BRELA wafurahia mshindi wa wa tatu waahidi kuongeza ufanisi

Mtendaji Mkuu wa BRELA Godfrey Nyaisa (katikati) mara baada ya kukabidhiwa tuzo ya mshindi wa jumla wa tatu katika maonesho ya 48 ya Kimataifa ya Biashara ya yanayondelea jijini Dar Es Salaam 

            Na Joyce Kasiki

WAKALA wa Usajili wa Biashara na Leseni (BRELA) imefurahishwa na ushindi wa jumla wa  tatu katika maonesho ya 48 ya Kimataifa ya Biashara maarufu kama Sabasaba  yanayoendelea jijijini Dar es Salaam .

Akizungumza na waandishi wa habari katika banda lao mara baada ya kukabidhiwa ngao ya ushindi wa tatu na Rais Dkt.Samia Suluhu Hassan,Mtendaji Mkuu wa Brela  Godfrey Nyaisa amesema hayo ni mafanikio makubwa kwao ikilinganishwa na mwaka jana ambapo walikuwa mshindi wa pili katika eneo la taasisi zinazofanya kazi kama za BRELA.

"Tupo hapa  kuonesha tunahokifanya pamoja na kuwahudumia wananchi wanaofika bandani kwetu,kwa hiyo  ,tunatoa leseni  za biashara,tunasajili makampuni..,na leo tunashukuru kuwa washindi wa tatu na kukabidhiwa ngao na Rais ,hii ni uthibitisho unaoonesha kwamba tumetoka wapi ,tulipo  na tunakoelekea."amesema Nyaisa

Amesema,siri ya ushindi wao ni kufanya kaI kila wanapokuwa huku akitolea mfano katika maonesho hayo kwamba licha ya kuwa wapo kwenye maonesho lakini shughuli zote zinafanyika hapo.

"Kwa hiyo kama mnavyoona sisi tunakuja kwenye maonesho lakini pia tunafanya na kazi zetu za kuwahudumia wananchi humu humu kwenye maonesho ,Mtu anayetaka leseni au kusajili kampuni huduma hizo atazipata kwenye maonesho lakini pia tunafanya kazi zetu kupiia mifumo."amesema Nyaisa

Vile vile amesema ushindi huo pia umechangiwa na morali ya wafanyakazi ambao wamekuwa wakifanya kazi kwa bidii na kujituma na hivyo kuketa tija inayohitajika.

"Sisi ndio tunaowasajili wafanyabiashara,wawekezaji wote wawe wa ndani au nje ya nchi,hivyo hakuna mwekezaji anakuja tz bila kupitia BRELA  hata kama kampuni ya nje ya nchi,maana hilo ni lango kuu la kutambua biashara zote."amesisitiza Nyaisa

Ametumia nafasi hiyo kiwaasa wqfanyakazi waendelee kuongeza tija katika utendaji wao ili ushindi huo uendane na  kazi wanazozifanya

Share: