Ripoti ya CAG yaibua madudu Mfuko wa Bima ya Afya,waonyesha madai ya wanaume 56 wapatiwa huduma za kawaida za upasuaji au kujifungua kawaida wakati huduma hizo ni za wanawake

 

Mdhibiti na mkaguzi Mkuu wa Hesabu za Serikali (CAG) Charles  akizungumza na waandishi wa habari jijini Dodoma kuhusu ukaguzi uliofanywa na ofisi yake kwa mwaka ulioishia Juni 30,2020/2021.

 

 

 

 

Baadhi ya watumishi wa Ofisi ya CAG wakimsikiliza alipokuwa akizungumza na waandishi wa habari

JOYCE KASIKI,DODOMA

 

UKAGUZI uliofanywa na Mdhibiti na Mkaguzi Mkuu wa Hesabu Serikali (CAG) Charles Kichere  katika mwaka ulioishia Juni 30,2020/2021,umebaini mapungufu katika Mfuko wa Bima ya Afya yaliyoonyesha madai ya Bima ya Afya yanaonesha madai ya wanaume 56 walipata huduma ya upasuaji au za kawaida za kujifungua wakati huduma hizo zinatolewa kwa wanawake.

Akizungumza na waandishi wa habari jijini Dodoma April  12 mwaka huu wakati akiwasilisha ripoti yake ya mwaka wa fedha ulioishia Juni 30,2020 /2021 CAG Kichere amesema kuwa pia wanachama 444 walipata huduma ya kuchunguzwa picha kamili ya damu ( full blood picture), zaidi ya mara moja kwa siku hadi mara 30 kwenye kituo kimoja.

Aidha amesema ,kuwapo kwa malipo ya madai yaliyorudiwa pamoja na madai yanayoonesha wanachama wa  Mfuko wa Taifa wa Bima ya Afya (NHIF), walipokea miwani ya kusomea zaidi ya mara moja wakati utaratibu unaruhusu kutoa miwani mara moja kwa mwaka.                                                               

“Udhaifu huo umesababishwa na kukosekana kwa udhibiti katika mfumo wa madai  iliyosababisha hasara ya shilingi milioni 14.41 katika mfuko.”amesema Kichere na kuongeza kuwa

" Ninapendekeza Mfuko wa Bima ya Afya kurejesha kiasi kilichopotea kutoka kwa watoa huduma za afya husika,kuboresha mfuko wa madai wa CMIS ili kuhakikisha unasaidia maafisa wanaohusika kuangalia uhalali wa madai yaliyowasilishwa”

 Aidha Kichere amesema kuwa ukaguzi huo pia ulibaini  miamala 17 yenye jumla ya Lita Milioni 31.12 za mafuta zenye makadirio ya ushuru wa forodha shilingi Bilioni 2.89 ambayo hayakuainishwa kama ni kwa matumizi ya ndani au kusafirishwa kwenda Nchi jirani huku akisema kuwa hiyo inaashiria kwamba mafuta hayo yalitumika nchini na yalipaswa kutozwa ushuru wa forodha shilingi Bilioni 2.89.

"Ninapendekeza kwamba Serikali iimarishe mifumo ya Udhibiti na usimamizi wa mafuta yanayoingia nchini ili kuzuia matumizi ya mafuta hayo nchini bila Kodi stahiki kulipwa,Mafuta yaliyopitiliza muda wa kukaa nchini ambayo yalipaswa kwenda Nchi jirani yenye ushuru wa forodha shilingi Bilioni 1.78,"alisema.

Kwa mujibu wa CAG Kichere  Lita 2.63 za mafuta zenye makadirio ya Kodi ya shilingi Bilioni 1.78 ziliingizwa nchini kwaajili ya kusafirishwa kwenda Nchi jirani,hata hivyo mafuta hayo hayakusafirishwa kwenda Nchi husika kwa zaidi ya miezi 12 kinyume na Sheria ya forodha inayotaka yasafirishwe ndani ya siku  30.

Akitoa mapendekezo ya ofisi yake kuhusu ripoti hiyo ameishauri Serikali iimarishe mifumo ya Udhibiti na usimamizi wa mafuta hayo nchini bila Kodi stahiki kulipwa,pia mamlaka ikusanye ushuru wa forodha wa shilingi Bilioni 1.78 kwenye Lita Milioni 2.63 pamoja na adhabu kwa mafuta ambayo hayakuondoshwa nchini.

 

Share: