Maonesho ya Madini Geita yafana, Zaidi ya wadau 400 washiriki

Mkuu wa Mkoa wa Geita Martin Shigela akizungumza na waandishi wa habari katika Viwanja vya EPZA katika kata ya Bombambili Halmashauri ya Mji wa Geita kuhusu maonesho ya Madini yalianza jana katika viwanja hivyo,Kushoto kwake ni Mkurugenzi wa Halmashauri ya Mji wa Geita Zahara Michuzi.

Banda la Mfuko wa Higfadhi ya Jamii NSSF ambao ni moja kati ya wadhanmini wa Maonesho ya Sita ya Kimataifa ya Madini 

Moja ya Banda la wadau wa madini ambao wameshiriki katika maonesho ya Sita ya Kimataifa ya Madini katika viwanja vya EPZA kata ya Bombabili Halmashauri ya Mji wa Geita.

           NA JOYCE KASIKI,GEITA

NAIBU Waziri Mkuu ambaye pi ni Waziri wa Nishati Dkt.Dotto Biteko anatarajiwa kuwa mgeni rasmi katika ufunguzi wa maonyesho ya Sita ya Kimataifa ya  Madini mkoani Geita yatakayofunguliwa rasmi Septemba 23 mwaka huu katika Halmashauri ya Mji wa Geita huku Rais Dkt.Samia Suluhu Hassan akitarajiwa kufunga maonyesho hayo.

Akizungumza leo Septemba 21,2023 na waandishi wa habari katika viwanja vya EPZA vilivyopo katika Kata ya Bombambili Halmashauri ya Mji wa Geita, Mkuu wa Mkoa wa Geita Martin Shigela amesema,maonyesho hayo ambayo tayari yameshanza jana ,mwaka huu yamekuwa na mwitikio mkubwa kutoka na washiriki wengi Zaidi kujitokeza kuonyesha shughuli wanazozifanya.

“ Maonyesho haya yalianza 2018 na mwaka huu ni maonyesho ya sita ya madini ambapo dhamira ni kuhakikisha kwamba wananchi wanapata maarifa mapya watakayoyatumia katika shughuli za utafiti,kuongeza thamani na shughuli za uchenjuaji,

“Mwaka jana tulikuwa na washiriki  250 ,lakini mwaka huu washiriki walioingia mpaka sasa ni zaidi ya 400 maana yake mwitikio ni mkubwa na wananchi hasa wachimbaji wameelewa maana ya uchimbaji hususan makampuni yanayojihusisha na uchimbaji,uchenjuaji ,uongezaji thamani kwa maana kwamba wameona umuhimu wa kushiriki katika maonyesho haya.”amesema Shigela

Aidha amesema,Mkoa umeweka mazingira mazuri ili kuwawezesha wadau wa sekta ya madini kuja na teknlojia mpya na rahisi zitakazowawezesha wachimbaji wadogo kufaidika na teknolojia hizo kwa kuwa na gharama ndogo za uchjimbaji ,uchenjuaji na uongezaji thamani wa madini ili nchi ifikie hatua ya kuhifadhi dhahabu ambayo imeongezwa thamani kwa zaidi ya asilimia 100.

Mkuu wa Mkoa ametuamia nafasi hiyo kuwakaribisha wananchi hasa wanaojishughulisha na uchimbaji,uongezaji thamani na uchenjuaji wa madini kufika katika viwanja hivyo kujifunza na kujionesha mitambo na mshine kwa ajili ya shughuli za uchimbaji.

Share: