirikiana na Wizara ya Maji, imetengeneza mfumo wa MAJIIS ili kutatua changamoto mbalimbali zilizokua zinaikabili Sekta ya Maji”, alisema.

Alifafanua kuwa, Serikali imewekeza katika mfumo huo hivyo ni jukumu la watumishi wa sekta ya Maji kufanya kazi ili kuhakikisha mfumo huo unakua mkombozi kwa wananchi.

Kwa upande wake mtaalamu wa TEHAMA kutoka Wizara ya Maji Mha. Masoud Almas alisema, mfumo wa MAJIIS umeboreshwa ili uweze kutumiwa na Vyombo vya Watumia Maji vya jamii (CBWSOs) vinavyotoa huduma vijijini ili kuhakikisha TEHAMA inarahisisha upatikanaji wa huduma kwa wananchi mahali walipo.

“Mkoa wa Kilimanjaro umekuwa ni mkoa wa kwanza kuanza kutumia mfumo huu wa MAJIIS kwa CBSWOs na Wizara itaendelea kuhakikisha CBSWOs zote katika mikoa mingine zinatumia mfumo huu ili kurahisisha utendaji kazi na kuboresha utoaji wa huduma kwa wananchi waishio vijijini” alisema.

Aliongeza kuwa, hadi sasa mfumo huo umeleta mafanikio makubwa kwa Wizara ya Maji ikiwa ni pamoja na kuongeza ukusanyaji wa mapato na kurahisiha upatikanaji wa taarifa za Mamlaka zote za Maji nchini.

“Hadi sasa, Mamlaka za Majisafi na Usafi wa Mazingiara za miji mikuu ya mikoa, miradi ya kitaifa, miji ya Wilaya na miji Midogo 87 Tanzania Bara na Zanzibar pamoja na Bodi za Maji za Mabonde 9 zinatumia Mfumo huu wa Pamoja”, alifafanua Almas.

Aidha, alibainisha kuwa ili kuongeza ufanisi katika utendaji kazi, mfumo wa MAJIIS umeunganishwa na mifumo mingine ya Serikali ikiwa ni pamoja na mfumo wa GePG, Mfumo wa Barua Pepe Serikalini (GMS), Mfumo wa Ujumbe Mfupi wa Simu za mkononi ambao hutumika kutoa taarifa za huduma kwa Wateja ikiwemo kutuma bili, mfumo wa NIDA na mfumo wa BRELA.

Jumla ya washiriki 72 kutoka Vyombo vya Watumia Maji vya jamii (CBWSOs) 39 vya mkoa wa Kilimanjaro walihudhuria mafunzo hayo.

Share:

Read More

RITA waeleza umuhimu wa cheti cha kuzaliwa

AFISA Mwandamizi wa Usajili kutoka Wakala wa Usajili, Ufilisi na Udhamini (RITA) Jonathan Magoti akizungumza na waandishi wa habari jijini Mbeya katika maonyesho ya wakulima Nane Nane 

 

NA JOYCE KASIKI,DODOMA 

AFISA Mwandamizi wa Usajili kutoka Wakala wa Usajili, Ufilisi na Udhamini (RITA) Jonathan Magoti amewaasa wananchi kujenga utaratibu wa kupata vyeti vya kuzaliwa badala ya kusubiri mpaka wawe na shida ndipo waanze kutafuta vyeti hivyo.

Akizungumza na waandishi wa habari katika Banda la Wakala huo Magoti amesema,cheti cha kuzaliwa ni muhimu kwani kinahitajika katika maeneo mengi ikiwemo katika upatikanaji wa kadi ya NIDA pamoja na huduma nyingine.

“Cheti cha kuzaliwa ni muhimu sana kwa sababu kinahitajika katika mifumo mbalimbali ya Serikali ,kwa mfano mtu anapohitaji kitambulisho cha NIDA, mtoto anapohitaji kwenda shule lazima atambulishwe kwa cheti cha kuzaliwa ,hata mtu anapohitaji kadi ya Bima ya Afya lazima awe na cheti cha kuzaliwa ili kimtambulishe ,hata uhamiaji wanahitaji kupata utambulisho kutoka Rita”amesema Magoti

Aidha amesema,kwa watoto wachanga cheti hicho kinatolewa ndan ya siku 90 bure na kuwahimiza wazazi na walezi kufuatilia vyeti hivyo vya watoto ili kuondoa usumbufu pindi wanapohitaji huduma mbalimbali zikiwemo huduma za afya na kielimu.

 “Wananchi wajenge desturi ya kuhakikisha mtoto anapata cheti mara tu anapozaliwa ambapo ndani ya siku 90 mara baada ya kuzaliwa cheti hicho kinatolewa bure .”amesisitiza

Aidha amesema wakala huo upo katika maonyesho hayo kwa madhumuni ya kutoa elimu kuhusiana na huduma zitolewazo na RITA lakini pia wanafanya usajili wa vyeti upande wa vizazi na vifo pia wanafanya usajili hata kwenye masuala ya ndoa kwa wachungaji na Masheikh wanaotaka kusajiliwa kwa ajili ya huduma mbalimbali za ndoa pamoja na masuala ya kisheria kuhusiana na udhamini,na kuandika na kuandaa wosia.

“Kwa hiyo unapokuja uwanjani hapa unapata elimu pamoja na kusajiliwa pia unapewa na cheti cha kuzaliwa ndani ya siku moja au mbili ili mradi tu awe ana vielelezo vinavyotakiwa.”

Aidha ameeleze changamoto wanayokutana nayo katika maonyesho pindi wananchi wanapofuata vyeti vya kuzaliwa wanakwenda bila vielelezo vinavyomtambulisha mtoto au muhusika anayehitaji cheti hicho.

“Changamoto tuliyonayo ni elimu ambayo inaonekana ilikuwa bado haijawafikia wananchi kwa sababu wanaposajili vizazi na vifo tunahitaji vielelezo vinavyotambulisha umri wa mteja na baadhi ya taarifa, kwa hiyo wateja wanakuja bila vielelezo vya kutosha.”

Hata hivyo amesema mwitiko wa wananchi kufika katika banda hilo na kupata huduma mbalimbali ni mkubwa kwani wengi wamekuwa wakifika kwa ajili ya kupata huduma hasa ya vyeti vya kuzaliwa.

Edwin Simbili ni miongoni mwa wananchi waliotembelea katika banda la RITA katika maonyesho hayo ambapo ameishukuru Serikali kwa kupeleka  huduma hiyo katika viwanja vya Nane Nane ambapo wananchi wamepewa vyeti lakini pia wanatoa elimu mbalimbali kuhusiana na shughuli zao huku akiiomba serikali iendelee kuelimisha wananchi kuhusu huduma zitolewazo na RITA na umuhimu wa vyeti vya kuzaliwa 

Share:

Read More

Serikali yaahidi kuendelea kupunguza tozo kwa wafanyabiashara

 

NAIBU Waziri wa Viwanda na Biashara Exaud Kigahe (Mwenye shati jeupe) akionyeshwa jinsi mashine ya kuchakata mpunga inavyofanya kazi alipotembelea soko la wafanyabiashara wa mchele jijini Mbeya

 

         NA JOYCE KASIKI,MBEYA

NAIBU Waziri wa Viwanda na Biashara Exaud Kigahe ametembelea kikundi cha wauzaji wa mchele (Mbeya Rice Group) katika Kongano la wauzaji mchele soko la Mwanjelwa jijini Mbeya huku akiwaeleza wafanyabiashara wa bidhaa hiyo kuwa serikali itaendelea kuona na kupunguza tozo zisizo na tija kwao na Taifa kwa ujumla.

Kauli hiyo ya Kigahe imekuja kufuatia malalamiko ya wafanyabiashara wa mchele katrika soko hilo la mchele kutozwa tozo nyingi na hivyo kusababisha bidhaa ya mchele kuuzwa kwa bei ghali.

“Naomba niwahakikishie kuwa serikali itandelea kuwaunga mkono katika shughuli zenu na ndiyo maana leo nimekuja nione kazi zenu lakini pia kusikia changamoto zinazokwamisha shughuli zenu ili tuweze kuzifanyia kazi.”amesema Kigahe

Aidha amewataka viongozi wa soko hilo waendelee kuboresha mchele wao ili kuhakikisha unakuwa ni bidhaa bora ambayo inaweza kushindanishwa katika soko la Kimataifa.

“Naomba mjitahidi sana katika uandaaji wa mpunga wakati mnapoelekea kuuchakata ili kupata mchele,hakikisheni mnaanika vizuri mahali ambapo hapawezi kusababisha mchele kuwa na mchanga lakini pia mtafute mashine ambayo inayoweza kupumbua mchele na chenga,lengo kubwa hapa ni kifaya bidhaa yetu ishindane kimataifa.”amesema Kigahe

Aidha amesema,Serikali inaendelea kuongea na taasisi za kifedha na hasa kwenye vikundi ili wafanyabaishara hao waweze kukopesheka na benki mbalimbali ikiwemo benki ya TIB.

“TIB wana fedha za kutosha na wanalenga vikundi vilivyopo  kwenye sekta hii ya kilimo na riba yao haizidi asilimia nane ,na mngekuwa na SACCOs yenu mngekopa kwa asilimia nne mpaka tano ,sasa hii ingewawezesha kupata mitaji na hivyo kupata teknolojia mnazozihitaji kutoka katika kiwanda cha SIDO.

Ametumia nafasi hiyo kuitaka SIDO iwapeleke  TIB kuwatambulisha kwamba ni kikundi chenye tija katika uchumi wa nchi  ili waaminike na kuwawezesha kupata  mitaji na huduma nyingine  zitakazosaidia kuboresha biashara zao.

Vile Vile ameielekeza SIDO iwasaidie kutengeneza teknolojia wananzohitaji kwa gharama nafuu au iwaunganishe na sehemu ambako ni sahihi ili waweze kupata hizo teknolojia

“Kwa hiyo mimi niseme sisi tutaendelea kuwasaidia,kuwatengenezea mazingira mazuri  zaidi ili mzalishe kwa tija .”

Kuhusiana na suala la ushuru mkubwa lililolalamikiwa na wafanyabiashara hao,Naibu Waziri huyo ameiagiza Ofisi ya Katibu Tawala wa mkoa ilichukue hilo na waone namna ya kuangalia kupunguza ushuru ili waweze kuchukua wafanyabiashara wengi zaidi na kupata fedha nyingi licha ya kukusanya kidogo kidogo lakini  itaongeza uhiyari wa kulipa kodi na hivyo serikali kupata mapato mengi zaidi.

“Kwa hiyo nadhani hili tuliangalie kama serikali na hasa wenzetu wa halmashauri mtusaidie, kwa hiyo mtaangalia maeneo ya kodi na vibali mbalimbali wanapoenda kununua mazao kwa wakulima.”amesisitiza

Awali Katibu Mkuu wa Mbeya Rice Group Julius Ngalawa amesema,lichaya changamoto wanazokumbana nazo lakini wameendelea na biashara hiyo ambayo imeajiri zaidi ya watu 3000.

“Mbeya Rice Group,tunachakata tani 78,000 za mpunga.. ,na inashughulika na mnyororo wa thamani wa zao la mpunga wanaanza kwa mkulima mpaka kwa mlaji ,tuna vikundi vya wakulima katika maeneo mbalimbali tunafanya mikataba nao na pia tuna wakulima mmoja mmoja ambao ni binafsi wanakuja kukoboa,

“Pia Mbeya Rice Group tuna watu zaidi ya 3000 tunaofanya nao kazi ambao tumewaweka katika vikundi,kuna vikundi vya washushaji ,wabeba mchele,usaidizi mashineni,pia kuna wananwake wapatao wanane  wanaomiliki mitambo ya kukobolea mpunga.”

Aidha amesema ,kikundi hicho kinajishughulisha na uuzaji wa mchele nje ya nchi ambapo amesema biashara bado haiajwa rasmi lakini mpango wao ni kuhakikisha biashara hiyo inakuwa rasmi ili waweze kulipa kodi za serikali maslahi mapana ya nchi.

Amesema masoko ya mchele wanaouzalisha yapo katika nchi za Uganda,Zambia ,Botswana ,kwa hiyo Mbeya Rice Group tukajiongeza tukaona ni nafuu sasa tuwe na sehemu ambayo ni Packaging process ambayo tutakuwa tutatoa mchele katika mashine zetu tunauweka sehemu tunafanya ‘packaging’ tunaukatia vibali na kuusafirisha kwa njia halali ili serikali na wananchi kwa ujumla kila mmoja apate pato lake.

Kwa mujibu wa Ngalawa kikundi hicho kimeingia makubaliano na Tume ya Taifa ya Sayansi na Teknolojia COSTECH ambapo walifanikiwa kupata wazo bunifu la mashine ya kukaushia mpunga na wamepata milioni 40 kutoka COSTECH kwa ajii ya kutengenezewa mashine ya kukaushia mpunga ambayo itakuwa ni suluhisho la ukaushaji wa mpunga na kutoa bidhaa bora ya mchele.

Kwa upande wake mfanyabiashara wa Mchele Joyce Mahenge amemuomba Naibu Waziri huyo awasaidie katika kupunguza utiriri wa kodi unaosababisha kuleta kero kwao na mchele kuuzwa kwa bei ghali.

Share:

Read More

Taasisi za umma zaombwa kujiunga na mfumo wa ubadilishanaji taarifa Serikali

MENEJA  Mawasiliano Mamlaka ya Serikali Mtandao (e-GA)  Subira Kaswaga akizungumza na waadnishi wa habari katika maonyesho ya Wakulima Nane Nane katika Banda la eGA kwenye Viwanja vya John Mwakangale jijini Mbeya

           NA JOYCE KASIKI,MBEYA

MENEJA  Mawasiliano Mamlaka ya Serikali Mtandao (e-GA)  Subira Kaswaga, ametoa wito kwa taasisi za umma kujiunga na mfumo wa ubadilishanaji taarifa serikalini (GovESB) ili taasisi hizo ziweze kuwasiliana na  kubadilishana taarifa kidijitali kupitia mfumo huo.

Kaswaga ametoa wito huo leo wakati alipofanya mkutaa waandishi wa Habari mkoani Mbeya, kuhusu huduma mbalimbali zinazotolewa na e-GA kwenye maonyesho ya wiki ya wakulima yanayoendelea jijini humo.

 “Mfumo wa GovESB ni shirikishi na unaziwezesha taasisi za umma kuunganisha mifumo ya TEHAMA  kupitia mfumo huo ili kuweza kuzungumza na kubadilishana taarifa kidijitali. “amesema Kaswaga

Kwa mujibu wa Kaswaga ,faida za mfumo huo ni pamoja na kuongeza ufanisi wa utendaji kazi katika taasisi za umma, kuokoa muda, gharama za uendeshaji wa taasisi pamoja na kurahisisha utoaji wa huduma kwa wananchi kwa wakati.

“Mfumo wa GovESB ni jitihada za Mamlaka za kuhakikisha mifumo ya TEHAMA katika taasisi za umma inazungumza na kubadilishana taarifa ili kupunguza urudufu wa mifumo serikalini, kwa sasa taasisi mbalimnbali za umma zimeunganisha mifumo yake na GovESB lakini zipo taasisi ambazo bado hazijaunganisha, hivyo nitoe wito kwa taasisi hizo kujiunga na mfumo huu wa GovESB”, alisema Kaswaga.

“ e-GA imedhamiria kuhakikisha utekelezaji wa jitihada za Serikali Mtandao katika taasisi za umma unaimarika ili kuhakikisha taasisi za umma zinatumia TEHAMA kwenye utendaji kazi wake na kuboresha utoaji wa huduma kwa wananchi.”amesisitiza

Aidha, aliongeza kuwa e-GA hushirikiana na taasisi nyingine za umma katika kutengeneza mifumo ya TEHAMA inayotumika katika taasisi hizo ili kuongeza ufanisi wa utendaji kazi katika taasisi na kurahisisha utoaji wa huduma kwa wananchi.

“Mamlaka imedhamiria kuhakikisha kuwa, mwananchi anapata huduma zote za serikali kidijitali mahali alipo, ili kufikia malengo hayo, tunashirikiana na taasisi mbalimbali za umma kutengeneza mifumo ya kisekta itakayosaidia utendaji kazi katika taasisi hizo na kuwasaidia wananchi kupata huduma kidijitali”, alisisitiza.

Kwa upande wake Afisa TEHAMA wa e-GA  Caesar Mwambani amesema kuwa, Mamlaka ya Serikali Mtandao kwa kushirikiana Ofisi ya Rais, Menejimenti ya Utumishi wa Umma na Utawala Bora, imetengeneza mfumo wa e-Mrejesho unaowawezesha wananchi kuwasiliana na serikali kidijidati.

Amesema kuwa, mfumo huo unawawezesha wananchi kuwasilisha maoni, changamoto, pongezi au malalamiko kwenda katika taasisi yoyote ya umma  na kisha kufuatilia utekelezaji wake kwa njia ya kidijitali.

“Mfumo huu unamrahisishia mwananchi kuwasiliana na serikali kidijitali na hivyo kumpunguzia gharama za kusafiri kwenda katika taasisi husika ili kuwasilisha kero yake na badala yake anaweza kuwasiliana na taasisi hiyo kupitia mfumo wa e-Mrejesho popote alipo”, amesema

Ameongeza kuwa, mfumo wa e-Mrejesho unapatikana kupitia tovuti ya www.emrejesho.go.tz, simu janja kwa kupakua aplikesheni yake au kwa namba ya msimbo kwa kupiga *152*00# na kisha atachagua namba 9, kisha namba 2 na kuwasilisha hoja yake kwenye taasisi husika.

Mamlaka ya Serikali Mtandao imeanzishwa kwa mujibu wa Sheria ya Serikali Mtandao Na. 10 ya 2019 ikiwa na jukumu la kuratibu na kusimamia utekelezajia wa Sera, Sheria, Kanuni, Viwango na Miongozo ya Serikali Mtandao katika taasisi za umma.

Share:

Read More

WAKULIMA WAIOMBA TFRA KUENDELEA KUTOA ELIMU YA MATUMIZI SAHIHI YA MBOLEA

 

           

Wateja waliofika kwenye banda la Mamlaka ya Udhibiti wa Mbolea Nchini (TFRA) kwenye viwanja vya Nzuguni jijini Dodoma wakipata maelezo kutoka kwa Meneja wa Kanda ya Kati Joshua Ngondya.

             NA RENATHA MSUNGU ,DODOMA

WAKULIMA wa mazao mbalimbali hapa nchini, wameishauri Mamlaka ya Udhibiti wa Mbolea Tanzania (TFRA),kuendelea kutoa elimu ya matumizi sahihi ya mbolea  ili kuwasaidia kufanya kilimo chenye tija.

Hayo yamebanishwa na Mkulima Joseph Nyimbo wakati akipata maelekezo ya namna ya kujisajili ili aweze kupata mbolea ya ruzuku kutoka serikalini.

"Wakulima wengi hatujui matumizi ya mbolea, tunaishkuru TFRA kwa kuendelea kutoa elimu kwa wakulima juu ya umuhimu wa matumizi ya mbolea,"Amesema Nyimbo.

Kwa upande wake Meneja wa TFRA Kanda ya Kati Joshua Ng'ondya amewataka wakulima kutoka kwenye Kilimo cha mazoea na badala yake wafanye kilimo chenye tija ili kujiinua kiuchumi.

Amesema wanapaswa kutumia mbolea sahihi ambazo zinaubora uliothibitishwa na TFRA ili kuendesha kilimo chenye tija ambacho kitawainua kiuchumi.

"Ni vizuri mkazingatia elimu mnayopewa na watalam wa kilimo,ikiwemo kutumia mbolea ya ruzuku kwa ajili ya kustawisha mazao shambani,"Amesema Ng'ondya

Naye Afisa Udhibiti Ubora wa TFRA Steven Gossi amewataka wakulima kujitokeza kujisajili ili waweze kupata mbolea ya ruzuku kutoka serikalini.

Amesema hivi sasa mfumo wa utoaji mbolea umeboreshwa.

 

 

Share:

Read More

TIRDO WAJA NA TEKNOLOJIA YA KUZALISHA MAFUTA YA PARACHICHI

                 NA MWANDISHI WETU,MBEYA

Shirika la Utafiti na Maendeleo ya Viwanda Tanzania (TIRDO) ni moja kati ya mashirika ya kitafiti yanayoshiriki Maonesho ya Kilimo na Mifugo maarufu kama Nane yanayofanyika Kitaifa katika Viwanja vya John Mwakangale jijini Mbeya.

Katika Monesho hayo TIRDO  kama shirika la Utafiti nchini wamekuja na tafit mbali mbali mojawapo ni mashine ya kukamua mafuta yanayotokana na matunda ya Parachichi(Avacado) mafuta ambayo mbali na kuwa na soko kubwa ndani na nje  ya nchi lakini pia ni njia mojawapo ya namna bora ya kuongeza thamani ya mazao hapa nchini.

Mtafiti na Mtaalam wa Mitambo *Bw.Paul Josephat Kimath* amesema mashine hiyo imebuniwa na kutengenezwa na wataalam wa  TIRDO asilimia mia moja na kuwa wamefanya utafiti na kujiridhisha kuwa mashine hiyo ina ubora na itawasaidia wakulima wanaozalisha Parachichi kupata soko la bidhaa zao na kuwapa faida kubwa.

Bwana Kimathi ameongeza kuwa Mashine hiyo ina uwezo wa kuchakata parachichi kavu hadi kilo 120 kwa siku na hivyo kumpatia mzalishaji kati ya Lita 30 hadi 40 kwa siku.

Bwana Kimathi amesema kwa sasa mafuta ya Parachichi yanauzwa kati ya shilingi 20,000 hadi 35,000 kwa lita jambo ambalo litaongeza thamani ya mazao kwa kiasi kikubwa.

Mmoja wa watembeleaji katika banda la TIRDO Bwana Joseph Lilo kutoka Wilaya ya Rungwe  alifurahishwa na teknolojia hii na amewakaribisha wataalam wa TIRDO katika Wilaya yao kwa ajili ya kuwapa elimu kutokana na matunda hayo kukosa soko katika Wilaya yao ya Rungwe.

Maonesho ya nane nane yalianza rasmi tarehe Moja Agosti na yanatarajiwa kuhitimishwa tarehe 8 Agosti 2023.

ReplyForward

Share:

Read More

Serikali ya[ongezwa kufuta kiingilio maonyesho Nane Nane Mbeya

Mkuu wa Tawi la Utawala wa Jeshi la Kujenga Taifa Brigedia Jenrali Hassan Mabena akitembelea eneo la kilimo (Shamba darasa)  la JKT

                                       NA JOYCE KASIKI,DODOMA

 MKUU wa Tawi la Utawala Jeshi la Kujenga Taifa (JKT) Brigedia Jenerali Hassan Mabena ameipongeza serikali kwa kuondoa kiingilio katika maonyesho ya wakulima maarufu kama Nane Nane ambayo Kitaifa yanafanyika jijini Mbeya kwenye viwanja vya John Mwakangale.

Brigedia Jenerali Mabena ambaye amemwakilisha Mkuu wa Majeshi ya Ulinzi na Mkuu wa JKT amesema hatua hiyo itaongeza ari kwa wakulima na wananchi kwa ujumla kufika katika maonyesho hayo na kujifunza masuala mbalimbali ya kilimo,ufugaji na uvuvi na hivyo kuleta tija kwenye maeneo hayo.

Akizungumza na waandishi wa habari mara baada ya Makamu wa Rais Dkt.Philip Mpango kuzindua sherehe za maonyesho hayo,Brigedia Jenerali Mabena amesema,maonyesho hayo yanatoa fursa kwa wananchi kuona pembejeo na zana za kilimo mifugo na uvuvi kwa jili ya kujifunza mbinu bora za uzalishaji wenye tija kwa mazao ya kilimo,mifugo na uvuvi.

Aidha ameipongeza Serikali chini ya uongozi wa Amiri Jeshi Mkuu Rais Samia Suluhu Hassan kwa kutoa kipaumbele katika sekta hizo kwa kuongeza bajeti kila mwaka ili kuleta tija.

“Sisi sote ni mashahidi ,2022/23 serikali ilitenga bajeti kubwa katika maeneo hayo na hata katika mwaka huu wa fedha imeongeza fedha ambazo zinakwenda kuleta uhakika wa usalama wa chakula nchini na hivyo kuleta utoshelevu wa chakula na ziada kuuzwa nje na kuleta  fedha za kigeni ambazo zitatumika katika maendeleo ya nchi.

Pia ameipongeza serikali kwa kuwaona vijana na kuwatengenezea mazingira ya kujiinua kiuchumi kupitia mradi   unaolenga kuongeza ushiriki wa vijana katika kilimo kwa kuwapatia mafunzo, maeneo ya mashamba, mitaji na kuwaunganisha na fursa za masoko ( Building a Better Tomorrow-BBT) ambao sasa utawahusisha na vijana wa kujitolea wa JKT ambapo watapata mafunzo katika vituo atamizi.

Amesema tayari Wizara ya Ulinzi na Jeshi la kujenga Taifa  na wizra ya kilimo wameshasaini makubaliano ambapo mpango uliopo sasa ni kurudia yale makubaliano ili kuwahusisha vijana wa JKT katika mpango wa serikali wa kuwa na mashamba nundu.

Aidha amesema hivi karibuni Wizara ya Mifugo na Uvuvi na wizara ya Ulinzi na Jeshi la Kujenga Taifa inakwenda kusaini makubaliano ili vijana wanaohudhuria mafunzo ya JKT  nao wahusishwe katika mpango huo maalum.

“Ili kuhakikisha mpango unaezeshwa serikali imetoa malekezo kwa taasisi za kibenki kupunguza riba za ukopaji na kutoa masharti nafuu ili wafugaji ,wakulima na wavuvi waweze kuenedeleza maeneo hayo ili kuongeza mazao ya chaukula,ufugaji na uvuvi na pia itawezesha vijaa kupata ajira,itakwenda kuongeza pato la Tafa na uhakika wa usalama wa chakula nchini.

Brigedia Jenerali Mabena amewasihi wanchi wa mkoa wa Mbeya na mikoa ya Jirani kutumia fursa iliyotolewa ya kuingia kwenye maonyesho hayo bila kiingilio kwa kufika hasa katika banda la JKT ambako watapata elimu zuri ya kilimo,ufugaji na uvuvi kwa lengo la kuwawezesha wananchi kuzalisha kwa tija katika maeneo hayo.

Share:

Read More