Wabunge wachukizwa na vitendo vya ualwiti na ubakaji wa watoto wadogo,wataka hatua kali zichukuliwe dhidi yao

Waziri wa Maendeleo ya Jamii,Jinsia,Wanawake na Makundi Maalum Dkt.Dorothy Gwajima akiwasilisha maombi ya fedha Bungeni Jijini Dodoma katika bajeti ya mwaka wa fedha wa 2022/23 ya shilingi bilioni 43.403 ili kuiwezesha Wizara hiyo kutekeleza majukumu yake kwa kipindi hicho .

 

JOYCE KASIKI,DODOMA

                                                                                

BAADHI ya wabunge wameonyesha kuchukizwa na vitendo vya ukatili vinavyoendelea hapa nchini hususan matukio ya ulawiti na ubakaji wa watoto ambapo wametoa maoni tofauti huku baadhi yao wakitaka wanaume wanaofanya vitendo hivyo wahasiwe ili kuwanusuru watoto dhidi ya vitendo vya ubakaji na ulawiti.

Wakichangia mjadala wa Bajeti ya Wizara ya Maendeleo ya Jamii ,Jinsia,Wanawake na Makundi Maalum ambayo imeomba shilingi bilioni 43.403 kwa mwaka wa Fedha wa 2022/23 bungeni jijini Dodoma,wabunge hao wamesema matukio hayo ni miongoni mwa mambo ambayo yanaathiri malezi na makuzi ya watoto wadogo na hivyo kuathiri makuzi  katika maisha yao.

Mbunge wa Viti Maalum Subira Mgalu amesema, takwimu za matukio ya ukatili zinatisha huku akisema kwa kipindi cha Januari 2019 mpaka sasa matukio hayo jumla yake ni takribani 29,000 lakini miongoni mwao kubakwa ni takribani 19,000 sawa na asilimia 70 huku yaliyofikishwa mahakamani yakiwa ni asilimia 75 na yaliyohukumiwa ni kama asilimia 67.

“Tatizo hili ni kubwa na katika moja ya changamoto ni matukio ya kulawiti ambapo watoto wa kiume zaidi ya 3000 kati ya 3,260 sawa na asilimia 64 wamelawitiwa,hali hii inatisha mpaka tunatamani kama adhabu iongezwe ,au tuseme wanaume wahasiwe ,hii yote ni kuona namna gani tuanweza kuondoa ukatili huu wa ulawiti na ubakaji wa watoto,

“Serikali inafanya maendeleo kwa ajili ya kizazi cha sasa na kijacho lakini maendeleo haya yatakuwa hayana maana kama tunaandaa kizazi cha watoto wanaobakwa ,watoto wa kiume wanaolawitiwa,

“Kwa hiyo naiomba Serikali kupitia Wizara mtambuka zinazohusika katika eneo hilo ,kuangalia sheria kwani pamoja na kwamba zipo lakini haipiti wiki yanasikika matukio ya ubakaji,ulawiti wa watoto,

“Na kinachosikitisha zaidi matukio yameambukiza ndani ya familia,unakuta baba anabaka watoto wake ,baba analawiti watoto wake,tumnwombe mwenyezi Mungu atuongoze tuondokane na haya matukio.”

Mbunge huyo aliwaasa watanzania kutahimini kwa matukio hayo ambayo yamekuwa yakijiotokeza  kila siku huku akiiomba mahakama mahakama iendelee kutenda haki katika kuhakikisha walawiti na wabakaji wa watoto wanachukuliwa hatua stahiki.

Kwa upande wake Mbunge wa Viti Maalum Fatma Toufiq (CCM)  amepongeza mikakati mbalimbali  ya serikali iliyopo ambayo inalenga kuhakikisha ukatili unatokomezwa kupitia Mpango wa Mpango Kazi wa Taifa wa Kutokomeza Ukatili dhidi ya Wanawake na Watoto (MTAKUWWA)  ambao una dhamira ya kuhakikisha ukatili dhidi ya wanawake na watoto unatokomezwa kwa asilimia 50 ifikapo Juni 2022.

Hata hivyo amesema,kumekuwa na ukatili mwingi hapa nchini ukiwemo wa kingono ,vipigo ,kuuawa,kuchomwa moto watoto,usafirishaji watoto,ubakaji wa watoto,ulawiti wa watoto,huku akisema,kwa matukio hayo inaonyesha ukatili umekithiri kupita kiasi .

“Na pia kwa kuwa vyombo vya habari vimekuwa vikitoa taarifa mbalimbali vimekuwa vikiripoti kuwa wahusika wa matukio ya ukatili hususan wa ubakaji wa watoto ni pamoja na ndugu wa karibu ambao ni baba ,ndugu wa karibu wanabaka na kulawiti watoto vitendo ambavyo vina athari kubwa katika Malezi ,Makuzi na Maendeleo ya mtoto,

“Nitoe mfano wa matukio ambayo yameripotiwa hivi karibuni Mkoa wa Kilimanjaro kuna mume amemuua mkewe mbele ya mtoto wake wa miaka miwili,sasa huyu mtoto akikua akili yake itakuwaje hilo ni tatizo,kuna mtoto alinyongwa Machi mwaka huu ,kuna tukio la baba kumuua mtoto wake kwa kushindwa kusoma ,kuna mama mkubwa naye amemuua mtoto wa mdogo wake,kwa hiyo mambo haya yanatisha ,.”amesema Toufiq

Mbunge huyo pia ameiasa Serikali kutupia macho shuleni huku akisema kuna matukio ya ubakaji na ualwiti yamekuwa yakifanyika huko kwa watoto walio katika madarasa ya juu kuwafanyia vitendo hivyo watoto wenzao wa madarasa ya chini .

Baadhi ya shule zetu nazo siyo salama,baadhi ya watoto wa madarasa ya juu wamekuwa wakiwalawiti watoto wa madarasa ya chini na hili jambo nalo inapaswa tuliangalie kwa kuona jinsi tunavyoielimisha jamii,maana inawezekana baadhi ya tabia za watoto wanazirithi kutoka katika nyumba na familia zao.”

Kufuatia changamoto hizo za ukatili Toufiq ameishauri Serikali kuiangalia upya sheria ya kanuni ya adhabu kuhusu mimba zinazotokana na kubakwa na ndugu wa damu  ili iwaondolee sonona walengwa (wasichana) na kama itafaa ujauzito utolewe na wataalam.

Ameiomba Serikali kuchukua hatua kwa wazazi wa kiume wanaotelekeza watoto wao kwa sababu baadhi ya akina mama wanashindwa kuwalea watoto na hivyo kuathiri Malezi na makuzi yao na hatimaye kushindwa kukua hadi kufikia utimilifu wao.

Awali Waziri wa Maendeleo ya Jamii ,Jinsia,Wanawake na Makundi Maalum Dkt.Dorothy Gwajima alisema, pamoja na hatua za kila siku za Serikali na wadau mbalimbali kupambana na ukatili
kupitia MTAKUWWA, Wizara inaratibu utekelezaji wa kampeni kubwa ya kupambana na ukatili sambamba na kuimarisha mifumo ya kubaini viashiria vya ukatili na kuchukua hatua za kuzuia.

Aidha alisema,kwa kuwa utekelezaji wa MTAKUWWA unafikia ukomo mwezi Juni mwaka huu, Wizara imeanza mchakato wa kufanya tathmini ya Mpango huo kwa lengo la kubaini mafanikio  yaliyopatikana katika utekelezaji kwa kipindi cha miaka mitano, changamoto na upungufu wa kimuundo na kiutendaji ulioathiri kufikiwa kwa malengo ya Mpango. 

“Tathimini inatarajiwa kubainisha masuala ya kuigwa  na kutoa mapendekezo ya namna bora zaidi ya kukabiliana na changamoto
na upungufu uliobainika,matokeo au mapendekezo  yatakayobainishwa katika taarifa ya Tathmini ya Mpango yatawezesha kuanza kwa maandalizi ya MTAKUWWA awamu ya pili itakayotoa mikakati mahsusi ya kutokomeza aina zote za ukatili dhidi ya  wanawake na watoto kwa miaka mitano ijayo.”amesema Dkt.Gwajima

Kwa mujibu wa Dkt.Gwajima ,tathmini na Maandalizi ya MTAKUWWA II yanatarajiwa kukamilika ifikapo mwezi Septemba, 2022.

Akizungumzia kuhusu uratibu na utekelezaji wa MTAKUWWA Waziri huyo alisema,Wizara imeendelea kuratibu utekelezaji wa Mpango  huo kupitia maeneo nane ya utekelezaji.

Amesema mpango huo ambao utekelezaji wake  ulianza Julai, 2017 na kutarajiwa kufikia  ukomo Juni mwaka huu, baadhi  ya mafanikio yake ni  Matukio ya ukatili wa kijinsia yaliyoripotiwa katika Dawati la Jinsia na Watoto la Polisi yamepungua kwa asilimia kutoka matukio 42,414 mwaka 2020 hadi matukio 29,373 mwaka 2021.

Aidha, matukio ya ukatili wa kijinsia kwa watoto yaliyoripotiwa
kwenye Dawati hilo yamepungua kwa asilimia 28 kutoka matukio 15,870 mwaka 2020 hadi matukio 11,499 mwaka 2021.

Dkt.Gwajima amesema,mafanikio mengine ni kuanzishwa kwa vituo vya mkono kwa mkono ambavyo hadi Aprili 2022, jumla ya Vituo 21
vya Mkono kwa Mkono (One Stop Centers) vimeanzishwa katika Hospitali mbalimbali za Serikali kwenye Mikoa 12 ikilinganishwa
na Vituo 14 vilivyoanzishwa hadi kufikia mwaka 2020/21.

Amesema,lengo la vituo hivyo ni  kuwezesha utoaji wa huduma hizo katika eneo moja ili kuepusha usumbufu, ucheleweshaji wa huduma, kuharibu au kupoteza ushahidi.

Waziri huyo alisema,Serikali kwa kushirikiana na Wadau itaendelea kuratibu uanzishwaji wa Vituo vya Mkono kwa Mkono katika Mikoa ambayo haijaanzisha Vituo hivyo ikiwemo Mikoa ya Dodoma,
Singida, Tanga, Geita, Katavi, Rukwa, Mtwara, Lindi, Ruvuma, Mara, Kagera, Njombe, Songwe na Manyara.

“Vituo hivi vinarahisisha huduma kwa kumpa fursa manusura kufika katika kituo na kupata huduma za unasihi, utoaji taarifa kwa Afisa
wa Polisi na kupata matibabu lakini pia  vinarahisisha upatikanaji wa haraka wa ushahidi unaotokana na vipimo vya kitabibu unaowasilishwa katika Mahakama. “

Akizungumzia hali hiyo ya matukio mengi ya ukatili ,Danson Kaijage mkazi wa Ilazo jijini Dodoma  amesema,matukio hayo ya ulawiti ,ubakaji hususan wa watoto  yamekuwa yakitokea kwa wingi kutokana na ukosefu wa maadili na watu kutokuwa na hofu ya Mungu hali inayofanya jamii kukimbilia kwenye ushirikina ili kujipatia mali kirahisi badala ya kufanya kazi.

"Kinachotakiwa serikali iendelee kutoa elimu zaidi mashuleni kuwajengea uwezo wa kujieleza watoto kuanzia darasa la awali kwani matukio haya huwakumba hata watoto walio chini ya miaka mitano ."amesema Kaijage

 

 

 

 

Share:

Read More

Bashungwa ataka utumishi unaozingatia maadili na miongozo ya Utumishi wa Umma

 

JOYCE KASIKI,DODOMA

Waziri wa Nchi Ofisi ya Rais Tawala za Mikoa na Serikali za Mitaa,  Innocent Bashungwa amewataka watumishi wa umma kuendela kufanya kazi kwa kuzingatia maadili,sheria,miongozo na taratibu za Utumishi wa Umma katika kuwahudumia wananchi.

Akifunga kikao kazi cha wakuu wa Idara na vitengo vya Utawala na Usimamizi wa Rasilimawatu katika Utumishi wa Umma kilichofanyika jijini Dodoma,Waziri Bashungwa amesema,uzingatiaji wa sheria ,miongozo na taratibu za Utumishi wa Umma kunaongeza tija kwa wananchi na Taifa kwa ujumla.

Vile vile Bashungwa amewataka wakuu wa hao wa Idara na Vitengo vya Utawala na Usimamizi wa Rasilimaliwatu katika Utumishi wa Umma kutekeleza wajibu wao bila kuwaonea watumishi walio chini yao.

Aidha amesema kwa upande wa Serikali  itaendelea kusimamia Watumishi wa Umma kwa ujumla ili wafanye kwa kuzingatia nidhamu na uwajibikaji katika Utumishi wa Umma katika kuwahudumia wananchi.

Awali ,Naibu Waziri, Ofisi ya Rais, Menejimenti ya Utumishi wa Umma na Utawala Bora Deogratius Ndejembi amewataka wakuu hao wa Idara na Vitengo vya vya Utawala na Usimamizi wa Rasilimawatu katika Utumishi wa Umma kutimiza wajibu wao kikamilifu katika kutatua changamoto zinazowakabili watumishi wa umma kwa haraka.

Share:

Read More

Mhagama awafunda wakuu wa Idara katika Utumishi wa Umma

Waziri wa Nchi ,Ofisi ya Rais,Menejimenti ya Utumishi wa Umma na Utawala Bora

 

 

 

JOYCE KASIKI,DODOMA

WAZIRI wa Nchi ,Ofisi ya Rais ,Menejimenti ya Utumishi wa Umma na Utawala Bora Jenista Mhagama amewataka wakuu wa Idara na vitengo vya Utawala na Usimamizi wa Rasimaliwatu katika Utumishi wa Umma kufanya kazi kwa kuzingatia miongozo huku wakienda na kasi ya utendaji kazi wa Rais Samia Suluhu Hassan katika kuleta maendeleo ya nchi.

Akizungumza katika kikao kazi cha watumishi hao jijini Dodoma  ,Waziri Mhagama amesema, wakuu hao wa Idara wana kila sabahu ya kuona uzito wa kikao hicho na yatakayoazimiwa kwa kwenda kuyafanyia kazi kikamilifu kwa lengo la kwenda na kasi ya utendaji kazi ya Rais Samia ili kufikia malengo ya Taifa katika kufikia maendeleo endelevu.

“Kuna kila sababu ya kufanya mabadiliko ya haraka na kwenda kasi ya Rais Samia ambaye ameshajipambanua na kufanya kazi usiku na mchana kwa ajili ya maendeleo ya wananchi na Taifa kwa ujumla.”alisema Mahagama na kuongeza kuwa

“Rais Samia anaongozwa na shabaha ,malengo na ubunifu katika kuhakikisha kunakuwa na utekelezaji wa mikakati mingi ya kujenga ustawi wa nchi yetu.”

“Lazima tuenende katika maazimio na utendaji kazi wa Rais Samia hakika tutapata maendeleo ya haraka sana.

Aidha amewataka wakuu hao wa Idara kufuata sheria na kanuni zinazowaongoza katika utendaji kazi hasa katika kushughulikia tuhuma za watumishi wanapokuwa na makosa.

Amesema watumishi wa umma wamekuwa na malalamiko yanayochukua muda mrefu bila kushughulikiwa hali ambayo inaigharimu Serikali kutokana na mtumishi husika kuendelea kulipwa stahiki zake.

                                                                     

“Wakati mwingine watumishi hukosa haki zao bila sababu ,unakuta anazunguka na faili la nidhamu kwa muda mrefu bila kushughulikiwa,

“Malalamiko ni mengi ,mashauri hayafungwi kwa wakati maana mtumishi anapokuwa anatuhuma bado anastahili kulipwa,changamoto ni kwamba mashauri haya hayafungwi kwa wakati hii ni hasdara kwa serikali.”amesema Mhagama

Vile vile amesema,watumishi wamekuwa wakilalamika kuhujumiwa na maafisa rasilamiwatu huku akiwaonya mara moja kuacha kuwahujumu watumishi na badala yake wafanye kazi zao kwa kuzingatia sheria kanuni na miongozo inayowangoza katika kushughulikia changamoto za watumishi wa umma.

Share:

Read More

Afisa wa Baraza la Mitihani Tanzania (NECTA) ambaye pia ni Mkuu wa Kitengo cha Mipango,Utafiti na Tathimini ya Mitihani Dkt.Alfred Mdima akionyesha mfumo wa kutumia kishikwambi katika usahihishaji mitihani na ufundishaji watoto wengi darasani kupita kiasi.

 

              JOYCE KASIKI,DODOMA

BARAZA la Mitihani la Taifa limekuja na suluhisho la kumwezesha mwalimu kumudu darasa lenye wanafunzi wengi kupita kiasi pamoja na mfumo wa usahihishaji mitihani kidigitali.

 Afisa wa Baraza la Mitihani Tanzania (NECTA) ambaye pia ni Mkuu wa Kitengo cha Mipango,Utafiti na Tathimini ya Mitihani Dkt.Alfred Mdima amesema,mifumo yote miwili ni ya kidigitali ambayo inatumia kishikwambi.

“Tumekuja hapa katika maonyesho haya ya Kitaifa ya Ubunifu ya Sayansi na Teknolojia ,tumeleta mifumo miwili ,mfumo wa kidigitali wa usahihishaji wa mitihani ambao msahihishaji anapelekewa maswali na kuyasahihisha kidigitali na anarudisha majibu kwa mratibu wa Baraza la Mitihani kidigitali,

“Lakini pia tumebuni mfumo mwingine wa kutatua tatizo la ufundishaji na upimaji wa wanafunzi darasani walio wengi kupita kiasi,ufumbuzi wa suala hili sasa umepatikana “amesema Dkt.Mdima

 Kwa mujibu wa Dkt.Mdima , hata wanafunzi wakiwa wengi kiasi gani ,kwa kutumia mfumo wa ufundishaji kidigitali,mwanafunzi anaweza kujifunza kwa ufanisi na wakapata umahiri unaotakiwa kulingana na mtaala waliowekewa na Taasisi ya Elimu Tanzania .

“Sisi Baraza la Mitihani kwa ufadhili wa shirika la watoto Duniani (UNICEF),tumeweza kuja na mfumo ambao ni suluhisho la tatizo la ufundishaji na upimaji katika madarasa yenye watoto wengi kupita kiasi ,yaani sasa hivi watoto wengi darasani kupita kiasi siyo tatizo tena kwa sababu tumekuja na suluhisho lake ambalo ni kwamba ,mfumo huu kwa kutumia vishikwambi tumechukua mada zote kuu na mada mahususi tumeziweka ndani ya hiki kishikwambi,

“Tumetengeneza maswali mengi ya kutosha kwa kila mada mahususi na aina nyingi ili yaweze kumsaidia mwanafunzi kujifunza zaidi..,Mfumo huu una shughuli nyingi za kutendwa na mwanafunzi na wanafunzi wanapenda sana vishikwambi hivyo kutokana na mfumo ulivyosetiwa utamwezesha mwanafunzi kujifunza kwa umahiri zaidi.” 

Amesema,wakati mwanafunzi akijibu maswali kwa kutumia kishikwambi ,kunakuwa  na kishikwambi kingine ambacho kimeunganishwa na mwalimu ambapo kinamuonyesha mwalimu kwamba mwanafunzi amepata ama amekosa na anapofika mwisho kishikwambi kinamwambia mwanafunzi amepata alama ngapi kati ya tano ambapo kama amepata zote kishikwambi kinampa motisha ya kikatuni ambacho kinammotisha na kumfanya mtoto anakuwa na umakini wa ujifunza muda wote.

Pia amesema kishikwambi hicho kinamsaidia sana mwalimu kwa sababu mwalimu sasa hatakuwa na lundo la madaftari ya kusahihisha kwani kazi zote watoto wamefanya kwenye vishikwambi na rekodi zote zinahifadhiwa kwenye kishikwambi hicho ambapo kazi ya mwalimu ni kuangalia tu kwamba mtoto amepata alama ngapi kwani anakuwa amewasajili wote kwenye kishikwambi kwa picha na jila la mtoto.

“Hapa hata kama mwalimu angekuwa na wanafunzi 1000 darasa ili mradi kila mtoto ana kishikwambi chake ,bado mwalimu atafundisha kwa urahisi sana katika darasa lake..,”amesisitiza 

Dkt.Mdima amesema kishikwambi hicho kimewekwa kazi za masomo tu na mwanafunzi hana namna yoyote ya kufanya jambo lingine lisilohusiana na masomo lakini pia hakitumii mtandao wa internet badala yake mwalimu na mwanafunzi watawasiliana kupitia njia ya bloototh.

“Tunaamini kwa serikali yetu ilivyo sikivu haiwezi kushindwa kumpatia mwanafunzi kishikwambi ,ni suala la maamuzi na kupenda elimu kila mwanafunzi wa Tanzania atakuwa na kishikwambi,

“Tatizo hili la wananfunzi wengi madarasani limechukua muda mrefu sana sisi tumekuja na suluhisho tunaomba serikali ituunge mkono

Kishikwambi kimewekwa programu za masomo tu ,hiki ni kwa ajili ya kujifunza na kufundisha tu,kwa hiyo hakina mambo mengine zaidi ya kujifunza na hawezi kudaownload kitu chochote.”amesema

Ametaja faida nyingine za mfumo huo kuwa ni kumwezesha mwanafunzi kuwa mahiri na kuwa na kasi ya kutenda na usahihi unaotakiwa katika kutenda ambao unapatikana baada ya mwanafunzi kufanya mazoezi mengi iwezekanavyo .

 “Wanafunzi wameweza kufanya kazi kwa kasi inayotakiwa kasi na usahihi unaotakiwa kwa sababu mwanafunzi anapokuwa anafanya maswali hayo katika kishikwambi ukifika ule muda wa dakika moja kama hajamaliza maswali yanaondoka zitakaporudia tena mtoto akili itakuwa imeshamkaa sawa kwamba nikifanya kwa uzembe maswali yataondoka na nitapata sifuri kwa hiyo baada ya muda kishikwambi kinamzoeza mwanafunzi kuwa ni mtu wa kasi .”

Share:

Read More