Mbunge Bahi ahoji kuhusu ujenzi wa daraja katika mto Mzizima wilayani Bahi

 

                            JOYCE KASIKI,DODOMA

MBUNGE wa Bahi Kenneth Nollo (CCM) amehoji mpango wa Serikali wa kujenga daraja la kudumu kwenye mto Mzizima ili barabara ya Kigwe hadi Chipanga iweze kupitika katika majira yote ya mwaka.

Nollo ametoa kauli hiyo leo wakati akiuliza swali la msingi Bungeni jijini Dodoma huku akisema ujenzi wa daraja hilo utasaidia kuondoa kero ya wananchi kutumia
muda mwingi wa kusubiria maji ya mto yapungue pindi inaponyesha mvua ili wavuke na kuendelea na shughuli za kiuchumi na kijamii.

“Je, Serikali ina mpango gani wa kujenga daraja la kudumu kwenye mto Mzizima ili barabara ya Kigwe hadi Chipanga Wilayani Bahi iweze kupitika mwaka mzima?”amehoji Nollo

Akijibu swali hilo Naibu Waziri Ofisi ya Rais ya Rais,Tawala za Mikoa na Serikali za Mitaa (TAMISEMI) David Silinde alisema,katika mwaka wa fedha 2021/22, Serikali kupitia TARURA Wilaya ya Bahi, imetenga fedha kiasi cha Shilingi milioni 620.23 kwa ajili ya ujenzi wa
Daraja (Box culvert) lenye urefu wa mita 34.

“Ujenzi wa daraja hili umeanza Februari  20
, 2022 na unatarajiwa kukamilika Agosti 19, 2022 na ujenzi wa mradi huu umefikia asilimia 30,kazi hiyo  inafanywa na Mkandarasi RAVJI CONSTRUCTION LTD.”amesema Silinde

Kwa mujibu wa Naibu Waziri huyo,kukamilika kwa ujenzi wa daraja hilo utaifanya barabara ya Kigwe – Chipanga kupitika wakati wote na hivyo kuondoa kero ya wananchi kutumia
muda mwingi wa kusubiria maji ya mto yapungue ili wavuke na kuendelea na shughuli za kiuchumi na kijamii.

Share: