WENYE UHITAJI MAALUM KUNUFAIKA NA SERIKALI MTANDAO

 

Na Mwandishi Wetu

Mamlaka ya Serikali Mtandao (e-GA), imeahidi kuendelea kubuni na  kuboresha mifumo mbalimbali ya TEHAMA, ili kurahisisha upatikanaji wa huduma za Serikali Mtandao kwa watu wenye mahitaji maalum.

Akizungumza katika  Maadhimisho ya wiki ya Viziwi duniani 2023, yanayofanyika kitaifa jijini Mbeya, Mkurugenzi wa Huduma na Uwezeshaji  e-GA  CPA Salum Mussa, amesema sheria ya Serikali Mtandao Namba 10 ya Mwaka 2019, inatambua na kuthamini kundi la watu wenye uhitaji maalum katika matumizi ya TEHAMA.

"Kifungu cha 28 (1) cha sheria hii, kinazisisitiza taasisi za umma kuhakikisha watu wenye mahitaji maalum wanapata uelewa wa kutosha na kuwezeshwa kutumia huduma za Serikali Mtandao, hivyo e-GA ipo tayari kushirikiana na makundi hayo katika kuhakikisha hilo linatekelezeka." Ameeleza CPA  Salum.

Amesema kuwa, e-GA itaendelea kushirikiana na makundi mbalimbali ili kuwezesha na kuhakikisha, makundi hayo yananufaika na maendeleo ya TEHAMA katika kuzifikia huduma za Serikali kidijitali popote walipo.

Mkurugenzi huyo pia, amelipongeza  Shirikisho la Vyama vya Viziwi Tanzania (SHIVWITA), kwa juhudi inazozifanya ili kuhakikisha viziwi wanapata uelewa kuhusu Serikali Mtandao.

Kwa upande wake Kaimu Meneja wa Ushauri na Uelekezi e-GA Bi Johan Valentine , ameeleza kwamba Mamlaka imeshatengeza mfumo maalumu kwa ajili watu wenye ulemavu ili kuisaidia Serikali katika utoaji wa huduma za msingi kwa kundi hilo.

Amebainisha kuwa, mfumo huo maalum umeshaanza majaribio mkoani Mara na unatarajiwa kuzinduliwa mwishoni mwa mwaka huu.

" Mfumo huo lengo lake ni kutambua, kusajili na kuratibu masuala yote ya watu wenye uhitaji maalum, ili kuirahisishia Serikali kupata taarifa sahihi na kupanga mipango ya maendeleo kwa kundi hilo",  alifafanua.

Amesema mfumo huo umesanifiwa na e-GA kwa ushirikiano na  Ofisi ya Waziri Mkuu,  Kazi,Vijana, Ajira na Watu wenye Ulemavu na utawezesha kufikia kundi hilo nchi nzima.

Naye Meneja Mawasiliano e-GA Bi. Subira Kaswaga, ameeleza kwamba, e-GA  imeweka jitihadi kubwa katika kuboresha huduma za Serikali kwenda kwa wananchi kidijitali.

"Hakuna kundi litakaloachwa nyuma katika matumizi ya Serikali Mtandao, mifumo inayosanifiwa inalenga kuwafikia wananchi wote wakiwemo  Viziwi, lengo ni kuhakikisha kila mwananchi ikiwa ni pamoja na wale wenye uhitaji maalum wanazifikia huduma hizo kwa urahisi zaidi", ameeleza.

Kwa upande wake Katibu wa Chama cha Viziwi mkoa wa Pwani Zalala Selemani, ameishukuru e-GA kwa kuendelea kutoa mafunzo kwa makundi maalum ili yaweze kuzitumia huduma za Serikali Mtandao.

Share:

Read More

Mavunde avutiwa na uwekezaji wa Blue Coast

  

                    Na Joyce kasiki,Geita

WAZIRI  wa Madini  Antony Mavunde ametoa rai kwa wafanyabiashara kuchangamkia fursa ya uwepo wa sheria ya wawekezaji wazawa (Local Content) ili waweze kuongeza tija katika shughuli zao na hivyo kuchangia katika pato la Taifa.

Akizungumza katika Halmashauri ya Mji wa Geita mkoani humo alipomtembelea mmoja kati ya wawekezaji wazawa katika mkoa huo Athanas Inyasi ,Mavunde amesema uwepo wa sheria hiyo umewanufaisha na unaendelea kuwanufaisha wawekezaji walioamua kuwekeza hapa nchini.

Mavunde ameonesha kufurahishwa na kuridhishwa na uwekekzaji unaofanywa na Mwekezaji huyo na kutumia nafasi hiyo kutoa rai kwa wananchi wengine kujikita katika uwekezaji kwenye sekta mbalimbali hapa nchini..

“Serikali  ya awamu ya sita inayoongozwa na Rais Dkt Samia Suluhu Hassan itaendelea kusimamia sheria hii  ili kuhakikisha watanzania wanaendelea kunufaika na rasilimali zao zikiwemo  za kwee sekta ya madini.”amesema Mavunde

“Nitoe rai kwa watanzania kuendelea kufanya uwekezaji,Serikali ya awamu ya sita imeboresha mazingira ili wats wengi zaidi wakiwemo wazawa wanafanya uwekezaji ,kwa hiyo tunahitaji kuwaona  akina mzee Inyasi wengi zaidi na  mwisho wa siku tuweze kuyaona matokeo ya uchumi wa madini  katika maisha ya watanzania .”amesisitiza Mavunde

 Naye Mwenyekiti wa Makampuni ya Blue Coast Athanas Inyasi amesema sheria ya local Contect imesaidia kwa kiasi kikubwa kutokana na kuleta mafanikio makubwa kwa watanzania,huku ajira 360 zikiwa zimetolewa na kampuni hiyo.

Ametumia nafasi hiyo kumshukuru Rais Dkt  Samia Suluhu Hassan kuboresha mazingira ya uwekezaji huku akiahidi kuendelea kufanya uwekezaji wenye tija kwa maslahi ya jamais na Taifa kwa ujumla.

Awali akitoa taarifa ya mradi huo Mkurugenzi Mtendaji wa Blue Coast  Ndahilo Athanas amesema kampuni hiyo pamoja na mambo mengine Pia imekuwa ikichangia katika shughuli za Maendeleo ambapo mpaka sasa wameshajenga  miundombinu ya madarasa na kununua madawati kwa shule za msingi Nyamalembo na Mseto zilizopo katika mkoa wa Geita.

Aidha amesema kampuni imekuwa ikilipa kodi kwa weledi na hivyo kupata tuzo ya mlipaji bora wa kodi na hatimaye kuwekwa kwenye kundi la walipa kodi wakubwa.

Share:

Read More

Nguvu Moja Security yajivunia mafanikio yake

 

              Na Joyce Kasiki,Geita

KAMPUNI ya Ulinzi ya Nguvu Moja security services limited inayojishughulisha na masuala ya ulinzi imeelezea mafanikio ya kampuni hiyo ikiwa ni pamoja kupata tuzo ya kampuni bora inayozingatia masuala ya afya na usalama mahala pa kazi.

Akizungumza na waandishi wa habari kwenye maonesho ya  sita ya teknolojia ya Madini yanayofanyika katika viwanja vya EPZA Bombambili  Mtu wa Utawala wa kampuni hiyo Kelvin Steven amesema,tuzo hizo wamepata kutoka Kwa  Wakala wa Afya na Usalama mahala pa Kazi (OSHA) 2022 na 2023.

Amesema kampuni yao inafanaya kazi zake kwa viwango vya Kimataifa kwa lengo la kutoa huduma bora kwa wateja wake katika masuala ya ulinzi.

Kwa upande wake Meneja Mikataba wa Nguvu Moja  security services limited Jacob Zakaria  Amesema kampuni ina miaka 14 tangu kuanzishwa kwake na katika kipindi chote hicho hadi sasa imeendelea kutoa huduma bora kwa wateja wake.

Kwa mujibu wa Jacob Amesema kuwa  watumishi katika kampuni hiyo  inayojumuisha wastaafu kutoka katika vikosi maalum hapa nchini pamoja na vijana kutoka Jeshi la Kujenga Taifa na watu wengine wakawaida ambao wanapewa mafunzo ya kitalaam lakini wengine wanakuwa wafanyakazi wakawaida .

Pia kampuni imekuwa ikitoa mafunzo kwa vijana kwa wiki tatu kwa ajili ya kuwajenga na kuwapa uelewa wa kazi ambayo wanakwenda kuifanya lakini pia kampuni imekuwa ikiendelea kuzingatia masuala mbalimbali ya viwango vya kiutendaji kazi katika sehemu za kazi .

Naye Meneja wa Usalama Mahala pa Kazi wa Nguvu Moja  security services limited Caroline Mushi Amesema wamekuwa wakifanya vipimo kwa wafanyakazi wao vya mara kwa mara kutokana na mazingira ya migodini kuwa na vihatarishi vingi kwa afya za binadamu.

“Askari anapoajiriwa lazima apimwe afya wakati anaanza kazi , lakini pia baada ya mwaka mmoja anapimwa tena afya yake pia anapoondoka labda anataka kwenda kusoma lazima apime afya yake na hii yote ni kutokana kwamba maeneo tunayofanya kazi hasa migoni ni eneo lenye vihatarishi vingi kwa hiyo ni lazima tujue afya ya askari wetu.”amesema Mushi

Caroline  amesema,kampuni hiyo inatoa mafunzo mbalimbali kwa askari wake ili kutambua vihatarishi mahala pa kazi ili aweze kukitoa ama kutoa taarifa ili kihatarishi hicho kitolewe kama hawezi,lakini pia tunatoa mafunzo ya zimamoto ili waweze kukabiliana na 

majanga ya moto pindi yanapotokea katika maeneo yao ya kazi lakini pia tunatoa mafunzo ya huduma ya kwanza kwa askari wetu ili waweze kusaidiana kazini kabla ya kufika hospitali .

Kwa upande wake Meneja wa Oparesheni wa Nguvu Moja Desdery Kelvin amesema,askari wao wamewagawa katika makundi matatu ambapo wapo askari wa eneo ,askari wanaokuwa katika chumba maalum cha kamera kwa ajili ya ulinzi wa eneo kubwa viwandani pamoja na askari wa matukio.

Share:

Read More

Wachimbaji watakiw akujikinga na madhara yatokanayo na kemikali

                   Na Joyce Kasiki,Geita

MKURUGENZI  wa Uchunguzi wa Bidhaa na Mazingira kutoka Mamlaka ya Maabara na Mkemia Mkuu wa Serikali Sabanitho Mtega amewataka Wachimbaji wadogo kuhakikisha wanatumia vifaa kwa ajili ya kujikinga ili kuepuka na madhara yatokanayo na kemikali  wanazotumia wakati wa utafutaji wa madini.

Mwito huo  ametoa Septemba 27 mwaka huu  wakati akizungumza na waandishi wa habari kwenye maonyesho ya sita ya Kimataifa ya Teknolojia ya Madini chini ya kauli mbiu " Matumizi ya Teknolojia sahihi katika kuinua wachimbaji wadogo kiuchumi na kuhifadhi Mazingira"  yanayofanyika katika viwanja vya EPZ Bombambili mkoani Geita.

Mtega amesema  tatizo kubwa linalowakabili wachimbaji wadogo wa Madini  ni kutumia kemikali bila kuvaa vifaa vya kuzuia ama  kujilinda afya zao,hali inayowapelekea baadaye  kupata madhara ya kiafya.

" Kwenye tasnia ya Madini,  kwenye utafutaji wanatumia kemikali, kwenye uchimbaji pia hivyo wachimbaji wadogo wanatakiwa kuhakikisha wanalinda afya zao kuliko kitu chochote kile, ili kuweza kuendelea nanshughuli za uchimbaji ulio salama" amesema Mtega.

Kitendo Cha kutumia kemikali bila kuvaa vifaa vya kujikinga na wazi mchimbaji anakua amejikatiantamaa na maisha yake, huku bila kujua kuwa afya njema ndio mtaji katika maisha, hivyo ni vema wakahakikisha wanazingatia hilo ili kujihakikishia Usalama wao kkazini.

" Sisi tunaendelea kuwasisitiza wachimbaji wadogo wadogo wanapofanya shughuli zao za uchimbaji kwanza watambue kemikali wanazotumia lakini pia wajue madhara yake na mwisho wachukue hatua kwa maana ya kutumia vifaa vya kujikinga ili waweze kubaki salama" amefafanua Mtega.

Kufuatia hilo amewataka  wachimbaji wadogo na wananchi kiujumla kuweza kutembelea banda lao na kupata elimu stahiki itakayowawezesha kuepukana na madhara mbalimbali yatokanayo na matumizi ya kemikali  kwani kuna umuhimu mkubwa wa kupatamtaarifa za kimaabara.

Akizungumzia lengo la uwepo wao katika Maonyesho ya sita ya Kimataifa ya Teknolojia ya Madini, amesema Mamlaka ya Maabara ya Mkemia Mkuu wa Serikali ndio Mamlaka ya udhibiti katika masuala ya Usimamizi na matumizi ya kemikali za viwandani na majumbani, hivyo wana umuhimu mkubwa kuwepo katika maonyesho hayo. 

" Kama tunavyofahamu tasnia  ya uchimbaji na utafutaji wa Madini unahusisha sana matumizi ya kemikali na sisi tukiwa kama Mamlaka ya udhibiti tunapaswa  kutoa elimu kwa umma ili kemikali zinapotumika zitumike kwa utaratibu ulio salama  bila kuleta madhara kwa afya na Mazingira" amefafanua Mtega.

Akielezea majukumu mengine  Mtega amesema, Mamlaka ya Maabara ya  Mkemia Mkuu wa Serikali ni Taasisi iliyo chini ya Wizara ya afya yenye jukumu la kufanya uchunguzi wa sampuli mbalimbali na kutoa ushauri kwa Mamlaka za Mdhibiti.

"Baadhi ya sampuli ambazo tunafanywa ni kubaini ubora na Usalama wake kama vile vyakula, kemikali , sampuli zinazohusiana na Usalama kazini, lakini pia sampuli zinazohusiana na Uchaguzi wa Mazingira" amesema Mtega.

Amesema pamoja na majukumu hayo lakini pia wanasimamia sheria ya kudhibiti Teknolojia ya vina saba vya binadamu,  chini ya sheria hiyo mkemia Mkuu wa Serikali ndiye mwenye Mamlaka ya kudhibiti Teknolojia hiyo nchini.

" Mtu akitaka kufanya utafiti juu ya vina saba vya binadamu, basi Mamlaka inatoa vibali kwa ajili ya kuwawezesha watafiti kuendelee na tafiti zao katika maeneo haya" amesema Mtega.

Akielezea miongoni mwa changamoto wanazokutana wakati wakitoa huduma kwa wananchiamesema nimpamoja na uelewa duni wa sheria na  majukumu ya Mamlama ya Maabara Mkemia Mkuu wa Serikali.

"Sheria ya Usimamizi wa udhibiti kemikali  ya na. 182 inawataka wadau wote wanaojihusisha na Biashara ya kemikali wasajiliwe lakini kama wote hawajui utaratibu  za kusajili kwake inakua ni changamoto, hivyo wafike ili waonfokane na changamoto na hatimaye kuwa fursa.

Share:

Read More

MSALABS yawekeza sh.5 bilioni maabara upimaji wa madini,Mavunde aifagilia

 

                         Na Joyce Kasiki,Geita

MAABARA ya upimaji wa sampuli za Madini (MSALABS) yenye Makao Makuu yake nchini Canada , imewekeza zaidi ya shilingi bilioni 5 za kitanzania kwa ajili ya upimaji wa sampuli hizo kwa kiwango cha Kimataifa.

Mkurugenzi Mtendaji wa Maabara hiyo Mugisha Lwekoramu amesema hayo Septemba 27, 2023 Mbele ya Waziri wa Madini Anthony Mavunde wakati wa uwekeaji wa jiwe la msingi  wa maabara hiyo iliyojengwa katika halmashauri ya Mji wa Geita ,mkoani Geita.

Lwekoramu amesema Maabara hiyo inatumia teknolojia ya kisasa ya upimaji wa sampuli kwa kutumia mionzi ambayo pia husaidia katika utunzaji wa mazingira tofauti na teknolojia ya awali ya kutumia kemikali na moto lakini pia hutoa majibu kwa muda mfupi.

“Maabara hii inatumia teknlojia ya kisasa ya upimaji wa madini kwa mionzi ambayo ni rafiki hata kwa mazingira yetu maana haitumii kemikali wala moto katika upimaji na hutoa majibu  ya ufanisi mkubwa,

“Pia  Teknolojia humwezesha mteja kupata ,majibu ya sampuli ndani ya muda mfupi sana ukilinganisha teknolojia za zamani za kutumia moto na kemikali ambazo majibu huchukua siku kadhaa ikiwemo uwezekano wa kuwa na makossa ya kibinadamu na mwisho wa upimaji sampuli huwa imeharibika kabisa,kwa hiyo teknolohjia hii ya kisasa baada ya upimaji kukamilika mteja ana uhuru wa kuondoka na sampuli iliyo katika ubora wake wa awali .”amesema Lwekoramu na kuongeza kuwa

“Kwa kufanya hivi tunategemea ongezeko la tija katika uzalishaji wa madini ambao utasaidia kipato cha uchumi wetu na kipato cha serikali kwa ujumla”

Aidha amesema,kwa asilimia 99.8 ya wafanyakazi wa maabara hiyo ni watanzania ambapo matarajio yao ni watanzania hao kujifunza teknolojia hiyo ya kisasa ili waweze kueneza ujuzi wa teknolojia hiyo hapa nchini kwa kadri teknolojia jiyo itakavyoendelea kukua.

Amesema maabara hiyo inatarajiwa kufunguliwa rasmi na kuanza kutoa huduma Novemba mwaka huu na itajikita katika upimaji wa madini ya dhahabu ,Shaba na Fedha .

Pia amesema wana malengo ya kupanua wigo wa biashara yao na wamedhamiria kufungua maabara nyingine katika mkoa huo wa  Geita yenye uwezo wa kupima sampuli za madini ya aina zote lakini pia  kufungua matawi mengine Kusini mwa Tanzania itakayopima madini ya Graphite.

Amesema uwekezaji huo umefanyika kutokana na juhudi za Serikali ya awamu ya Sita inayoongozwa na Rais Samia Suluhu Hassan kwa kuboresha mazingira ya uwekezji nchini.

Akizungumza katika hadhara hiyo Waziri wa Madini Anthony Mavunde amempongeza Mkurugenzi Mtendaji wa Maabara kwa kufanya uwekezaji mkubwa katika sekta ya madini unaoendana na Dunia ya sasa ya Sayansi na teknolojia lakini pia kwa kusogeza huduma hiyo katika eneo husika na wakati muafaka.

Kwa mujibu wa Mavunde,Serikali kupitia Wizara ya Madini itaendelea kushirikiana nao ili wadau katika sekta ya madini waweze kupata huduma yao , akiwataka kuendelea kufungua matawi mengine nchini.

“Kwa niaba ya Serikali nataka niwahakikishie kwamba sisi tunaunga mkono matumizi ya teknolojia ya kisasa na tutaendelea kutoa ushirikiano kwenu kwa sababu tunajua huduma zetu zinawagusa wadau wetu na tutakuwa tayari pale ambapo mtahitaji msaada wetu tutakuwa tayari kushirikiana nanyi.”amesisitiza Mavunde

Kwa upande wake Mkuu wa Mkoa wa Geita Martin Sheigela amesema uwekezaji huo ni kutokana na ukweli uliopo kwamba nchi ina Rais anayesimamia na kuweka mazingira mazuri ya uwekezaji .

Share:

Read More

Mbunge Geita Mjini avutiwa na kazi za TBA

                

 

         Na Joyce Kasiki,Geita

MBUNGE wa Geita Mjini Costantine Kanyasu ameupongeza Wakala wa Majengo hapa nchini (TBA) kwa kazi kubwa inayofanya ya kujenga majengo mbalimbali zikiwemo nyumba na ofisi za Serikali.

Akizungumza alipotembelea banda la TBA katika maonesho ya sita ya Madini yanayoendelea mkoani Geita katika halmashauri ya mji Geita kata ya Bombambili,Kanyasu amesema miongoni mwa kazi zinazofanywa na TBA zinaonekana hata katika mkoa wa Geita.

"Karibuni sana Geita, na nawapongeza kwa sababu nawaona kila Mwaka, kwa bahati nzuri Mkoa Geita mna kazi yenu nzuri, nimefika Chato, nimefika hospitali ya Mkoa kwa hiyo karibuni sana" amesema Mbunge Kanyasu

Awali Kaimu Meneja Mawasiliano na Masoko  TBA Fredrick Kalinga amesema,Serikali ya awamu ya sita kwa kuona haja ya kuhuisha Sheria iliyoanzisha TBA kwa kuiboresha kupitia gazeti la Serikali  namba 595 la 25 Agosti 2023 ambayo inairuhusu TBA kushirikiana na Sekta binafsi kuendeleza miliki nchini kwa maana ya kujenga nyumba za kupangisha na kuuza kwa wananchi wote.

" Lakini pamoja na hayo tumekuja kuwaonyesha wananchi wa Mkoa huu wa Geita miradi ambayo Taasisi yao inatekeleza hasa maeneo haya ya Geita.”amesema na kuongeza kuwa

“Kuna miradi mbalimbali ambayo inatekelezwa na mingine tayari imekamilika kama hospitali ya rufaa ya Kanda ya Chato, hospitali ya rufaa ya Mkoa, majengo ya Ofisi ya Mkuu wa Mkuu wa Mkoa,

"Vile vile tunawaonyesha wananchi kwamba Serikali imehamia Dodoma na serikali imewekeza fedha nyingi kwenye Ujenzi wa Mji wa Serikali, hivyo tumekuwa tukiwaonyesha majengo  ambayo TBA inajenga katika Mji  wa Serikali"

Aidha amesema katika bajeti ya mwaka huu TBA inatarajia kuanza ujenzi wa jengo moja la ghorofa eneo la Msiitini.

Share:

Read More

Maonesho yawafikie wachimbaji wadogo migodini

 

MBUNGE wa Geita Mjini Costantine Kanyasu

                  

                        Na Joyce Kasiki,Geita

MBUNGE wa Geita Mjini Costantine Kanyasu ameiasa kamati ya Maandalizi ya maonesho ya Madini mkoani Geita kuangalia namna ya kuwafikia wachimbaji wadogo wa kuhakikisha wanakuwa na teknolojia za kisasa zitakazorahisisha kazi yao ya uchimbaji kwa ujumka.

Kanyasu ameyasema hayo wakati akizungumza na waandishi wa habari mara baada ya kuhitimisha ziara yake ya kutembelea mabanda katika maonesho ya sita ya Teknolojia ya Madini Mkoani Geita 2023.

“Naipongeza sana kamati ya maandalizi wa kuandaa maonesho haya ambayo yamekuwa na tija kwa wachimbaji lakini hata hivyo bado walengwa ( wachimbaji wenyewe ) bado hawajafikiwa  kiasi cha kutosha.”ameongeza

" Ziko Kampuni ambazo lazima wawafuate wachimbaji wadogo kule chini, kwa sababu maonesho haya siyo kwa ajii ya Makampuni makubwa ya uchimbaji kama GGM, Bakrifu, au Sota Mining na wengine ,bali  yanalenga wachimbaji wadogo kwa hiyo tuangalie namna ya kuwafuata wale wachimbaji wadogo kule chini hasa  kwenye kuwapelekea Teknolojia, mitaji, kuwawekea bima, Kwa sababu mabosi ndio wamekuja hapa,  lakini wale wachimbaji wenyewe wako kwenye mashimo, ambao hata hawajapata nafasi ya kuja  kuona Maonyesho haya, na ndio wanaokufa Kwa kuangukiwa na miamba" amesema Kanyasu

Aidha amesema ipo haja ya kutafuta teknolojia ya kuokoa misitu kutokana na kukatwa miti kwa ajii ya shughuli za uchimbaji huku akisema Geita ya sasa siyo ya zamani kwani miti mingi imekatwa .

“Inavyoonekana Geita ya leo siyo ile Geita ya zamani, kuanzia Kasama mpaka Geita mjini ,palikuwa na msitu Mkubwa sana, lakini  miti yote imekwisha kwa sababu ya Uchimbaji wa madini ( Matumizi ya Matimba) lazima tutafute Teknolojia itakayookoa Misitu itakayobaki ili tusiendelee kukata miti yote na uharibu  hali ya hewa.”amesema na uongeza kuwa

"Kuna uhusiano mkubwa wa hali ya hewa ya Kanda ya ziwa na Misitu ya asili iliyokuwepo, kwa hiyo tuchimbe Madini tutengeneze pesa, zile pesa zirudi kupanda miti, kazi nzuri imefanywa na Wizara ya Maliasili na Utalii pale mbele ya Katolo ule msitu wa Bihalamulo wamepanda hekta 69,000 pale wamepanda msitu mkubwa, ifanyike hivyo kwenye maeneo yote yaliyokua na msitu wa asili lakini imevunwa kwenda kwenye madini.”

Ametumia nafasi hiyo kuiomba  Wizara ya madini kuhakikisha kwenye Maonyesho kama hayo mwakani,kuwe na Banda linaloonyesha bidhaa mbalimbali zilizotengenezwa kutokana na mawe ya madini ya aina  mbalimbali kama mikufu, Mikanda, shanga, heleni, shanga, vitu vingi mbalimbali ambao waliletwa na Wizara ii wananchi wajifunze wa kusikia na kuona uhaisia wa vitu vinavyotengenezwa na madini yao.

Pia ameiomba Tume ya Madini kuwasaidia kuja na Teknolojia ya kuanza kukamata Silva, dhahabu, pamoja na madini mengine ili  utajiri huo usitupwe  kwenye matope na Madini mengine .

" Sasa hapa tuna Madini yanayotupwa, kule wanaofanya uchechuaji wanakamata zaidi Dhahabu na Silva, maana Silva nyingí inabaki kwenye tope, waje na Teknolojia ya kukamata silva inayobaki kwenye tope, kwasababu sokoni tunahitaji Silva lakini sio koo kwa mchimbaji, mchimbaji anatafutwa dhahabu kwa hiyo asilimia anayopatikana baada ya kuchenjuliwa ni ile ambayo imekamatwa Kwa bahati mbaya.

Kwa upande wake  mfanyakazi wa Kampuni ya uchimbaji Madini ya Tanzanite ya Franone Mining & Gems Company Ltd Furaha  Mshai amesema ujio wao kwenye Maonyesho hayo ni fursa pekee ya kutangaza Madini  aina ya Tanzanite ambayo wa dunia nzima yanapatiana nchini Tanzania tu hadi hivi sasa.

“Duniani kote madini haya yanapatikana nchini Tanzania tu ,kwa hiyo huu ni utajiri wetu ambao watanzania tunajivunia na hata hapa katika maonesho haya yamekuwa ni kivutio kikubwa kwa watu mbalimbali wanaotembeea banda letu.”

xxx

Share:

Read More

TIRA yaeleza mkakati wake wa kutoa elimu kwa wananchi

                                    Na Joyce Kasiki,Geta

MENEJA wa TIRA Kanda ya ziwa Richard Toyota amesema taasisi hiyo imejipanga utoa elimu kuhusu shughuli zake hasa katika kipindi hiki cha maonesho ya sita ya Teknoojia ya Madini yanayoendekea katika viwanja vya EPZ kata ya Bombambili halmashauri ya Mji wa Geita mkoani Geita.

 Toyota ameyasema haya Septemba 26  katika mahojiano yake na waandishi wa Habari waliotaka kujua ushiriki wao katika maonyesho hayo ambapo amesema, wamejipanga kutoa elimu kwa watanzania wote wakiwamo wachimbaji wadogo ,wakubwa na wawekezaji ,wakulima ,wafugaji,wavuvi na watu wa Kila aina ambao watakuwa wamefika kwenye viwanja hivyo.

Meneja Toyota Amesema kuwa kwakuwa Bima  ni ulinzi au Kinga Kwa mana hiyo Kila mtu anahitaji Ulinzi nakkwamba kwakuwa Kila mmoja anaasiliwa na majamba mbalimbali ya kiuchimi basi anahitaji kuwa na Bima .

Amefafanua kuwa jambo la msingi la kujiuliza ni kwamba wewe unahitaji  Bima ya aina gani na kwamba misingi gani Kwa mafano wawekezaji wadogo wanabima za aina nyingi zinazomhusi Kulingana na shughuli zake anazozifanya.

" Mfano hapa mchimbaji anaweza kukabiliwa na majanga,janga linaweza kuwa ni ajali hivyo Kuna Bima ya ajali ambayo inamuhusu Yeye kumlinda Kwa masaa 24 akipata ajali basi Bima hiii inaweza kumlinda ,Bima ya afya , hii mtu mwenyewe anajikadilia kutokana na kazi yake ,hivyo likitoa janga au Yeye mwenyewe akifariki Kuna kuwa na fidia Kwa warithi wake kutokana na mchango wake "Amesema Meneja huyo

Amefafanua kuwa licha ya Bima hizo lakini Kuna Bima mbalimbali za biashara na kila mtu ambaye yupo hapo anaweza kukata Bima hiyo Kwa ajili ya biashara yake ila Kuna jambo lingine ambalo wanapaswa kufahamu hasa wananchi ambao wanafika kwenye maonyesho hayo na Kwa kutambua madhira ambayo wanayapa wakulima  wameazisha Mpango mkakati wake.

Amesema kuwa Serikali wanakwenda kuweka fedha hapo kama ruzuku Kwa ajili yao na  kumfanya mkulima kunufaika na Kwa upande wa  makampuni yaliyoungana pamoja wanaenda kuweka Kinga kwenye mazao ambayo yamewekwa Kinga

Toyota Amesema kuwa Serikali inaweka fedha pale  na kutokana na hilo itampunguzia mkulima kuingia gharama kubwa na kumrahishia Sasa kuingia kwenye soko la ushindani lakini vile vile na makampuni hayo yameungana  pia kutengeneza kitu kinaitwa kosotie gesi ambapo lengo lake kubwa ni kwamba makampuni hayo yamekusanya mitaji yake na yameweka pamoja kwasababu miradi inayoendesha kwenye sekta ya madini na gesi ni mikubwa.

Amefafanua kuwa kutokana na hali hiyo  unaweka kinga kwenye masuala hayo hivyo makampuni hayo yanaungana pamoja na kuweka Kinga pamoja ya naleta utalaamu pamoja na kuweka Kinga pamoja Kwa ajili ya wale wafanya biashara mbalimbali, kwahiyo kupitia wawekezaji hao na wakija wakapitia  kwenye kosotiani maana yake mitaji yao inakuwa Iko salama zaidi

Ameongeza kuwa pamoja na hilo TIRA  kupitia maonyesho hayo wanawaambia watanzania Kuna watu wanatumia vyombo vya moto hivyo magari yote hayatakiwi kutembea barabarani pasipokuwa na Bima na ikiwa chombo hicho hakina Bima na wewe mwananchi umesafiri nacho mana yake dhamana au reability ya kusafiri na hicho chombo lazima ilipwe na mmiliki.

Ameongeza kuwa  kama chombo kina bima mana yake dhamana inakuja kwenye kampuni ya Bima hivyo wananchi wanaeleweshwa kwamba Kuna mfumo ndani ya Bima umeazishwa wa kuhakiki usalama wa chombo alichopanda Kwa kutumia simu yake ya mkononi akiwa kama abiria .

Toyota Amesema kuwa"Kwa kutumia simu yao  ya mkononi utabonyeza x152 x00# alafu utachagua namba 3 alafu namba 4 alafu namba 1 na mwisho utaingiza namba ya gari au chombo na itakuletea taarifa ya chombo hicho na lengo ni kufanya mtanzania huyo atakapokuwa amepatwa na tatizo apate haki ya kumwezesha kurudi kwenye shughuli zake.

Amesema kwasababu Kampuni ya Bima ikikufidia hata kama umepata ulemavu wa kudumu lakini angalau anaweza kujikimu na kuendelea familia yake hivyo ndio maana wapo Geita ili wananchi wapate elimu ya masuala ya Bima Kwa maana ni ulinzi wa maisha yao.

Share:

Read More

Changamoto huduma za afya kwa watoto baada ya Kufutwa ‘Toto Afya Kadi’

PICHANI ni Waziri wa Afya Ummy Mwalimu akizindua mpango wa Bima ya Afya wa Watoto mwaka 2017

                  Na Joyce Kasiki

KATIKA Taifa la Tanzania tukizungumzia neno mtoto kila mmoja anafahamu kuwa ni mtu mwenye umri wa chini ya miaka 18, hata kama ameanza kujitegemea lakini bado anahesabika kama ni mtoto.

 

Tafsiri hii imetokana na Mkataba wa Kimataifa wa Haki za Mtoto, Mkataba wa Afrika kuhusu haki na Ustawi wa Mtoto, Sera ya Maendeleo ya Mtoto na Sheria ya Mtoto Na. 21 ya 2009.   

 

Lakini leo makala hii inamzungumzia mtoto wa miaka 0 – 8 ambaye kitaalam inaonesha kuwa katika umri huo ubongo wa mtoto unakua kwa asilimia 80-90 na kuanzia miaka tisa kuendelea ndio ubongo unakua kwa asilimia 10 zilizobakia na kufikia asilimia 100.

 

Aidha kundi hilo la watoto lilisahaulika katika kuhakikisha linapata afua stahiki ili kuwezesha ubongo kukua inavyotakiwa na hivyo kumwezesha mtoto kukua hadi kufikia utimilifu wake hali iliyofanya serikali kwa kushirikiana na wadau  kuanzisha Programu Jumuishi ya Malezi Makuzi na Maendeleo ya Awali ya Mtoto (PJT-MMMAM 2021/22-2025/26)iliyolenga kutatua changamoto za ukuaji na maendeleo ya watoto wa umri huo .

 

Pia Programu hiyo itatoa mcango katika kufanikisha mpango wa tatu wa Taifa wa Maendeleo wa miaka mitano 2021/22-2025/26 kwa kutambua kwamba watoto ambao wanakosa kufikia kikamilifu hatua za ukuaji ni changamoto kwa maendeleo ya Taifa.

 

Mambo muhimu ya kuzingatia kwa mtoto ni kuhakikisha upatikanaji Programu jiyo imelenga kuwekeza moja kwa moja kwenye maendeleo ya watu ili kuharakisha upatikanaji wa matokeo chanya ya maendeleo ya awali ya mtoto kwa kuhimiza ushiriki wa sekta mbalimbali katika kutoa huduma za malezi jumuishi yenye vipengele vitano ambavyo ni  Afya bora,lishe ya kutosha tangu ujauzito,ujifunzaji wa awali,malezi yenye mtikio na ulinzi na usalama na kuwa Taifa lenye watu wenye tija hapo baadaye.

 

Moja ya mambo yanayofanywa na serikali katika kuhakikisha mtoto anakua vizuri ni pamoja na utoaji wa huduma za afya ambapo katika kumlinda mtoto dhidi ya magonjwa ilianzisha utaratibu wa Bima ya Afya ya Mtoto’Toto Afya Kadi’iliyokatwa kwa gharama ya shilingi 50,400 ambayo ilirahisisha upatikanaji wa huduma bora za afya kwa mtoto kwa kipindi cha mwaka mmoja.

Nikimnukuu Waziri wa Afya Ummy Mwalimu wakati akizindua mpango huo mwaka 2017 alisema’ Kampeni hii iwe endelevu kwa nchi nzima ili watoto wote wawe na Bima ya Afya,hapo tutakuwa tunajenga Taifa lenye msingi bora wa afya’,ambapo kwa kauli hiyo kulikuwa na mwitikio mkubwa wa wazazi kukata bima za afya za watoto wao.

Licha ya kuwa kadi hiyo ina msaada mkubwa kwa watoto wote wenye umri wa miaka 0 hadi 18 lakini kwa watoto wa kati ya miaka 0-8 ina umuhimu mkubwa zaidi kwani ndio wakati ambao msingi wa afya bora ya mtoto unapaswa kujengwa.

 

Hata hivyo kwa sababu ambazo hazijaeleweka na wananchi,Machi mwaka huu serikali iliamua kusitisha au kubadili mfumo wa upatikanaji wa kadi hiyo ambapo hivi sasa umewalenga zaidi watoto waliopo shuleni huku ambao hawajaanza shule kwa sababu mbalimbali wakiwa wamesahaulika hatua ambayo imelalamikiwa na wazazi na walezi.

 

Wakizungumza katika Makala hii baadhi ya wazazi na walezi wameiangukia serikali kuiomba serikali kurudisha utaratibu wa watoto kupata huduma za afya kupitia mpango wa Afya Toto Kadi na bila vikwazo ili kuwawezesha watoto wengi zaidi kujiunga na mpango huo na kupata huduma za matibabu kwa urahisi.

 

Kwa mujibu wa Sera ya Afya ya 2007 ,huduma za afya kwa mama wajawazito na watoto chini ya miaka mitano hutolewa bure kwa lengo la kuboresha afya ya mtoto kabla na baada ya kuzaliwa mpaka anapofikisha miaka mitano.

 

Wananchi hao wamesema,kitendo cha serikali kuondoa utaratibu wa watoto kutibiwa kupitia bima hiyo,imekuwa changamoto kwao baada ya kadi walizokuwa wakitumia kuisha muda wake na hivyo ushindwa uendeea upata matibabu .

 

Saida Issa mkazi wa Nkuhungu jijini Dodoma  ni mmoja wa wazazi aliyekuwa  amemkatia mwanae kadi hiyo anasema,utaratibu uliopo hivi sasa ambao umetangazwa na serikali kwamba mtoto atapata kadi hiyo kupitia shule,unawanyima haki watoto wengine hasa wale ambao bado hawajafikia umri wa kwenda shule.

 

“Kimsingi tunaiomba serikali irudishe utaratibu wa zamani wa watoto wote kupata kadi hiyo kwa gharama ya sh.50,400 bila masharti yoyote maana ulikuwa ni utaratibu rahisi uliowawezesha kupata huduma za afya katika hospitali zote nchini,utaratibu uliopo ni wa masharti ambao uleta ugumu kwa watoto kupata matibabu.”anasema Saida

 

Anaongeza kuwa”Hata utaratibu ambao umeelezwa kwenye sera ya afya kwamba watoto wenye umri wa miaka mitano kushuka chini watatibiwa bure,bado hauna tija sana kwa sababu unaweza kumpeleka mtoto hospitali akaambulia  vipimo tu na dawa zote akahitajika kwenda kununua nje kwenye maduka ya dawa ya watu binafsi.”

 

Ramadhani Juma Mkazi wa Mailimbili anasema,hata utaratibu uliotangazwa na serikali kwamba mtoto atapata kadi ya matibabu kupitia shule bado siyo rasmi kwa sababu huko shuleni kwenyewe hakuna mwongozo wowote rasmi unaoelekeza kuhusu suala hilo hali inayoleta sintofahamu kwa wazazi na walezi.

 

“Lakini pia imesema watoto watapata kadi kupitia kadi za vifurushi za wazazi,hili nalo bado changamoto maana wazazi wengi ambao hawapo kwenye utumishi wa umma hawana hizo kadi kutokana na kushindwa kumudu gharama za uchangiaji ,familia nyingi walikuwa wameamua kuwekeza kwenye afya za watoto kwa kuwakatia kadi hizo kutokana na changamoto za kiafya zilizopo kwa watoto.”anasema na kuongeza kuwa

 

“Hivyo tunaiomba serikali iliangalie upya suala hili na irudishe utaratibu uliokuwa mwanzo wa kadi kukatwa kwa mtoto mmoja mmoja na siyo kupitia kikundi cha idadi fulani ya watoto.”anasema mzazi huyo

Mkurugenzi wa Shirika lisilo la Kiserikali la Mimi ni Taa Girls Foundation ,linaloshirikiana na Asasi mbalimbali  katika mkoa wa Dodoma katika utekelezaji wa Mradi kwanza unaopelekea utekelezaji wa PJT-MMMAM Dorcas Shayo anasema, ni lazima kila mmoja afahamu kwanza ustawi wa mtoto unaanza na afya ndio maana kumekua na uhamasishaji wa akina mama kujifungulia kwenye vituo vya afya.

 

“Hii ni kwa sababu tunaamini katika afya ili mtoto akue vizuri lazima kuwe na  mazingira rafiki kati ya mtoto na mama na huduma za afya hivyo basi, kuweka vikwazo vyovyote vinavyoweza kusababisa mtoto kuwa mbali na huduma za afya ni kupoteza kabisa ukuaji wenye afya bora kwa mtoto”amesema shayo 

 

Kwa upande wake Mkurugenzi wa shule ya msingi  Capital (Capital Pre and Primary School) Khan Charokiwa anasema wao kama shule walipata taarifa kuhusu watoto kuandikishwa kadi za bima shuleni lakini wameshindwa kuandikisha watoto kutokana na wengi wao kuwa na bima za wazazi wao.

 

“Taarifa ambayo tuliipata kutoka NHIF ni kwamba ili shule ikidhi vigezo vya kuandikisha ,idadi ya watoto inatakiwa ifikie 100 ,sasa sisi pale shuleni watoto wengi wana bima za wazazi wao na ambao hawana ni wachache.”anasema Khan

Kwa upande wake Mganga Mkuu wa Jiji la Dodoma Dkt.Andrew Method amesema,katika hospitali za jiji la Dodoma watoto wanaendelea kutibiwa kwa kufuata miongozo na sera ya afya ambayo inataka watoto walio na umri chini ya miaka mitano kutibiwa bure.

 

Akizungumza hivi karibuni Bungeni jijini Dodoma Naibu Waziri wa Afya Dkt.Godwin Mollel amekiri kubadilika kwa mfumo wa kulipia watoto kupitia Toto Afya Kadi umebadilika huku akisema, kwa sasa kadi za matibahu za watoto hukatwa kupitia shule na vifurushi vya Bima ya Afya vya Najali,Wekeza na Timiza ambavyo hukatwa kifamilia hivyo na watoto kujumuishwa humo.

 

Pia akizungumza na waandishi wa habari jijini Dar Es Salaam Septemba 25,2023 Dkt.Mollel anasema,kuna idadi ndogo ya watoto walio chini ya miaka 18 waliopata toto Afya kadi ambao ni 210,000 tu kati ya watoto milioni 31 walio na umri chini ya miaka 18.

 

Anasema,tangu kuanzishwa kwa mpango huo watoto 210,000 wameshatumia kiasi cha shilingi bilioni 40 wakati michango yao ni shilingi bilioni 5 tu.

 

Hata hivyo kwa mujibu wa Mwongozo wa Programu Jumuishi wa Malezi,Makuzi na Maendeleo ya Awali ya Mtoto (PJT-MMMAM 2021/22-2025/26),kuna tafiti chache  kuhusiana na masuala ya Malezi,Makuzi na Maendeleo ya Awali ya Mtoto (MMMAM) ambazo zimefanyika kwa ngazi ya Taifa ambapo tafiti za kisayansi duniani zinasisitiza kwamba msingi imara wa mtoto unatakiwa ujengwe katika miaka ya awali ya mtoto na kwamba huu ndiyo wakati muhimu wa kuwekeza maisha ya mwanadamu.

 

“Imedhihirika kuwa kwa kila dola moja iliyotumika katika afua za MMMAM kuna matokeo makubwa yanayopatikana yanayokadiriwa kufikia dola za kimarekani 17.”imesema sehemu ya Mwongozo huo.

 

Hata hivyo ,suluhisho la kudumu la tatizo hili ni kukamilika kwa muswada wa sheria ya Bima ya Afya kwa Wote ambao tunaamini utawezesha watoto wengi zaidi wasio na changamoto na  wenye changamoto za kiafya kulipiwa huduma za matibabu kupitia Bima ya Afya kwa wote.”anasema Dkt.Mollel

Kwa mujibu wa Naibu Waziri huyo,hatua hiyo itapelekea kuwepo kwa uhai na uendelevu wa mfuko wa Bima ya Afya wa Taifa huku akisema,serikali imeshaanza kupeleka elimu shuleni kuhusu utaratibu wa wazazi kuwakatia watoto wao kadi za matibu kupitia shule. 

 

Ikumbukwe kuwa toto Afya kadi ilikuwa inatoa fursa Kwa watoto walio na umri wa kuanzia miaka 0hadi 18   kutibiwa kwa gharama  sh 50,400 kwa mwaka mzima hivyo kuleta unafuu kwa wazazi/walezi kuwakata kadi hizo na hivyo kurahisisha upatikanaji wa matibabu na huduma Bora za Afya kwa watoto waliokiwa na kadi hizo.

 

Hata hivyo utaratibu huo wa Toto Afya Kadi  ulioanzishwa 2017 umeondolewa mwanzoni mwa mwaka huu huku ikielezwa kuwa watoto wakatiwe kadi za matibabu kupitia kadi za vifurushi za wazazi wao au kupitia shule wanazosoma hatua ambayo imeelezwa na wananchi wengi kwamba inaleta changamoto katika upatikanaji wa huduma za Afya kwa watoto hususan wenye umri wa miaka sifuri Hadi minane kundi ambalo pamoja na Afya nyingine,linahitaji kupata huduma Bora za Afya na uhakika kwa ajili ya ukuaji timilifu wa ubongo na ukuaji wao kwa ujumla.

Share:

Read More

RITA yataka jamii kuwa na desturi ya kuandika wosia

  

                            

       

 

                                          Na Joyce Kasiki,Geita

WAKALA wa Usajili, Ufilisi na Udhamini (RITA) umewataka wananchi Kujenga desturi ya kuandika wosia Ili kuondoa migogoro ya mirathi inayochukua muda mwingi kufuatilia kesi mahakamani na  badala ya muda huo kuutumia kwenye shughuli za uzalishaji Mali.

Hayo yamesemwa na Wakili wa Serikali kutoka RITA  Salvius Rwechungura wakati akizungumza na waandishi wa Habari kwenye maonyesho ya sita ya Kimataifa na Teknolojia ya madini  yanayoendelea mkoani Geita.

 "Sisi kama Rita tuna kaulimbiu yetu  inasema 'kuandika wosia siyo uchuro'ikiwa na maana kwamba kuandika wosia ni utaratibu  ambao binadamu anatakiwa awe nao ili kujua siku asipokuwepo mali zake zinagawanywa katika utaratibu bila kuleta migogoro."amesema Rwechengura

Nakuongeza kuwa "Tunashuhudia katika vyombo vya habari watu wanagombania Mali alizoacha marejemu lakini kumbe angekuwa ameacha waraka kwamba Mali zinagawanywaje migogoro kwenye jamii isingekuwepo na watu wasingetumia muda miwngi kugombana  kwa kwenda mahakamani kudai mali ambazo zingegawanywa kwa utaratibu unaoeleweka"Amesema

Pia   Rwechengura amesema pamoja na kutoa huduma na ushairi katika kuandika wosia pia RITA inajihusisha na usajili wa matukio mbalimbali ya binadamu ikiwemo kuzaliwa,kufa ,ndoa na talaka , huduma za kuasili watoto na vile vile RITA inatoa huduma ya ushauri katika suala la ufilisi na masuala ya bodi za wadhamini.

"Kwa hiyo kwa kifupi sisi kama RITA tunahudumia watu wengi ambao wanakuja hapa wanahitaji kusajili vyeti vya kuzaliwa ambavyo vinasaidia katika mchakato mzima wa kupata huduma nyingine kama kitambulisho Cha utaifa ( NIDA) , namba za utambulisho wa mlipa Kodi na masuala mengine ambayo yanasaidia kupata hati za kusafiria,

"Kwa hiyo ukiangalia kwa upana wake hizo huduma zinawahusu pia wachimbaji na wafanyabiashara kwa sababu wakiwa wamesajiliwa maana yake wametambuliwa, basi Serikali inapata nafasi ya kuwatambua watu inayowahudumia katika sekta mbalimbali zikiwemo sekta za madini."
Amesema

Nakuongeza kuwa "Niseme tu RITA imehamia Geita vyeti vya kuzaliwa vinatolewa kama mnavyoona ndani ya muda mfupi kikubwa aweze kufika na viambatanisho stahiki vinavyowezesha kupata huduma ya cheti Cha kuzaliwa ." Amesisitiza Rwechengura

Naye Mwananchi aliyekuwa katika Banda hilo akipata huduma Lilian Ndila  ameishukuru Serikali kwa kuleta maonyesho hayo kwani yanasaidia mambo mbalimbali ikiwa ni pamoja na kupata vyeti vya kuzaliwa kwa urahisi.

"Mimi nashukuru Leo nimepata cheti cha kuzaliwa cha mwanangu  kwa siku mbili tu ,wakati nimeshafuatilia kwa takribani miezi miwili bila mafanikio."amesema Ndila 

Share:

Read More

CPB yawahakikishia wakulima soko la mazao yao

 

AFISA masoko na usambazaji  kutoka Bodi  ya Nafaka  na Mazao  mchanganyiko (CPB) Francisco Amos

 

 

BIDHAA mbalimbali katika soko la CP

 

                                      Na Joyce Kasiki,Geita

AFISA masoko na usambazaji  kutoka Bodi  ya Nafaka  na Mazao  mchanganyiko (CPB) Francisco Amos amesema kuwa bodi  imejipanga kumuondolea mkulima changamoto ya soko ya mazao yao iliyokuwa inamkabili mkulima huko nyuma

Akizungumza na waandishi wa habari katika maonyesho ya sita ya teknolojia ya madini yanayofanyika katika viwanja vya EPZA  Bobambili mkoani Geita,Amos  amesema kuwa Serikali ilianzisha bodi ya nafaka na mazao mchanganyiko ili iwe jukwaa la wakulima kuuza mazao yao pindi wanapopata changamoto katika masoko au mavuno yao.

"Naweza kusema kwamba tumeshiriki  maonyeaho haya tukiwa na lengo la kuonyesha bidhaa bora zinazozalishwa na bodi hiyo kupitia viwanda vyake mbalimbali hapa  nchini pamoja na kuwafahamisha fursa mbalimbali ambazo bodi ya nafaka wanazitoa kwa wakazi wa Geita  ikiwemo kuuza mazao yao katika bodi ya nafaka na mazao mchanganyiko  huduma za uwakala   usambazaji na vilevile tunatoa  ushauri wa kitalaamu wa maswala ya kilimo na mambo mengine kama hayo "Amesema Amos

Nakuongeza kuwa "Tunawaomba wakulima mkoani Geita na wale wote wanaofika katika maonyesho kutembelea  banda letu ili  kufahamu fursa mbalimbali zinazopatikana katika sekta ya kilimo hususani katika suala zima lakuongeza thamani ya mazao ambapo kimsingi  ndio jukumu mama la bodi ya nafaka na mazao mchanganyiko."Amesisitiza  Amos

Pia ameongeza kuwa wao pamoja na wadau wengine wa sekta binafsi wananunua mazao katika bei shindani ambapo amewasisitiza wakulima kuendelea kulima kutokana na soko la mazao lipo na wao kama CPB wapo tayari kununua.

 Ametoa msisitizo kwa wakazi wa Kanda ya ziwa kuendelea kulima zao la mpunga wakutosha nakwamba Bodi ya nafaka  ipo tayari kununua kwa bei shindani hivyo muhimu kutembelea banda hilo kujua namna gani mazao yao yanaweza kupata vigezo vya kununuliwa na bodi hiyo kutokana na kuwa na viwango vyao vya ubora.

Hata hivyo amewataka wakulima nchini  kuwa na  utaratibu wakukutana na wataalamu wa ubora  ambapo watawapa ushauri kwa ni namna gani walime kuanzia shambani kuvuna ili mazao yao yanapoingia sokoni yawe na ubora unaotakiwa yaweze kuwa shindani katika soko.

Share:

Read More

REA ysambaza umeme wa asiimia 89,vijiji 1333 tu ndio havijapata umeme

 

MURUGNZI Muu wa REA Hassan Saidy aizungumza na waandishi wa habari moani Geita wenye maonesho ya Sita ya imataifa.

 

 

                          Na Joyce Kasiki,Geita

SERIKALI kupitia Wakala  wa Nishati vijijini (REA) umefanikiwa kufikisha  nishati ya umeme vijijini katika vijiji 10,987 ambayo karibu asilimia 89 ya vijiji vyote  12318 vilivyopo hapa nchini vimeshafikiwa na umeme.tu ambavyo baadhi yake wakandarasi wapo saiti wanaendelea na kazi.

Akizungumza na waandishi wa habari kwenye maonesho ya Sita ya Kimaitfa ya Madini mkoani Geita,Mkurugenzi Mkuu wa REA Mhandisi Hassan Saidy amesema matarajio mpaka mwakani vijiji vyote vitakuwa vimeshafikiwa na umeme lakini vijiji vingi  vitapata umeme kabla ya desemba mwaka huu na vingine mwakani.

“Kwa hiyo tukimaliza zoezi la kupeleka umeme vijijini tunahamia kwenye vitongoji ingawa mradi ya kupeleka umeme kwenye vitongoji tulikuwa tumeshauanza .”amesema 

Kwa mujibu wa Mkurugenzi huyo ,Tanzania Bara ina vitongoji 64,760 ambapo karibu vitongoji 28586 vimeshafikiwa na umeme kwa hiyo utakuja kuona kuna vitoingoji 36,000 ndio bado havijafikiwa na umeme.

 “Kama mnavyofahamu Tanzania tumebarikiwa nchi yetu ni kubwa ,Tanzania peke yake ukijumlisha Kenya, Uganda , Ruanda na Burundi yaani Afrika Mashariki ya mwanzo,bado Tanzania ni kubwa lakini serikali imeweza kufikisha umeme kwenye eneo lote la nchi.”amesema na kuongeza kuwa

“Kwa hiyo suala la umeme kwa kiasi kikubwa tumefanikiwa na sasa hivi kama unavyoona pamoja na kushughulika na umeme tunaingia kwenye nishati safi ya kupikia .”

Mwishoni mwa mwaka juzi Rais alizindua kongamano la Nishati ya kupikia ambapo katika kikao hicho aliagiza kuanzishwa kwa dira ya Taifa na Mfuko wa Taifa wa Nishati ya kupikia lengo lilikuwa ni kwa ajili ya kuhama kutoka kwenye njia na nishati ya asili ya kupikia kuja kwenye nishati safi na bora ya kupikia.

Kufuatia uzinduzi huo REA tumekuwa tukielimisha wananchi nchi nzima kuachana na matumizi ya kuni na mkaa ambavyo vimekuwa ni chanzo cha ukataji miti hovyo na hivyo kufanya uharibifu wa mazingira.

Amesema,wamekuwa wakielimisha wananchi kuhusu athari na faida za matumizi ya nishati safi ya kupikia huku akisema madhara ni kusababisha uharibifu wa mazingira na kuleta mabadiliko ya Tabianchi .

Vile vle amesema zipo athari za kiafya ikiwa ni pamoja na macho kuwa mekundu,athari kwa akina mama wajawazito lakini pia vifo .

“Kwa hiyo  maeneo mengi hapa nchini tunaweza kuhama kwenye matumizi ya kuni na mkaa na kuingia kwenye nishati safi ya kupikia ambayo pia inasadia kuokoa misitu yetu ambayo wataalam wanatuambia tunapoteza misitu ya heka laki nne  kwa mwaka lakini pia kuna vifo vinavyoadiriwa kufikia wastani wa 33,000 kwa mwaka kutokana na matumizi ya nishati ya kuni,

“Lakini pia bado kuna madhara mengine ya kiafya,mtu anaweza asife lakini kuna kuathirika macho,akina mama wajawazito wanaathirika lakini tuseme ni jambo ambalo lina athari kubwa sana .”amesisitiza

Amesema wakati umefika sasa kwa wananchi kuachana kupikia kuni na mkaa na kuhamia kwenye nishati safi ya kupikia kama vile gesi,umeme kwani serikali imeshaweka miundombinu hiyo.

Share:

Read More